ՀՀ ՊՆ-ն սերտորեն համագործակցում է ՏՏ ոլորտի ընկերությունների ու մասնագետների հետ

 ՀՀ պաշտպանության նախարարությունը սերտորեն համագործակցում է տեղեկատվական տեխնոլոգիաների ոլորտի ընկերությունների ու մասնագետների հետ: Այս մասին «ԴիջիԹեք» տեխնոլոգիական միջազգային ցուցահանդեսի ժամանակ նշեց ՀՀ պաշտպանության նախարարի տեղակալ, Պաշտպանության նախարարության ռազմարդյունաբերության պետական կոմիտեի ն ախագահ Դավիթ Փախչանյանը:

«Տեղեկատվական տեխնոլոգիաների ոլորտի ընկերությունների կողմից ոչ միայն կան  առաջարկներ, այլև մենք սերտորեն համագործակցում ենք բարձր տեխնոլոգիաների կազմակերպությունների հետ: Կարող ենք ասել, որ կոնկրետ խնդիրների վրա ենք աշխատում, ունենք բավական լուրջ հաջողություններ: Այդ հարցերի հետ կապված ՀՀ նախագահի այցելության վերջում մենք քննարկում ունեցանք տեղեկատվական տեխնոլոգիաների ոլորտում աշխատող ընկերությունների ներկայացուցիչների հետ»,-ասաց Դավիթ Փախչանյանը` ընդգծելով, որ ապրիլյան պատերազմից հետո տեղեկատվական տեխնոլոգիական ոլ որտի ընկերությունների հետ համագործակցության ուղղությամբ կա լուրջ առաջընթաց: Տեղեկատվական տեխնոլոգիաների ոլորտի ներկայացուցիչները, մտահոգված լինելով, ներուժ ու ժամանակ են ծախսում` ներկայացնելով նոր առաջարկներ: 

Ինֆորմացիոն տեխնոլոգիաների և ձեռնարկությունների միության գործադիր տնօրեն Կարեն Վարդանյանընշեց, որ ապրիլյան պատերազմը որոշակի դասեր տվեց, և այժմ տեղեկատվական տեխնոլոգիաների ոլորտի ընկերությունների ու Պաշտպանության նախարարության համագործակցությունը նոր որակ է ստանում:

«Տեսանք, որ հակառակորդը բարձր տեխնոլոգիական զինատեսակ է օգտագործում: Դավիթ Փախչանյանի պաշտոնավարումից հետո աշխատանքները նոր որակ ստացան: Այժմ արդյունավետ համագործակցություն է ընթանում: Ունեցած արդյունքները ցուցադրեցինք նախագահին, ով իր գոհունակությունը հայտնեց: Աշխատում ենք հետևյալ ուղղություններով` անօդաչու թռչող սարքերի հայտնաբերում, այդ սարքերի խոցում, հարձակողական, կառավարվող զենքերի արտադրություն, գաղտնագրված կապ, զինված ուժերի կառավարում և այլն: Առաջին արդյունքներն արդեն կան»,-ասաց Կարեն Վարդանյանը:

«Տոն տեխնոլոգիական հայության համար» կարգախոսի ներքո անցկացվող 12-րդ ամենամյա «ԴիջիԹեք» միջազգային ցուցահանդեսը կշարունակվի մինչև հոկտեմբերի 2-ը: Այն իրականացվում էԻնֆորմացիոն տեխնոլոգիաների ձեռնարկությունների միության (ԻՏՁՄ) կողմից՝ ՀՀ վարչապետի բարձր հովանու ներքո: ԴիջիԹեք 2016-ը համախմբել է 120-ից ավելի տեղական և միջազգայինընկերությունների: Այս տարի Հնդկաստանը հանդես է գալիս որպես ցուցահանդեսի գործընկեր երկիր և ներկայացված է կոնսոլիդացված տաղավարով: