Սեպտեմբերի 2-ի աստղագուշակ

Խոյ

Խոյերի վարքագիծն այսօր թելադրում են այլ մարդիկ, արտաքին հանգամանքները, ծառայողական պարտականությունները, առողջական վիճակը: Կարող եք հայտնվել օգտակար տեղեկատվությամբ հագեցած իրադրությունում կամ ինտրիգների, բամբասանքների տրամադրող իրավիճակում: Հնարավոր է ինտենսիվ շփում կամ նամակագրություն հիմնարկների, տեխնիկական աջակցման ծառայության ներկայացուցիչների, աշակերտների, ծառայակիցների հետ:

Ցուլ

Ցուլերը կարող են հաջողությամբ այս օրն օգտագործել աշխարհայացքի ընդլայնման, բանակցությունների համար: Կարելի է ամբողջությամբ խորասուզվել նամակագրության կամ ուսումնական գործընթացի մեջ: Շատ տպավորություններ են խոստանում զբոսանքները, հանդիպումները, հատկապես եթե ճանապարհորդում եք ծանոթ վայրերում կամ շփվում եք նրանց հետ, ում վաղուց չեք տեսել: Հարմար պահ է նախկին դասարանցիների, դպրոցի ուսուցիչների հետ հանդիպման համար:

Երկվորյակ

Երկվորյակների ուշադրությունն այսօր կենտրոնացած է մասնավոր կյանքի կամ խորությամբ հուզող հարցերի վրա: Հնարավոր են ինտենսիվ բանավեճեր տանը կամ մերձավոր շրջապատում: Հնարավոր է հատուկ հետաքրքրություն շոշափվող հարցերի իրավաբանական, փիլիսոփայական կամ հոգևոր ասպեկտների նկատմամբ: Հագեցած օր է սպասվում հետազոտություններով, ինքնակրթությամբ, ինտելեկտուալ կամ բժշկական բնույթի ծառայությունների մատուցմամբ զբաղված Երկվորյակներին:

Խեցգետին

Այսօր Խեցգետինները կդրսևորեն սովորելու ունակություն, հետաքրքրասիրություն, շփվողականություն: Օրը թույլ է տալիս փայլել կրթվածությամբ, համալրել գիտելիքների պաշարը, միանալ հավելյալ տեղեկատվական աղբյուրների, զարգացնել օգտակար կապերը և խոսքային հմտությունները: Օրը հարմար է ընթերցանության, ուսումնասիրությունների, գրադարան այցելելու, քննարկումների մասնակցելու համար: Հնարավոր են հանդիպումներ հին ծանոթների հետ:

Առյուծ

Առյուծներին խորհուրդ չի տրվում որևէ բան ձեռնարկել՝ նախապես չհավաքելով բոլոր հասանելի տվյալները: Եթե փաստերը, թվերն ու խորհուրդները հակասական են, կարող է ժամանակ պահանջվել, որպեսզի չհամակարգված դետալները միասնական պատկերում հավաքեք: Ավելի լավ է այսօրվա համար չկազմակերպել ռոմանտիկ միջոցառումներ, քանզի գործնական ըմբռնումները կարող են առաջին տեղում լինել: Վաղաժամ են նոր խոշոր գնումները:

Կույս

Կույսերը կարող են կիրառել իրենց մանկավարժական, հռետորական, գրական, հետազոտական տաղանդները: Շատերը կդրսևորեն պերճախոսություն և համոզելու ունակություն, հեշտությամբ կգրավեն ցանկացած լսարանի: Հնարավոր է հետաքրքրություն փիլիսոփայության, իրավունքի, էթիկայի նկատմամբ: Եթե ձգտում եք ճշմարտության, օբյեկտիվության, չարժե սահմանափակվել թեմայի սեփական տեսլականով, իսկ զրուցակցի հետ երկխոսությունը վերածել ձեր մենախոսությանը:

Կշեռք

Կշեռքներին աստղերը խորհուրդ չեն տալիս շտապել փաստաթղթերի ձևակերպման, ուսման, ուղևորությունների ծրագրի հաստատման հարցում: Մոտակա շաբաթներին ավելի արդիական կլինեն արդեն ծանոթ ուղղությունները, կապերը, աղբյուրները: Չարժե շտապեցնել իրադարձությունները և ձգտել լիակատար ճշգրտության: Անվստահությունն օգտակար կլինի, եթե դրդի հետաքրքրող թեմայի շուրջ հավելյալ որոնումների, օգնի խորացնել գիտելիքները: Ձեզ կարող են պետք գալ հին նշումները:

Կարիճ

Կարիճներին կարող են պետք գալ նախկինում հաստատած կապերը, ինչպես նաև նախկին հետաքրքրությունները, գիտելիքները: Հնարավոր է որոշեք վերադառնալ հին մտադրություններին, վերանայել ծրագրերը: Օրը հարմար է կոլեկտիվ քննարկումների, նախկին համախոհների հետ հանդիպման, համաժողովի կամ շփում ենթադրող այլ միջոցառման մասնակցելու համար: Օրակարգում կարող են նորից հայտնվել նախկինում հանրաճանաչ թեմաները:

Աղեղնավոր

Աղեղնավորներին խորհուրդ չի տրվում հետաձգել խորհրդակցություններին մասնակցությունը, խուսափել ղեկավարության հետ զրույցից, ատյաններ այցելելուց: Միևնույն ժամանակ, չարժե շտապել վերջնական եզրակացություններում և սպասել կատեգորիկ վճիռներ: Գաղափարների, որոշումների, փաստաթղթերի ձևակերպման համար կարող են օրեր, շաբաթներ պահանջվել: Հնարավոր է կրկնական խորհրդատվություն, հավելյալ հարցազրույց, գիտելիքների համալրում պետք գա:

Այծեղջյուր

Այծեղջյուրների համար օրը բարենպաստ է: Կստանաք հավելյալ տեղեկատվություն, որը կդրդի անհրաժեշտ եզրակացությունների և կօգնի դնել բոլոր շեշտերը: Կարելի է ևս մեկ անգամ օգտվել ազդեցիկ կապերից, հարուստ տեղեկատվական աղբյուրներից: Պետք կգա օտար լեզվի, արտասահմանյան իրողությունների իմացությունը: Հաջող օր է մանկավարժների, ուսանողների, լրագրողների, ճանապարհորդների, հետազոտողների համար: Չարժե հետաձգել հանդիպումները, բանակցությունները:

Ջրհոս

Այսօր շատ Ջրհոսների ղեկավարում է հետաքրքրասիրությունը: Ինտելեկտուալ հետաքրքրվածությունը կօգնի մոռանալ գործնական տհաճ պահերի մասին և օգուտ քաղել նույնիսկ այն իրադարձություններից, որոնք ի սկզբանե անհույս էին թվում: Օրը հարմար է այլընտրանքներ, բարդ հարցերին պատասխաններ որոնելու, կրթված մարդկանց հետ սերտ շփման համար, ովքեր ունակ են ձեզ ինչ-որ բան սովորեցնել: Դժվար պահին հաջող հուշում կտան նախկին մշակումները:

Ձկներ

Ձկներին խորհուրդ չի տրվում խուսափել երկխոսությունից. բացատրվելու, համաձայնության գալու, կոնֆլիկտը հարթելու հնարավորությունը կարող է վերջինը լինել: Եթե հետաքրքրված եք հանրության ուշադրությամբ, հաճախորդների շրջանակի ընդլայնմամբ, հավելյալ աջակցության ստացմամբ, չարժե արհամարհել հայտարարություն անելու, հանդիպում, համաժողով անցկացնելու հնարավորությունը: Ամուսիներին, ծնողներին և երեխաներին կարևոր է իրար լսել: