Միլիարդատերեր, ովքեր իրենց ամբողջ կարողությունը նվիրաբերել են բարեգործությանը

Այս մարդկանց արարքը ապշեցնում է ու հարգանք առաջացնում: Կյանքում մեծ բարձունքների հասնելով՝ նրանք չեն դարձել իրենց հարստության ստրուկը, այլ հեշտորեն այն նվիրաբերում են նրանց, ում դա ավելի անհրաժեշտ է:

Past.am-ը ձեր ուշադրությանն է ներկայացնում միլիարդատերեր, ովքեր իրենց ամբողջ կարողությունը նվիրաբերել են բարեգործությանը:

1. Չակ Ֆինի, Duty Free-ի հիմնադիրը

Ֆինին իր կարողությունը անանուն կերպով նվիրաբերում էր բոլոր հնարավոր հաստատություններին ու կազմակերպություններին: Անգամ գումար ստացողները չգիտեին՝ ով է իրենց գումար նվիրաբերում:

Չակ Ֆինին ստեղծել է The Atlantic Philanthropies ընկերությունը, որի անունից էլ կատարվում են նվիրատվությունները: Որոշ տեղեկությունների համաձայն՝ նա արդեն նվիրաբերել է 6,2 մլրդ դոլար:

2. Օլաֆ Տոն, նորվեգացի միլիարդատեր

Իր ամբողջ կարողությունը՝ շուրջ 6 մլրդ դոլար, Օլաֆը մտադիր է ծախսել բժշկական հետազոտությունների ֆինանսավորման վրա: Նա որոշել է, որ իր վաստակած գումարները լավ է օգտագործել օգտակար գործի համար:

Նա բավական համեստ է ապրում: Նա ամուսնացած է, սակայն երեխաներ չունի: Այդ պատճառով էլ նա որոշել է գումարները նվիրաբերել: «Ես հեծանիվ ունեմ ու դահուկներ, ես քիչ եմ ուտում: Այնպես որ, կարծում եմ՝ ամեն ինչ լավ է լինելու»,- ասել է միլիարդատերն իր հարցազրոույցներից մեկում:

3. Թիմ Կուկ, Apple-ի գլխավոր տնօրեն

Նրա կարողությունը գնահատվում է 800 մլն դոլար: 54-ամյա գործարարը իր կարողությունը մտադիր է ծախսել բարեգործության վրա այն բանից հետո, երբ վճարի իր 10-ամյա զարմիկի կրթության ծախսերը:

4. Բրային Բեռնի, նախկին գործարար

Նրա մոտ ամեն ինչ լավ էր, մինչ կնոջ մոտ քաղցկեղ հայտնաբերվելը: Դա մեծ ազդեցություն թողեց մագնատի վրա, ով շատ էր զբաղվում բարեգործությամբ: Նա իր գումարի զգալի մասը նվիրաբերեց բժշկական մեքենաների շարասյուն գնելու համար: Այդ մեքենաները գնում էին Հյուսիսային Անգլիայի փոքրիկ գյուղերն ու բարձր տեխնոլոգիական օգնություն ցուցաբերում հիվանդներին: Բժիշկների աշխաատավարձերը Բրայինը վճարում էր իր գրպանից: Նրա կինը հիվանդության դեմ պայքարում հաղթանակ տարավ: Ուրախացած տղամարդը վաճառեց իր կարողության մեծ մասն ու տվեց բարեգործությանը:

Դրանից հետո նա տեղափոխվեց իր բարեգործական հիմնադրամում գտնվող փոքրիկ բնակարան ու իրեն նվիրաբերեց քաղցկեղի դեմ պայքարի գործին: Ներկայում նա ապրում է կենսաթոշակով ու վարում է օգտագործած մեքենա:

5. Արքայազն Ալ-Վալիդ, Սաուդյան թագավորական ընտանիքի անդամ

Վերջերս արքայազնը հայտարարեց, թե կնվիրաբերի իր ամբողջ կարողությունը բարեգործությանը: Առաջին հերթին՝ նա ցանկանում է օգնել կանանց իրավունքների համար պայքարող կազմակերպություններին, օգնել անբուժելի հիվանդությունների ուսումնասիրման միավորումներին, օգնել տարերային աղետից տուժածներին: