Գեղարքունիքի մարզի 53 համայնքներում գրանցվել է համայնքի ղեկավարի 130 թեկնածու

Գեղարքունիքի մարզի 5 քաղաքային եւ 48 գյուղական համայնքներում 2016 թվականի հոկտեմբերի 2-ին կայանալիք համայնքի ղեկավարի ընտրություններում գրանցվել է 130 թեկնածու: Ինչպես«Արմենպրես»-ին տեղեկացրին Գեղարքունիքի մարզի թիվ 22, 23, 24 ընտրատարածքային ընտրական հանձնաժողոներում՝ գրանցված թեկնածուների մեծ մասը ներկայացնում են Հայաստանի հանրապետական կուսակցությունը՝ 55 հոգի: 62 թեկնածու անկուսակցական են:

Մնացած նվազ թվերն արդեն բաշխվել են ՀՅԴ-ի, ԲՀԿ-ի, ՀԿԿ-ի, «Հայկական վերածնունդ»-ի միջեւ: Առաջադրված 153 թեկնածուներից  չեն գրանցվել միայն 23-ը: Մնացած թեկնածուները հիմնականում կմասնակցեն ընտրապայքարին: Առավել լարված պայքար է սպասվում Սեւան քաղաքում, որտեղ մրցակցում են գործող ու նախկին երկու քաղաքապետերը՝ Ռուդիկ Ղուկասյանը, Աշոտ Ալեքսանյանը եւ Գեւորգ Մալխասյանը, անկուսակցականներ Սարգիս Մուրադյանը եւ Արա Սմբատյանը, ՀՅԴ անդամ Արտակ Վարդանյանը: Թեկնածուների մեծ թիվ գյուղական համայնքներից  գրանցվել է Կարմիրգյուղում, Մարտունիում ե ւ Կուտականում: Կարմիրգյուղում գյուղապետի պաշտոնի համար պայքարում են 5, Կուտականում՝ 6 եւ Մարտունի գյուղում՝ 5 թեկնածու:

Մնացած համայնքներում միմյանց դեմ պայքարող  թեկնածուների թիվը սահմանափակվում է 2-3-ով: Հետաքրքրություն է առաջացնում  ընդամենը 63 տնտեսություն եւ մոտ 314 բնակիչ ունեցող Կուտականում գրանցված 6 թեկնածուների պայքարը: