Իրարից բաժանված սիամյան երկվորյակները դպրոց են գնում

Սիամյան երկվորյակները, որոնց 2012-ին իրարից բաժանել էին լոնդոնյան հիվանդանոցներից մեկում առաջին անգամ դպրոց են գնացել: Մեծ Բրիտանիայում երեխաները դպրոց սկսում են հաճախել 4 տարեկանից, բայց երբ Ռոզին ու Ռուբին նոր էին ծնվել, նրանց ծնողները վստահ չէին, որ իրենց դստրերը մինչեւ այդ օրը ողջ կլինեն: 16 շաբաթական հղիության ժամկետում բժիշկներն ապագա մայրիկին ասել էին,որ աղջիկները նրա արգանդում սերտաճել են, ու դժվարանում էին կանխատեսումներ անել երեխաների ողջ մնալու մասին՝ նրանք մեծ հավանականությամբ կարող էին մահանալ եւ՛ մոր արգանդում՝ դեռ չծնված, եւ ՛ ծննդաբերության ժամանակ, եւ՛ վիրահատության ժամանակ : Երկվորյակների սերտաճման հավանականությունը կազմում է 1-ը 200 հազարի ու այդ մեկը Ֆորմոզա ընտանիքին էր վիճակվել:

Աղջիկները ծնվել են 34 շաբաթական կեսարյան հատման միջոցով, որը կատարել էին Լոնդոնի Great Ormond Street հիվանդանոցի բժիշկները: Նորածիները սերտաճած էին որովայնի մասում ու նրանց աղիների մի մասը ընդհանուր էր : Ծնվելուց մի քանի ժամ անց նրանց տարել են վիրահատության ՝ բժիշկները երեխաներին բաժանել են 5 ժամ: Դա պետք էր շատ շտապ անել, քանի որ նորածինների մոտ աղիների անանցանելիություն էր :

Նորածինների ծնողները այնքան էին վախենում, որ դստրերը կմահանամ, որ մինչեւ նրանց ծնվելը ոչ մի բան չէին գնել, իրեր սկսել են գնել, երբ իմացել են, որ վիրահատությունը հաջող է անցել : Դանիելը նրանց համար մանկական սենյակն է պատրաստել: Երեք շաբաթականում Ռոզին ու Ռուբին արդեն հիվանդանոցից դուրս էին գրվել ու տանն էին :

Անջելա Ֆորմոզան պատմեց, որ հիմա ինքն այնպիսի զգացողություն ունի, որ միլիոն տարի է անցել այդ օրվանից, իսկ այն օրերին ժամանակը շատ արագ էր անցնում : Նրա խոսքով դստրերը շատ նման են իրար ՝ երկուսն էլ աշխույժ են, վճռական, համառ, սիրում են նկարել ու կարդալ ու նաեւ սիրում են իրենց ապագա ուսուցչուհուն, որի հետ արդեն ծանոթացել են:

NEWS.am Medicine