Ես բարձր եմ գնահատում տղամարդու ազնիվ, աշխատասեր, նվիրված ու հոգատար տեսակը. Անատի Սաքանյան

Life.panorama.am-ը գրում է.

Դերասանուհի Անատի Սաքանյանը վերջին ամիսներին հեռուստադիտողի կողմից սիրվեց «Քարե դարդ» սիթքոմով՝ Սիսիի կերպարով: Սիրված հերոսուհին նոր եթերաշրջանում էլ կշարունակի մնալ էկրաններին.

«Մեր սիթքոմը անակնկալներով լի եթերաշրջան է պատրաստել: Իհարկե, չեմ ցանկանա բացել փակագծերն ու մանրամասներ պատմել, քանի որ այդպես կկորի հետաքրքրությունը: Այնպես որ, վստահեցնում եմ մեր երկրպագուներին, որ նախորդ եթերաշրջաններից ոչ պակաս խելահեղ սերիաներ են սպասվում»,- Life.panorama.am-ի հետ զրույցում նշեց դերասանուհին ու նկատեց՝ այլ նախագծերից առաջարկներ շատ ունի, սակայն դրանց մասին չի մտածում, քանի որ կենտրոնացած է «Քարե դարդ»-ի վրա:

Միաժամանակ՝ Անատին չի մոռանում առաջին մասնագիտությունը.

«Դերասանությանը զուգահեռ փորձում եմ անընդհատ կատարելագործվել որպես make ap արտիստ: Վերջերս հաճախել եմ վերապատրաստման դասերի, ձեռք եմ բերել  մազահեռացման նոր սարք ու ողջ ուժերս կենտրոնացրել եմ, որպեսզի իմ հաճախորդների գեղեցկությունն էլ ավելի շեշտակի դարձնեմ: Այս ոլորտում հիմա առավել զբաղված եմ, քանի որ ամռան մեծ մասը հանգստանում էի, իսկ իմ հաճախորդներն անդավաճան ինձ էին սպասում.,- ընդգծեց Անատի Սաքանյանը:

Անդրադառնալով ամառային  հանգստին՝ դերասանուհին պատմեց.

«Լիարժեք հանգիստ եմ ունեցել: Հասցրեցի լինել մի քանի սիրուն քաղաքներում՝ Կաննում, Մոնակոյում, Նիցցայում, Իբիցայում, Տրոպեզում: Իսկապես ջերմ հիշողություններով, աննկարագրելի հիացմունքով, ժպիտով ու լավ տրամադրությամբ եմ հիշում այս տարվա հանգստիս: Հիմա հստակ կարող եմ ասել՝ յուրահատուկ հանգիստ էր ինձ համար»:

Հետաքրքրվելով, թե բազմազբաղ դերասանուհին չի՞ մտածում ամուսնության մասին, հատկապես, երբ ամիսներ առաջ սխալ ասեկոսեներ պտտվեցին, թե Անատի Սաքանյանը նշանադրվել է, շեշտեց.

«Իմ անձնական կյանքը չեմ քննարկում»:

Սակայն դերասանուհու սիրտը գրավել ցանկացող տղամարդիկ կարող են իմանալ, որ Անատի Սաքանյանին հետաքրքրում են հետեւյալ տղամարդիկ.

«Ես բարձր եմ գնահատում տղամարդու ազնիվ, աշխատասեր, նվիրված ու հոգատար տեսակը: Շատ հաճելի է նաեւ, երբ տղամարդը խելացի է ու աշխույժ, միաժամանակ համեստ ու ծանրակշիռ, այնպես որ նրա հետ ամեն օրը ուրախ ու հետաքրքիր անցնի»,- հավելեց Անատին:

Հեղինակ՝ Անուշիկ Մելքոնյան