ՌԴ Գլխավոր շտաբ. Սիրիայում հրադադարի խախտումների թիվը հասել է 144-ի

Ռուս-ամերիկյան պայմանավորվածությունների գործողությունից ի վեր Սիրիայում հրադադարի ռեժիմի խախտումների թիվը հասել է 144-ի, ԱՄՆ-ն առաջվա պես քայլեր չի ձեռնարկում իրեն ենթարկվող ընդդիմադիր ջոկատների կողմից ռազմական գործողությունների դադարեցման ուղղությամբ: Այս մասին հայտնել է ՌԴ ԶՈւ Գլխավոր շտաբի գլխավոր օպերատիվ վարչության ղեկավարի տեղակալ, գեներալ լեյտենանտ Վիկտոր Պոզնիխիրը, փոխանցում է «ՌԻԱ Նովոստին»:

«Ցավոք, ստիպված ենք արձանագրել, որ ռազմական գործողությունների դադարեցման ռեժիմի պահպանման առումով դեպի լավը փոփոխություններ տեղի չեն ունեցել: Կայուն կերպով աճում է ընդդիմության խմբավորումների կողմից խախտումների քանակը: Եվ այսպես մեկ օրվա ընթացքում հրադադարի ռեժիմը խախտվել է 39 անգամ: Ռուս-ամերիկյան պայմանավորվածությունների գործողությունից ի վեր խախտումների թիվը կազմել է ընդամենը 144»,- ասել է Պոզնիխիրը ՌԴ Պաշտպանության կառավարման ազգային կենտրոնում

Նրա խոսքով ՌԴ ՊՆ-ն արձանագրում է, որ «ամերիկյան կողմը առաջվա պես չի ձեռնարկում քայլեր՝ իրեն ենթարկվող ընդդիմադիր ջոկատների կողմից ռազմական գործողությունների ռեժիմի պահպանման ուղղությամբ»:

Ընդ որում գեներալը նշել է, որ ռուսական ու սիրիական կողմերը իրենց հերթին «լիարժեք կատարել են իրենց պարտավորությունները»: