Ողջունելի է, որ շատ աղջիկներ փորձում են նմանվել Քիմին. Աշխեն Կոստանդյանը դիմահարդարման մասին

Tert.am Life-ը դիմահարդար Աշխեն Կոստանդիանի հետ զրուցեց դիմահարդարման գաղթիքների և թրենդների մասին:

 

Դիմահարդարումը անհրաժեշտություն, թե գեղեցկություն...

 

Դիմահարդարումն առաջնահերթ գեղեցկություն է, բայց միևնույն ժամանակ անհրաժեշտություն` օրվա տարբեր ժամերին ներկայանալի տեսք ունենալու համար: Դիմահարդարումը կնոջը դարձնում է ինքնավստահ, բայց պետք չէ հասցնել նրան, որ այն լինի կախվածություն: Կինը գեղեցիկ է հենց ծնված օրվանից, քանի որ կին լինելու մեջ է գեղեցկությունը, ոչ թե դիմահարդարման: Բայց այնուամենայնիվ աննշան դիմահարդարումը ցանկացած կնոջը պետք է, հատկապես այն դեպքում, որ այդ կինը գործունյա է և ամեն օր գործի բերումով շփվում է հազարավոր մարդկանց հետ: Աննշան դիմահարդարումն անհրաժեշտ է նաև այն դեպքում, երբ կինն ունի դեմքի վրա թերություներ, որոնք պետք է թաքցնել, քանի որ դա առաջնահերթ դիմացինի նկատմամբ հարգանք է:

 

 

Դիմահարդարման գաղտնիքներ...

 

Դիմահարդարումը ունի հստակ կանոններ, որոնք պետք է իմանա յուրաքանչյուր դիմահարդարող: Դիմահարդարվելիս առաջնայինը պետք է ուշադրություն դարձնել դիմագծերին, քանի որ յուրաքանչյուր մարդու դիմագիծ պահանջում է հատուկ դիմահարդարում: Սիրողոկան դիմահարդողներին և այն կանանց ու աղջիկներին, որոնք նախընտրում են հաճախակի դիմահարդարվել, ապա խորհուրդ կտամ օգտագործել ավելի թույլ խտությամբ  դիմահարդարման պարագաներ, որոնց միջոցով կխուսափեք սխալներից, քանի որ դիմահարդարման մեջ աննշան սխալն էլ տեսանելի է դառնում:

 

 

Համաշխարհային թրենդներ, որոնք թելադրում են հայտնիները:

 

Կարծում եմ, որ հայտնիները հենց նրա համար են, որ ոճ թելադրեն: Վառ օրինակը հայազգի Քիմ Քարդաշյանն է: Աշխարհի շատ աղջիկներ են փորձում նմանակել Քիմին և բացառություն չեն հայ աղջիկները: Իհարկե, դա ողջունելի է, քանի որ նա ունի հղկված կերպար, բայց ոչ բոլորի մոտ է դա ստացվում: Իրականում նմանակելը հեշտ չէ, քանի որ դու պետք է ունեաս համապատասխան տվյալներ, ինչը որ ունի այդ արտիստը: Երբ տվյալ մարդը փորձում է կերտել իր ոճը,  օգտագործելով իր սիրած արտիստի կերպարներից տարրեր, ապա ողջունելի է:

 

 

Հայ make-up արտիստները հիմնականում հետևում են համաշխարհային թրենդներին, իսկ ինչո՞ւ հայերը չեն ստեղծում և իրենցը առաջարկում:

 

Ցավոք մենք չենք ապրում այն երկրում, որ այստեղի մասնագետները կարողանան իրենց ստեղծածը տարածել ամբողջ աշխարհում: Գուցե քո արած աշխատանքը որոշ մասսաների համար ցանկալի է և համարվեն առանձնահատուկ կամ որոշ ժամանակ անց համարվեն նորաձև: Բայց միևնույն է, քեզ հետևում են 1000-ավոր մարդիկ, իսկ համաշխարհային make-up արտիստներին միլիոնավոր: Դա է պատճառը, որ հիմանակուանում հետևում ենք համաշխարհային թրենդներին: Չեմ բացառի, որ տարբեր երկրներում մի քանի make-up արտիստներ, իրարից անկախ աշխատեն նույն նյութով և մտածեն նույն կերպարի մասին:

Մենք Հայաստանում կարողացանք ստեղծել և դարձնել դիմահարդարումը մասնագիտություն: Հուսով եմ հետագայում կկարողանանք պատվով ներկայանալ աշխարհին:

 

 

Լիլիթ Հովհաննիսյան, Նազենի Հովհաննիսյան, Սոֆի Մխեյան, Գաբի Գալոյան, Զառա Բաբայան, Լուսինե Աղաբեկյան, Ռիփսիմե Հակոբյան, Վիկա Մարտիրոսյան. հայ հայտնիներ, որոնց հետ համագործակցել եք,  ինչպիսի ՞ դիմահարդարում են նախընտրում նրանք:

 

Իհարկե, նրանք հետևում են թրենդներին, բայց յուրաքնչյուրն ունի իր ուրույն ոճը: Բնականաբար, ես որոշակի նոր տարբերակներ առաջարկում եմ և ընդհանուր հայտարարի գալով ստանում ենք այն: Բայց հիմնականում նրանք նախընտրում են այն, ինչը իրենց հարազատ է: Իհարկե, հայտնիների հետ մի փոքր դժվար էքսպերիմետներ անել, քանի որ մեզ մոտ միշտ նորույթը դժվարությամբ է ընդունվում, բայց կան այնպիսինները, որոնք համարձակ են և թույլ են տալիս դա:

 

 

Չեք կարծո ՞ւմ, որ որոշ հայ արտիստների դիմահարդարումները միանման են դիմահարդարվում:

 

Պատճառն այն է, որ շատերը հետևում են նույն թրենդին: Բացի այդ, երբ ինչ-որ մեկը կերպար է ստեղծում և դա հաջողված է լինում, մյուսների մոտ էլ է ցանկություն առաջանում այդ կերպորով ներկայանալ, քանի որ դա ընդունված է: Բայց մենք հիմանականում աշխատում ենք այլ տարրեր օգտագործել տարբերվելու համար:

 

Դիմահրումը որպես արվես...

 

Ես շատ եմ սիրում ստեղծագործել: Օրինակ, երբ առաջարկեցիք Neon Art ֆոտոշարքում համագործակցել միանգամից համաձայնեցի, քանի որ նման մտահաղացում վաղուց է, ինչ ունեի: Ինձ համար դա մի ուրիշ անկյուն է: Հուսամ, որ առաջիկայում այդ արվեստն էլ ավելի կզարգանա մեր երկրում:

 

 

Վերջում...

 Միշտ եղեք ինքնատիպ:

 Մելինե Տոնոյան