Թուրքիան կարող է միայն սպառնալ Մեծ եղեռնը ճանաչած երկրներին, բայց պատժամիջոցներ կիրառել՝ ո՛չ
ԲԼՈԳԿարեն Համբարձումյանը ֆեյսբուքյան իր էջում գրում է.
Բունդեսթագի՝ Թուրքիայի Ինջիրլիք ռազմաբազա այցելած պատգամավորներ հաստատել են իրենց դիրքորոշումը Հայող ցեղասպանության մասին։ Թուրքիայի հարավ-արևելքում գտնվող այս ռազմաբազան, որը ՆԱՏՕ-ական ուժերի մասնավորապես ԱՄՆ-ի ու Գերմանիայի համար կարևոր ռազմավարական նշանակություն ունեցող օբյեկտ է, որտեղից փաստացի Արևմուտքը վերահսկում էր Արաբական աշխարհը։ Երբ Բունդսթագը ճանաչեն Հայոց ցեղասպանությունը, Թուրքիան արգելափակեց գերմանացի քաղաքական գործիչների մուտքը ռազմաբազա։
Օրերս սակայն նույն այդ Ինջիրլիք այցելած գերմանացի պատգամավորները վերահաստատել են իրենց դիրքորոծումը Հայոց ցեղասպանության վերաբերյալ, փաստացաի Թուրքիային դնելով հերթական անհարմար իրադրության մեջ։
Սա իրականում մի գուցե աննշան, բայց կարևոր հանգամանք է ինչպես Հայոց ցեղասպանության միջազգային ճանաչման գործընթացում, այնպես էլ Թուրքիայի արտաքին քաղաքականության առումով։
Նախ ամեն երկրի հետ, որը ճանաչում է Հայոց ցեղասպանությունը, հատկապես եթե դա արևմտյան երկիր է, Թուրքիան խզում է դիվանագիտական կապերը, ագրեսիվ հայտարարություններ է անում։ Եվ իրականում հենց այսքան են Թուրքիայի հնարավորություններւ, նա կարող է միայն սպառնալ, բայց գործնականում չի կարող բեկել այդ պետությունների որոշումը, կամ պատժամիջոցներ կիրառել նրա դեմ։
Սա կարևոր ազդակ է հատկապես այն երկրների համար, որոնք կամուկացի մեջ են, և վախենում են Թուրքիայի հետ հարաբերությունները փչացնելուց, իսկ իրականում այդ հարաբերություններւ նույնքան թանկ էն նաև Թուրքիայի համար, որը հնարավոր է մի քիչ նեղսրիտի և սպառնա, բայց մի քանի անց ինքն անի առաջին քայլը հարաբերությունները վերականգնելու։