Թուրքմենստանում ընդունված նոր Սահմանադրությամբ վերացվել է նախագահ ընտրվելու տարիքային սահմանափակումը

Թուրքմենստանի խորհրդարանը սեպտեմբերի 14-ին ընդունել Է նոր Սահմանադրություն, որով վերացվում Է տարիքային այն սահմանափակումը, ըստ որի երկրի նախագահի թեկնածուն չպետք Է  70-ից բարձր տարիքի լինի, նաեւ պետության ղեկավարի լիազորությունների ժամկետը հինգից հասցվում Է յոթ տարվա: 

Նոր Սահմանադրությունը Մեջլիսի (խորհրդարանի) կողմից ընդունվել Է միաձայն: Քվեարկությունը կայացել Է Թուրքմենստանի Ավագների խորհրդի նիստում: Նախագահ Ղուրբանղուլի Բերդիմուհամեդովն ստորագրել Է օրենքը, ինչից հետո այն ուժի մեջ Է մտել:

Հանրապետության նախկին Սահմանադրության համաձայն, որն ընդունվել Էր 2008 թվականի սեպտեմբերին, նախագահ կարող Էր ընտրվել Թուրքմենստանում ծնված, 40 տարին լրացած եւ 70-ից ոչ բարձր տարիքի երկրի քաղաքացին: Նոր հիմնական օրենքում բացակայում Է «70-ից ոչ բարձր տարիքի» նորման:

Ինչպես «Արմենպրես»-ին տեղեկացրել են ՀՀ-ում Թուրքմենստանի դեսպանությունից, Սահմանադրական օրենքի ընդունումը դարձել Է երկրում նախաձեռնված սահմանադրական բարեփոխման տրամաբանական շարունակությունը, որը նպատակամղված Է քաղաքական համակարգի հետագա կատարելագործմանը, պետության ու հասարակության փուլառփուլ ժողովրդավարացմանը, որը, մասնավորապես, նախատեսում Է քաղաքական բազմազանություն եւ բազմակուսակցականություն:

Այդ գործընթացի կարեւոր արդյունքներից մեկը Թուրքմենստանում, երկրի պատմության մեջ առաջին անգամ, մարդու իրավունքների լիազոր ներկայացուցչի պաշտոնի սահմանումն Է, նշվում Է հաղորդագրության մեջ:

Սահմանադրական օրենքի ընդունմանը նախորդել Է դրա լայն քննարկումը քաղաքական կուսակցություններում, հասարակական կազմակերպություններում, աշխատավորական կոլեկտիվներում: Նոր օրենքը պատրաստելիս հաշվի են առնվել երկրի քաղաքացիներից ստացված առաջարկություններն ու ցանկությունները:

Խորհրդարանի նիստում ելույթ Է ունեցել հանրապետության նախագահ Ղուրբանղուլի Բերդիմուհամեդովը:

Ինչպես նշվում Է Թուրքմենստանի դեսպանատան հաղորդագրության մեջ, իր ելույթում թուրքմենական պետության ղեկավարը ներկայացրել Է անկախության 25 տարվա ընթացքում երկրի նվաճումները քաղաքական, սոցիալ-տնտեսական եւ հումանիտար ոլորտներում:

Խոսելով սոցիալ-տնտեսական բնագավառի ձեռքբերումների մասին՝ նախագահը, մասնավորապես, նշել Է, որ 25 տարում երկրում կատարվել են 144 մլրդ դոլարի կապիտալ ներդրումներ, կառուցվել եւ շահագործման են հանձնվել արտադրական եւ ոչ արտադրական նշանակության 544 խոշոր օբյեկտներ: 1995 թվականի համեմատությամբ արտաքին առեւտրի շրջանառության ծավալն աճել Է ութ անգամ:

Մասնավոր հատվածը բարձր տեմպերով Է զարգանում արդյունաբերության, գյուղատնտեսության, շինարարության, ծառայությունների ոլորտում եւ այլ ճյուղերում: Այսօրվա դրությամբ հանրապետության ՀՆԱ-ի կառուցվածքում ոչ պետական հատվածի բաժինը 68 տոկոս Է (առանց վառելիքաԷներգետիկական համալիրի հաշվառման): Ոչ պետական ձեռնարկությունների ընդհանուր թվաքանակը հասել Է 25 հազարի: