Հայաստանը իրանցիներին է ներկայացնելու տարբեր ոլորտներում գործող հայկական ընկերությունների ապրանքները

Իրանի մայրաքաղաք Թեհրանում հոկտեմբերի 5-8-ը տեղի կունենա հայկական ապրանքների եւ ծառայությունների ցուցահանդես: Հայաստան-Իրան առեւտրատնտեսական կապերի ակտիվացման նպատակով կազմակերպված «Հայաստան Էքսպո 2016»-ին ցուցահանդեսի ընթացքում իրանցիներին կներկայացվեն հայկական սննդի, դեղագործության, շինանյութերի արտադրության, թեթեւ արդյունաբերության, ոսկեգործության, ՏՏ  եւ այլ ոլորտների շուրջ 80  ընկերություններ ի ապրանքներ եւ ծառայություններ:

Ցուցահանդեսի կազմակերպիչ Հայաստանի զարգացման հիմնադրամի գործադիր տնօրեն Կարեն Մկրտչյանիխոսքով` ցուցահանդեսը կարեւոր է իրանյան հանրությանը Հայաստանի տնտեսական ներուժի ներկայացման, ինչպես նաեւ ներդրումային ծրագրերի քննարկման տեսանկյունից:  

«Սկզբում մենք ակնկալում էինք ներառել 50 մասնակիցների,  սակայն այսօր արդեն  ունենք ավելի քան 70 եւ դեռ ընդունում ենք հայտեր: Հատկանշական է, որ մեր ցուցահանդեսին իրենց մասնակցությունն են ունենալու նաեւ սիրիահայ գործարարների 10 ընկերություններ»,-«Արմենպրես»-ի հաղորդմամբ, նշեց հիմնադրամի տնօրենը:

ՀՀ էկոնոմիկայի փոխնախարար Հովհաննես Հովհաննիսյանն էլ նշեց, որ Հայաստանը կարեւորում է Իրանի հետ թե տնտեսական, թե քաղաքական հարաբերությունների խորացումը եւ փոխշահավետ համագործակցությունը:

«Իրանը հայկական ապրանքերի ցուցադրության համար անվճար հիմունքներով 1000 քմ տարածք է տրամադրել, որի դիմաց հայկական  կողմը պարտավորվել է 2017 թվականին համապատասխան տարածք տրամադրել Հայաստանում իրանական ապրանքների ցուցադրության համար»,- ասաց Էկոնոմիկայի փոխնախարարը:

Ցուցահանդեսին մասնակցելու համար նախատեսված հայտերի ընդունման վերջնաժամկետը սեպտեմբերի 20-ն է: