7 խորհուրդ, որոնք կօգնեն տարբերել օրիգինալ կոսմետիկ միջոցները կեղծիքից (լուսանկարներ)

Լife.tert.am-ը գրում է.

Գաղտնիք չէ, որ հայտնի և թանկարժեք կոսմետիկ բրենդերը շատ հաճախ կեղծում են: Կասկածելի կոսմետիկ միջոցներից օգտվելն ավելի թանկ արժե: Լավագույն դեպքում արդյունքն այն չի լինի, իսկ վատագույն դեպքում կվնասի առողջությանը:

AdMe.ru-ն խորհուրդներ է ներկայացրել, որոնք կօգնեն ճիշտ կոսմետիկ միջոցներ ձեռք բերել:

Կոսմետիկ միջոցներ մի գնեք կասկածելի վաճառողներից:



Որքան էլ տրամաբանական չհնչի, բայց կասկածելի վաճառող կարող է հանդիսանալ անգամ ամենամեծ խանութը: Տհաճ անակնկալներից խուսափելու համար հարկավոր է կոսմետիկ բրենդի պաշտոնական կայքում տեսնել, թե որ խանութում է հնարավոր գնել տվյալ կոսմետիկ միջոցը:

Լավ ուսումնասիրեք կոսմետիկ միջոցի տուփի դիզայնը:

 

Կոպիտ կեղծիքը միանգամից աչք է ծակում: Բայց գոյություն ունեն բազմաթիվ արհեստավարժ կեղծիքներ, որոնք անգամ դժվար է տարբերել գիտակին: Այցելեք պաշտոնական կայք և ուշադիր ուսումնասիրեք, թե իրականում ինչ փաթեթավորմամբ պետք է լինի ձեզ հետաքրքող կոսմետիկ միջոցը:

Ստուգեք շտրիխ-կոդը, խմբաքանակի համարը և արտադրողի տրամադրած տեղեկությունը 

Կեղծիքի շտրիխ-կոդը հաճախ կարող է չհամապատասխանել տուփի վրա նշված երկրի շտրիխ-կոդին, իսկ խմբաքանակի համարն ընդհանրապես բացակայում է: Ուշադրություն դարձրեք, որ նույն համարը լինի հենց կոսմետիկ միջոցի և դրա տուփի վրա:

Պարզեք, թե իրականում որ երանգները գոյություն ունեն

Կեղծ կոսմետիկ միջոցների արտադրողները սիրում են նոր երանգներ արտադրել և դրանց վերագրել գոյություն չունեցող անուններ ու համարներ: Թե ինչ երանգներ կան ձեր նախընտրած միջոցի օրիգինալ տարբերակում կարող եք պարզել պաշտոնական կայքում:

Գնահատեք կոսմետիկ միջոցի որակն ու հոտը

Օրիգինալ կոսմետիկ միջոցում չպետք է լինեն տարօրինակ փայլերն ու կուտակումները: Հեղուկ միջոցներում չպետք է նստվածք լինի: Բացի տհաճ հոտից և անհասկանալի որակից  խիստ տարբերվում է նաև խոզանակը:

Ուշադրություն դարձրեք կոսմետիկ միջոցների խոզանակներին և սունգերին

Անգամ եթե կոսմետիկ միջոցի փաթեթավորումը և արտաքին տեսքը շատ նման է օրիգինալին, ապա կեղծիքը հավանաբար ակնհայտ կլինի խոզանակներից, սպունգերից: Դրանք կարող են տարբերվել չափերով, ձևով և գույնով:

Փորձարկեք օգտագործման եղանակն ու որակը:



Թեսթեր խնդրեք, որպեսզի իրականում համոզվեք միջոցի օրիգինալ լինելու մեջ: Օրինակ որակյալ ստվերաներկերը չպետք է կուտակվեն դեմքի վրա, շրթներկը պետք է հարթ լինի: