Եթե դուք ընտանիքի կրտսեր երեխան եք, ուրեմն միլիոնատեր դառնալու ավելի շատ շանսեր ունեք

Ըստ The Sunday Times-ի՝ կրտսեր երեխան, որի ընտանիքը ձեռնարկատիրական գործով չի զբաղվում, ավելի հավանական է, որ ձեռներեց կդառնա և համարձակորեն ռիսկի կդիմի:

Բիրմինգհեմի համալսարանի հետազոտողները բացատրում «ի ծնե ըմբոստ» լինելու դրույթը, ըստ որի ընտանիքի կրտսեր երեխան ռիսկի դիմելու հարցում ավելի փնտրող է, ոչ ավանդական և կայուն:

Հետազոտողների բացահայտումները հիմնված են ավելի քան 6300 բրիտանացի քույր և եղբայրենի ուսումնասիրության վրա:

Ըստ ուսումնսիրության՝ այն ընտանիքները, որտեղ երկու երեխա կար, կրտսերը 49%-ով ավելի շատ հավանական էր, որ իրեն կփորձի ձեռնարկատիրության մեջ և կդառնա ինքն իր ղեկավարը: Իսկ այն ընտանիքներում, որտեղ երեք երեխաներ կային, կրտսերները 43%-ով ավելի հավանական էր ձեռնարկատիրական գործի մեջ մտնելը:

Բիրմինգհեմի համալսարանի պրոֆեսոր Ֆրանցիս Գրինն ասում է. «Այս ուսումնասիրության մեջ ամենահետաքրքիր բացահայտումն այն է, որ եթե ձեր ծնողները նախկինում ոչ մի ձեռնարկատիրական գործով չեն զգաղվել, և դուք նրանց կրտսեր երեխան եք, ուրեմն ավելի հավանական է, որ դուք անհատ ձեռներեց կդառնաք, քան թե ձեր ավագ քույրը կամ եղբայրը: Սա նշանակում է, որ վերջին ծնվածները ավելի համարձակ են և չեն վախենում ռիսկի դիմել:»

Սակայն մի՛ մոռացեք, որ դա միայն մարդու խառնվածքի հետազոտությունն է և ոչ թե միանշանակ հաջողության:

Սա չի նշանակում, որ ձեռնարկատիրական մտածելակերպ ունենալը անպայման միլիոններ է բերում: Սա ուղղակի ցույց է տալիս, որ կրտսեր երեխաներն ավելի շատ են ցանկանում իրենց տեսնել այդ ոլորտում:

Սակայն BBC News-ն ասում է, որ ավագ քույր կամ եղբայրներն ավելի խելացի են լինում քան իրենց կրտսեր քույր-եղբայրները, քանի որ առաջին երեխայի դեպքում ծնողներն ավելի շատ ջանք են թափում երեխային կրթելու և մեծացնելու հարցում:

Այսպիսով՝ պարզվում է, որ կրտսեր երեխաները ավելի հավանական է, որ ավելի քիչ ընդունակ, սակայն ավելի հարուստ կլինեն:

Նյութը հրապարակման պատրաստեց Past.am-ը: