Գյումրիում ընտրապայքարից դուրս են եկել ավագանու 9 թեկանծուներ

Գյումրիում շարունակվում է ավագանու անդամության  համար պայքարող կուսակցությունների քարոզարշավը:

Հոկտեմբերի 2-ին Գյումրիում կայանալիք ՏԻՄ ընտրություններին մասնակցող 10 կուսակցությունները և 1 դաշինքն այս ընթացքում փորձում են գյումրեցիներին ներկայացնել իրենց ծրագրերը: 

Սեպտեմբերի 9-ից մեկնարկած քարոզարշավը կշարունակվի մինչև սեպտեմբերի 30-ը 24:00: Արդեն տեղի է ունեցել նաև տեղամասային ընտրական հանձնաժողովների անդրանիկ նիստերը, որոնց ժամանակ տեղամասային ընտրական հանձնաժողովի անդամներն տվել են իրենց պարտականությունները բարեխիղճ կատարելու համաձայնությունը՝ ստորագրությամբ վավերացված: Ձևավորվել են նաև տեղամասային ընտրական հանձնաժողովները: Մինչև հոկտեմբերի 1-ը տեղամասային ընտրական հանձնաժողովներն աշխատանքն են տանում ընտրացուցակների մասով:

Ընտրատարածքային ընտրական հանձնաժողովն ընդունում է նաև ինքաբացարկների մասին դիմումները՝ ընտրությունից դեռ 10 օր առաջ թեկնածուները կարող են հայտարարել ինքնաբացարկ և կուսակցության ընտրացուցակից դուրս գալու վերաբերյալ: 

Ընտրապայքարից դուրս գալու մասին արդեն դիմում է ներկայացրել 9 թեկնածու ՝  3-ը «Բալասնայան դաշինք»-ից, նույնքան թեկնածու նաև «Հայկական վերծնունդ», 2-ը ԲՀԿ- ցուցակից  և 1-ը «Ալյանս» կուսակցությունից: 

Ինչպես «Արմենպրես»-ին տեղեկացրեց Գյումրիում ՏԻՄ ընտրությունների գործընթացը կանոնակարգող թիվ 34 ԸԸՀ նախագահ Էդիկ Բաղրամյանը, ինքնաբացարկի դիմումներ ներկայացրած թեկնածուները տվյալ կուսակցության այսպես կոչված «անցողիկ» տեղերում չեն, այլ վերջին համարներն են: 

ԸԸՀ նախագահի համոզմամբ` նրանք հրաժարվել են պայքարից հիմնականում ընտանեկան կամ կենցաղային այլ խնդիրների պատճառով: