«Մանչեսթեր Յունայթեդ»-ը շարունկում է անփառունակ ելույթների շարքը

Անգլիայի առաջնությունում 2-րդ անընդմեջ պարտությունն է կրել «Մանչեսթեր Յունայթեդ»-ը: «Արմենպրես»-ը հայտնում է, որ հանդիպմանը վնասվածքի պատճառով հայտավորված չի եղել Հենրիխ Մխիթարյանը:

Ժոզե Մոուրինյոյի գլխավորությամբ «Մանչեսթեր Յունայթեդ»-ը շարունակում է անհաջող հանդիպումների շարքը: 5-րդ տուրում մանկունյանցիների մրցակիցը «Ուոտֆորդ»-ն էր:  Վալտեր Մացարիի թիմը հիանալի անցկացեց հանդիպումը և կարողացավ հաղթել 3-1 հաշվով: «Յունայթեդ»-ի կազմում միակ լուսավոր կետը Մարկուս Ռեշֆորդի հիանալի խաղն էր, ով խփեց իր թիմի հեղինակության գնդակը: «Ուոտֆորդ»-ից աչքի ընկան Կամիլո Սունիգան, էթիեն Կոպուն և Թրոյ Դենայը:

Տուրի կենտրոնական խաղում «Չելսի»-ն սեփական հարկի տակ պարտվեց «Լիվերպուլ»-ին: Յուրգեն Կլոպի թիմն  ամբողջ խաղի ընթացքում ուներ առավելություն և կարողացավ խաղն ավարտել 1-2 հաշվով: Մերսիսայդցիներից խաղի հաշիվը բացեց Դեյան Լովրենը: Առաջին կեսում Ջորդան Հենդերսոնը կրկնապատկեց հյուրերի առավելությունը: 2-րդ խաղակեսում «Չելսի»-ն կարողացավ միայն կրճատել հաշվի տարբերությունը: Գոլի հեղինակ դարձավ Դիեգո Կոստան: Հանդիպումն ավարտվեց 1-2 հաշվով հօգուտ «Լիվերպուլ»-ի:

Տուրի մյուս խաղերում գրանցվեցին հետևյալ արդյունքները.

«Հալ Սիթի»-«Արսենալ»՝ 1-4

«Լեսթեր Սիթի»-«Բառնլի»՝ 3-0

«Մանչեսթեր Սիթի»-«Բորնմուտ»՝ 4-0

«Վեսթ Բրոմվիչ»-«Վեսթ Հեմ»՝ 4-2

«Էվերթոն»-«Միդլսբրո»՝ 3-1

«Քրիսթալ Փելաս»-«Սթոք Սիթի»՝ 4-1

«Սաութհեմփթոն»-«Սուոնսի Սիթի»՝ 1-0

«Տոտենհեմ»-«Սանդերլենդ»՝1-0: