Երիտասարդ դերասանուհի Աննա Մանուչարյանի դուստրը նկարահանվել է «Քարե դարդում»

Ապրիլի 5-ից «ATV» հեռուստաընկերության եթերում կմեկնարկի «Քարե դարդ» սիթքոմը, որում իր մասնակցությունն է ունեցել նաև դերասանուհի Աննա Մանուչարյանի դուստրը։

 

BlogNews-ի հետ զրույցում Աննան ասաց, որ դուստրը փոքրիկ դերով է ներկայանալու սիթքոմում տեսարաններից մեկում խաղալու է իր հերոսուհու՝ Նինիի մանկությունը։ «Աղջկաս նկարահանելու միտքը ռեժիսորինն էր՝ Վարդանինը, քանի որ բոլոր երեխաներից ամենաշատն աղջիկս ինձ նման կլիներ։ Իրականում արտաքնապես ես ու Արփին այդքան էլ նման չենք, սակայն իմ աղջիկն է, որքան էլ չլինի, նմանություն կունենա»,- ասաց Աննան։

Ըստ դերասանուհու՝ դուստրը բեմական երեխա է, սակայն առանձնապես հետաքրքրված չէ այս ոլորտում քայլեր անելու հարցում. «Աղջիկս թավ-ջութակահարուհի է, հույս ունեմ, որ կշարունակի այդ գծով։ Այս պահի դրությամբ նրան պատկերացնում եմ որևէ սիմֆոնիկ նվագախմբում։ Երեկ էլ շատ հաջող համերգ է ունեցել՝ Ֆրանկոֆոնիայի փառատոնի շրջանակներում»։

Չնայած Արփին դերասանական ոլորտում քայլեր անելու մտադրություն չունի, ըստ մայրիկի, «Քարե դարդում» սիրով է նկարահանվում։ «Տարիքային այդ  խմբի կողմից մեր սիթքոմը շատ է սիրվել։ Աղջիկս էլ բացառություն չէ, նույնիսկ խնդրում է, որ հետս բերեմ նկարահանումներին։ Մի անգամ էլ մասսայական տեսարանում էր նկարահանվել, ընկերները տեսել էին, շատ արձագանքներ էր ստացել։ Երեխաների համար դա մեծ երևույթ է։ Ինքն էլ շատ էր ոգևորվել այդ մտքից»,- ասաց դերասանուհին։