Թուրքմենստանի մայրաքաղաքում տեղի է ունեցել Միջազգային սպորտային մեդիաֆորում

Սպորտային մեդիաֆորումին մասնակցելու համար Աշգաբադ ժամանած մարզական լրագրության կազմակերպությունների ղեկավարները և միջազգային ԶԼՄ-ների ներկայացուցիչները սեպտեմբեր 20-ին մասնակցեցին Ղրղզստանում կայացած Քոչվորների II համաշխարհային խաղերում աչքի ընկած թուրքմեն մարզիկների մեծարման արարողությանը: Արարողությունը ելույթվ հանդես եկավ Թուրքմենստանի նախագահ Գուրբանգուլի Բերդիմուհամեդովը, ով ընդգծեց, որ երկրում սպորտի զարգացումը և առողջ ապրելակերպի ամրապնդումը Թուրքմենստանի պետական ​​քաղաքականության հիմնական գերակայություններից են: Այս մասին «Արմենպրես»-ին տեղեկացրին Հայաստանի Հանրապետությունում Թուրքմենստանի դեսպանությունից:

Մեդիաֆորումի մասնակիցները իրենց երախտիքի խոսքը հայտնեցին Թուրքմենստանի նախագահին սպորտի զարգացումը մշտապես ​​ուշադրության տակ պահելու, լրագրողների և գործարար շրջանակների աշխատանքի համար նպաստավոր պայմաններ տեղծելու համար, ինչպես նաև շնորհավորեցին  թուրքմեն մարզիկներին մեծամեծ հաջողությունների հասնելու համար:

Այնուհետև «Սպորտ» հյուրանոցի նիստերի դահլիճում տեղի ունեցավ Միջազգային սպորտային մեդիաֆորումի բացման արարողությունը, որը նվիրված էր Ասիայի մարզական լրագրողների օրվան, ինչպես նաև կոչված էր խթանելու 2017 թվականի Փակ մարզադաշտերում և մարտարվեստների Ասիական V խաղերի անցկացումը:

Այս մեդիաֆորումի անցկացումը խոսում է Թուրքմենստանը սպորտի միջոցով ողջ աշխարհին ներկայացնելու երկրի ցանկության մասին: Համաժողովին ներկա էին 29 երկրներից ժամանած արտասահմանյան զանգվածային լրատվամիջոցների ներկայացուցիչներ, սպորտի բնագավառի փորձագետներ, ինչպես նաև Թուրքմենստանի համապատասխան գերատեսչությունների և ԶԼՄ-ների ներկայացուցիչներ:

Մեդիաֆորումի բացմանն ընթերցվեց ֆորումի մասնակիցներին հասցեագրված մարզական լրագրողների օրվան և Ասիական V խաղերին նվիրված Թուրքմենստանի նախագահ Գուրբանգուլի Բերդիմուհամեդովի շնորհավորական ուղերձը:

Ֆորումի առաջին երեք նիստերին հանդես եկան Միջազգային մամուլի մարզական ասոցիացիան (AIPS),  Ասիական Sports Press Association-ը ներկայացնող հայտնի փորձագետներ, մի շարք երկրների սպորտի ֆեդերացիայների ներկայացուցիչներ, «Al Jazeera», «Եվրասիա TV» հեռուստաընկերությունների և այլ հեղինակավոր մեդիակազմակերպությունների լրագրողներ: Նիստերի ընթացքում քննարկվել են ԶԼՄ-ների դերակատարումը սպորտային միջոցառումների բարձր մակարդակի նախապատրաստման և կազմակերպման գործում, ինչպես նաև կայանալիք V ասիական խաղերի նախապատրաստական միջոցառումների արդ յունավետությունը բարձրացնող հարցեր: Արդեն իսկ ֆորումի սկզբում մասնակիցներից շատերը կարևորելով ընթացող միջոցառումները, իրենց հոդվածներում  բարձր գնահատական են տվել թե թուրքմեն մարզիկների մեծարման և պարգևատրման արարողությանը և թե դեպի «V ասիական խաղեր – 2017»  միջոցառումների պատրաստվածության բարձր մակարդակին: (Տես`atavatan-turkmenistan.com և aipsmedia.com կայքերը):

Սեպտեմբերի 21-ի եզրափակիչ, չորրորդ լիագումար նիստում շարունակվեց սպորտային միջոցառումների բարձր մակարդակի նախապատրաստման և կազմակերպման գործում ունեցած ԶԼՄ-ների դերի, այդ միջոցառումների լուսաբանման և հեռարձակման հետ կապված հարցերի քննարկումը: Ֆորումի մասնակիցների համար կազմակերպվել էր նաև V ասիական խաղերում ներառված սպորտաձևերի ցուցադրումներ:

Ասիայի մարզական լրագրողների Օրը` սեպտեմբերի 22-ն տեղի ունեցավ  Միջազգային սպորտային մամուլի ասիական ասոցիացիայի կողմից սպորտի զարգացման գործում ներդրած մեծ ավանդի և լուսաբանման համար լրագրողների պարգևատրման արարողությունը: Մեդիաֆորումի մասնակիցները այցելեցին նաև «Նիսա» պետական ​​պատմամշակութային արգելոցը, քարանձավային լիճ «Կով Ատա»-ն  և «Գյոկդերե» գեղատեսիլ արվարձանը: