Աշնան ամենանորաձև կոշիկները (Ֆոտոշարք)

Wnews.am-ը գրում է.

Լավ նորություն՝ նախորդ սեզոնից մնացած կոշիկների մի քանի մոդելներ հանգիստ կարող ենք կրել նաև այս սեզոն:

Աշնանային սեզոնի ցուցադրությունների  ժամանակ շատ դիզայներներ ներկայացնում էին կոշիկներ , որոնք «մենք արդեն ինչ որ տեղ տեսել ենք»: Բայց, իհարկե, կան նաև բոլորովին նոր մոդելներ: Մի խոսքով, հիմա ամեն ինչ մանրամասն կքննարկենք, ի վերջո, Wnews.am-ի նյութը հենց դրա մասին է:

Ինչ կլինի նորաձև 2016-ի աշնանը:

Սուր ծայրով կոշիկ

Սուր ծայրով բարձրակրունկները զբաղեցնում են աշնանը նորաձև կոշիկների գլխավոր հորիզոնականը: Դրանք այնքան շատ էին պոդիումին, որ համարձակորեն կարող ենք համարել աշնանային սեզոնի հիթը: Սուր ծայրով դասական կոշիկներ, բոտիլիոններ, երկարաճիտ կոշիկներ՝ընտրությունը  մեծ է:

 

Առանց կրունկի կոշիկներ

Սրանք ամենահարմարավետ աշնանային կոշիկներն են: Դիզայներների ֆավորիտներն են լոֆերները, չելսիները, մոնկիները: Ակտուալ կլինեն առանց կրունկների զամշե բոտֆորտները:

 

Բայքերական «բրուտալ» կոշիկներ

Բայքերական ոճն այս սեզոն պոդիում էին բարձրացել  Alexander Wang, Chanel, Valentino նորաձևության տները: Կրունկով թե առանց կրունկ՝ գլխավորը դրանք լինեն կոպիտ՝ կապիչներով, երկաթյա զարդերով: Գույները մռայլ են՝ հիմնականում սև, մուգ բալագույն, մոխրագույն:

 

Բոտֆորտներ

Ծնկից բարձր բոտֆորտները շարունակում են ակտուալ մնալ նաև 2016-ի աշնանը: Ի դեպ՝ այս սեզոն դրանք կրում ենք նաև տաբատների հետ, ընդ որում ոչ  միայն skinny ջինսերի , այլև՝ լայն տաբատների:

 

 Սպորտ-շիկ

Բացի կեդերից և սպորտային այլ կոշիկներից, այս սեզոն դիզայներներն առաջարկում են բարձրակրունկներ՝ սպորտային ոճով:  Ակտուալ են կոնտրաստային ,վառ երանգները, կամ դասական սև ու սպիտակը:

 

Գույներ

Սովորաբար, կոշիկի գույնն ընտրում ենք մեր ունեցած հագուստների երանգները հաշվի առնելով, այնպես , որ ասել , թե որ երանգներն են ակտուալ սխալ կլինի: Եթե, այնուամենայնիվ, հետաքրքիր է , թե ինչ են առաջարկում դիզայներները նշենք, որ ամենաակտուալ երանգը սպիտակն է՝ սկսած սպորտային սպիտակ կոշիկներից , մինչև սպիտակ բոտֆորտները:

 

Բավական ակտուալ են աշնանային տերևների գույները՝ կարմիր,նարնջագույն, դեղին, շագանակագույն:

 

Պոդիումին հաճախ նկատում էինք նաև աշնան նորաձև գույնը՝ մանուշակագույնի երանգներով կոշիկներ:

Ամբողջական հոդվածը կարող եք կարդալ այստեղ