Կան կանայք, որոնք չեն սիրում տանջել միանգամից մի քանի տղամարդկանց և կենտրոնանում են մեկի վրա. դրանք հավատարիմ կանայք են

Ալֆրեդ Կապյուն (25.11.1857 – 01.11.1922 թթ.) եղել է ֆրանսիացի լրագրող, վիպասան և դրամատուրգ, «Le Figaro» օրաթերթի գլխավոր խմբագիր, Ֆրանսիական ակադեմիայի անդամ: Հայտնի է նաև Կանալիս կեղծանվամբ:

1.      Նույն կնոջ կողմից խաբված երկու տղամարդիկ փոքր-ինչ հարազատ են:

2.      Կանայք իսկապես կհավասարվեն տղամարդկանց միայն այն ժամանակ, երբ կհամաձայնեն ճաղատանալ և դեռ ընդունել, որ դա միանգամայն ակնածելի է:

3.      Խարդախությունը լավ գործարք է՝ բախված վատ օրենքի:

4.      Տե՛ր Աստված, ազատի՛ր ինձ ֆիզիկական տանջանքներից, հոգեկաններից ինքս էլ մի կերպ գլուխ կհանեմ:

5.      Կան կանայք, որոնք չեն սիրում տանջել միանգամից մի քանի տղամարդկանց և կենտրոնանում են մեկի վրա. դրանք հավատարիմ կանայք են:

6.      Լինում են վատ խորհուրդներ, որոնք կարող է տալ միայն լավ կինը:

7.      Կյանքում պետք է կարողանալ համբերատար տանել անարդարությունն այնքան ժամանակ, մինչև ինքդ կարողանաս այն պատճառել:

8.      Եթե կինն ունի մասնագիտություն, նրան պետք չէ ամուսին, բավական է սիրեկանը:

9.      Կանայք մեզ չեն ներում մեր սխալները՝ նույնիսկ իրենց սեփականները:

10.  Խոսակցություններով անհնար է փոխել զրուցակցիդ կարծիքը, սակայն երբեմն հաջողվում է փոխել սեփականը:

11.  Պատերազմում սպանում և բորսայում թալանում են մարդիկ, ում երբեք չես տեսնում:

12.  Ամուսնության մեջ ամենավատն այն է, երբ ամուսիններից մեկը սիրում է, իսկ մյուսը՝ ոչ: Եթե չի սիրում ո՛չ մեկը, ո՛չ մյուսը, ամուսնությունը կարող է երջանիկ լինել:

 

X