Մայա Պողոսյանն այսօր նշում է ծննդյան տարեդարձը. կկռահե՞ք՝ քանի տարեկան դարձավ գեղեցկուհին

EnterTrain.am-ը գրում է.

EnterTrain-ը շարունակում է անդրադառնալ հայտնի մարդկանց ծննդյան տարեդարձերին և ներկայացնել մի քանի կենասագրական տեղեկություններ նրանց մասին:

«Էլ սթայլ» ամսագրի գլխավոր խմբագիր, հեռուստահաղորդավարուհի Մայա Պողոսյանն այսօր տոնում է իր 32-րդ տարեդարձը:

Մայան ծնվել է 1984թ. սեպտեմբերի 14-ին, Երևանում: 2001թ. ավարտել է Երևանի Ն.Աղբալյանի անվան թիվ 19 միջնակարգ դպրոցը:

 

Դպրոցական տարիներին սովորել է Երևանի թիվ 10 երաժշտական դպրոցի կիթառի և դաշնամուրի բաժիններում:

Ավարտել է Երևանի Վ.Բրյուսովի անվան պետական լեզվաբանական համալսարանի օտար լեզուներ և հոգեբանություն բաժնում` ավարտելով մագիստրատուրան:

Ավարտել է նաև հաղորդավարության երկամյա դասընթացներ Սուսաննա Ալեքսանյանի մոտ և Երևանի Գործնական հոգեբանության և սոցիոլագիայի Ուրարտու համալսարանի մագիստրատուրան:

2006թ-ից աշխատել է «Էլ Հոլդինգ» ընկերությունում` որպես հատուկ ծրագրերի ղեկավար:

Նույն թվականից «Էլ Սթայլ» ամսագրի գլխավոր խմբագիրն ու տնօրենն է և «Էլ Հոլդինգ» ընկերության ոճաբանը:

2010թվականից «Արմենիա» հեռուստաընկերությամբ վարել է «Ընտանեկան ալբոմ», 2011թվականից` «Աստղային ալբոմ» և «Սթայլ վոյաժ» հաղորդումները:

EnterTrain-ը շնորհավորում է գեղեցկուհուն՝ մաղթելով ամենայն բարիք: