Կլոնները միայն քաղաքական դաշտում չեն
ԲԼՈԳՀայկ Համբարձումյանը ֆեյսբուքյան իր էջում գրում է .
Հայաստանյան ԶԼՄ-ների լրահոսները դիտարկելիս աչքի են ընկնում ոչ միայն մերօրյա քաղաքական ծաղրածուները, որոնք հարմարավետ հանգրվանել են տարբեր քաղաքական բլոկներում, այլ նաև, այսպես կոչված, հանրային սեկտորի պակեմոնները:
ՊԵԿ նոր ղեկավարի մասին էի կարդում. Հայաստանում գործատուների միություն կա, որի ղեկավարը, ինչ որ Գագիկ Մակարյան է: Այս մարդը արագ արագ շարադրությանը նմանվող տեքստեր է անընդհատ արտասանում, բայց ակնհայտ է, որ այս մարդու հետ ինչ որ բան էն չէ:
Հրապարակման մեջ վերջինս անդրադառնալով ՊԵԿ նոր ղեկավարին ու այդ պաշտոնում իր պատկերացրած կրիտերիաներին հարցադրում է անում՝ արդյո՞ք նախագահն ու վարչապետը հաշվի են առել իր կարծիքը: Զավեշտի է նմանվում այս ամենը. ինչքա՞ն մարդ կարող է ինքնասիրահարված լինի, որ իր ամբողջ ասելիքի մեջ անընդհատ իր անձը շեշտի, ինչքան մարդ պետք է միամիտ (կամ հիմար) լինի, որ կարծի, թե ՊԵԿ-ի ղեկավար նշանակելուց երկրի «ասիչները» պետք է հաշվի առնեն իր կարծիքը:
Վերջապես, իսկ ո՞վ է ԳագիկՄակարյանը, ինչո՞վ է այս մարդու կարծիքն առհասարակ կարևոր իմ ու մնացածների համար, ինչո՞ւ են սրան մանները միշտ խոսափող գտնում ու ապուշություններ հրում մամուլի դաշտ: