Սուջուխի բաղադրատոմսը և պատրաստման գաղտնիքը

Բաղադրամասեր

• 20 լ շիարային՝

• 2.2 կգ 2- րդ տեսակի ալյուր,

• 4 լ ջուր,

• 2.5 - 3 կգ ընկույզի միջուկ,

• 500 գ փշատի ալյուր,

• 3.5 կգ մեխակ,

• 5 գ դարչին,

• 4 գ հիլ

Պատրաստման եղանակը

• Ալյուրը քիչ քանակությամբ ջրով բաց անել, մաղով քամել, աստիճանաբար լցնել թանձրացած շիրայի մեջ և եփելը շարունակել մինչև ժելեակերպ զանգված ստացվի։ Եփելը ավարտելուց 10 րոպե առաջ այդ զանգվածի մեջ գցել ծեծած դարչինի, մեխակի և հիլի խառնուրդ։

• Ընկույզի կիսած միջուկը շարել 80 սմ երկարության թելին, կախել պարանից և մի քանի օր չորացնել:

• Ընկույզի շարանները ընկղմել տաք զանգվածի մեջ և նորից պարանից կախել, շարանների տակ ամաններ դնել կաթացող զանգվածի համար։ 30 րոպե անց ընկույզի շարանները նորից ընկղմել զանգվածի մեջ և փոխադրել ստվերոտ տեղ։

• 10 - 12 օր չորանալուց հետո սուջուխը կտրտել 20 սմ երկարությամբ կտորներով և վրան ցանել փշատի ալյուր, դարչին, մեխակ և հիլ: