ԱԻ ջրափրկարարական ջոկատի կողմից հսկվող լողասեզոնին ջրահեղձության դեպք չի արձանագրվել

Սևանա լճում լողասեզոնի ընթացքում ջրափրկարարական ջոկատի կողմից հսկվող լողափերում ջրահեղձության դեպք չի արձանագրվել: «Արմենպրես»-ի փոխանցմամբ` այս մասին սեպտեմբերի 13-ին կայացած ասուլիսի ժամանակ հայտնեց ՀՀ ԱԻՆ Փրկարար ծառայության Գեղարքունիքի մարզայինփրկարարական վարչության հատուկ ջրափրկարարական ջոկատի հրամանատար, փ/ծ կապիտան ԱրմենՃզմաչյանը: Նրա խոսքով` Սևանա լճում ջրահեղձության երկու դեպք արձանագրվել է մարտին, խեղդվողները ձկնորսներ են եղել Նորատուս համայնքից, նավակով սուզվել են 30-35 խորության վրա: «Լողասեզոնի ժամանակ 16-ամյա պատանի է ջրահեղձ եղել մեր կողմից չվերահսկվող տարածքում, 911 ծառայություն էլ ահազանգ չի եղել, քանի որ տեղի ուժերով րոպեների ընթացքում դուրս է բերվել: 2016-ի ամռանը լողասեզոնի ժամանակ ջրափրկարարական կենտրոնակայանը ստացել է 31 ահազանգ, որից 19-ը ջրափրկարարական բնույթի, փրկվել ե 14 քաղաքացի: Ջրասուզակների ստորջրյա որոնողական աշխատանքների արդյունքում ՀՀ տարբեր ջրային տարածքներում հայտնաբերվել է 6 դի»,-ասաց Արմեն Ճզմաչյանը: Փրկվածների կեսը, ըստ բանախոսի, եղել է ոչ սթափ վիճակում:

Նրա տեղեկացմամբ` 2013 թվականից սկսած Սևանա լճում ջրահեղձ եղած մարդկանց թիվը նվազել է: «Եթե 2013-ին ջրահեղձ է եղել 5, 2014-ին` 4, 2015-ին` 4, 2016-ին 2 հոգի, այն էլ լողասեզոնից դուրս»,-ավելացրեց փրկարարը:

Ամառային լողասեզոնի ընթացքում հատուկ ջրափրկարարական ջոկատը, ինչպես յուրաքանչյուր տարի, 2016-ի հունիսի 1-ից ևս անցել է ուժեղացված ռեժիմով ծառայության: Բացի ջրափրկարարական կենտրոնական կայանից, որը գտնվում է  թերակղզու տարածքում, հերթապահություն է իրականացվել հանրային երեք լողափերում, թերակզղու ափամերձ հենակետում, ինչպես նաև Լճափ համայնքում գտնվող հենակետերում: Ամռան ամիսներին ՀՀ արտակարգ իրավիճակների նախարարի հրամանով ծառայությունն իրականացվել է 9:00-21:00-ն:

24-ժամյա ծառայություն իրականացվել է կենտրոնական կայանում, որտեղ օրվա յուրաքանչյուր ժամի պատրաստ են եղել արձագանքել 911 ծառայության ահազանգերին: Փրկարարները ծառայություն են իրականացրել հասարակական կազմակերպություններում, մանկապատանեկան ճամբարներում:

http://armenpress.am/arm/news/860036/