Ինչպես առանց արդուկի հարթեցնել ճմրթված հագուստը

Երևի թե բոլորիդ հետ էլ է, որ ձեզ անհարաժեշտ է եղել անմիջապես արդուկել հագուստը, սակայն այդ պահին ձեզ մոտ արդուկ չի եղել, օրինակ՝ ճանապարհորդության ժամանակ: Այսօր մենք ձեզ կներկայացնենք 9 միջոցներ, թե ինչպես հարթեցնել ճմրթված հագուստը առանց արդուկի:

1. Մազերի արդուկ

   Մազերի արդուկով դուք կարող եք նույնիսկ հարթեցնել հագուստի դժվար հասանելի հատվածները: Սակայն զգուշացեք արդուկի վրայի մնացած մազերից, քանի որ դրանք կարող են վնասել ձեր հագուստը: Ինչպես նաև մի օգտագործեք մազերի արդուկը նուրբ կտորների վրա:

   

2. Ջուր և քացախ

Սա մեթոդ է երիտասարդ քիմիկոսների համար: Խառնեք քացախը ջրի հետ 1:3 հարաբերակցությամբ և ապա հեղուկացիրի մեջ լցրեք և մի փոքր թափահարեք այն: Այ հիմա դուք արդեն ունեք հագուստի ճմրթվածության դեմ հեղուկ:

3. Թեյնիկի գոլորշի

   Եթե հագուստի շոգի չունեք, ուրեմն թեյնիկը կարող է որպես լավ այլընտրանք ծառայել: Հագուստը մոտ 20 սմ հեռավորության վրա պահեք թեյնիկից:

   

4. Մազերի ֆեն

Հասարակ մազերի ֆենը նույնպես կարող է արդյունավետ լինել ճմրթված հագուստը հարթեցնելու համար:

5. Ցնցուղի գոլորշի

   Միացրեք տաք ջուրը, հագուստը կախեք որքան հնարավոր է մոտ ցնցուղի գլխիկին, սակայն նաև ուշադիր եղեք, որպեսզի հագուստը չթրջվի: Փակեք բոլոր դռներն ու պատուհանները և մի քանի րոպե սպասեք: Կարող եք նաև հագուստի հարթվելուն սպասելիս ցնցուղ ընդունել, քանի որ մինչ ձեր ավարտելը հագուստն արդեն ուղղված կլինի:

   

6. Խոնավ սրբիչ

   Հագուստը դրեք ուղիղ մակերևույթի վրա, ապա ծածկեք ճմրթված հատվածները խոնավ սրբիչով և ձեռքերով ուժեղ սեղմեք այն: Ապա թողեք, որպեսզի հագուստը չորանա:

   

7. Լվացքի մեքենա

   Լվացքի մեքենայի չորացնելու ռեժիմը կարող է նաև «արդուկել» հագուստը: Ընտրեք ամենակարճատև ռեժիմը՝ 15 րոպե: Եթե հագուստը շատ է ճմրթված, ուրեմն մի փոքր խոնավ առարկա դրեք հագուստի հետ, օրինակ՝ գուլպաներ, երեխայի վերնաշապիկ կամ թաշկինակ:

   

8. Թավայի ներքևի հատվածը

   Կաթսայի մեջ ջուր եռացրեք, ապա դատարկեք այն: Դրա ներքևի հատվածը դեռ տաք կլինի և կարող է ծառայել որպես արդուկ: Հագուստը դրեք ուղիղ մակերևույթի վրա և արդուկի նման տաք թավան կամ կաթսան քսեք հագուստի վրայով: Սա իհարկե զվարճալի կթվա, բայց նաև լավ արդյունք կտա:

   

9. Սառցե խորանարդիկներ

   Միացրեք լվացքի մեքենայի չորացնելու ռեժիմը, ապա ճմրթված հագուստը դրեք մեքենայի մեջ՝ ամենաշատը 5 կտոր: Ավելացրեք 2-3 սառցե խորանարդիկներ և միացրեք լվացքի մեքենան: 10 րոպե հետո դուք կստանաք հրաշալի արդուկված հագուստ: Պատճառն այն է, որ հալվող սառույցից ստացվող գոլորշին ուղղում է հագուստի ճմրթված հատվածները:

   

 

Նյութը հրապարակման պատրաստեց Past.am-ը: