Անվտանգության գլոբալ համակարգերը ոչնչացված են, առաջատար խաղացողների միջեւ փոխգործակցություն չկա. Նիկոլայ Բորդյուժա

ՀԱՊԿ գլխավոր քարտուղար Նիկոլայ Բորդյուժան «ՀԱՊԿ դերը Եվրասիական անվտանգության ամրապնդման գործում» թեմայով կազմակերպված կլոր սեղանի շրջանակում հանդես եկավ ողջույնի խոսքով՝ ընդգծելով նման միջոցառում կազմակերպելու անհրաժեշտությունը:

«Կլոր սեղանի շրջանակում քննարկվելու են հարցեր՝ կապված մեր երկրների անվտանգության հետ: Այդքան էլ հեշտ ժամանակաշրջան չէ. ինչո՞ւ, որովհետեւ մեծ հաշվով անվտանգության գլոբալ համակարգերը ոչնչացված են, աշխարհի առաջատար խաղացողների միջեւ դադարեցված են փոխգործակցության կապերը` ահաբեկչության, թմրանյութերի ապօրինի շրջանառության, ինչպես նաեւ մի շարք այլ մարտահրավերների եւ վտանգների դեմ պայքարի հարցում: Մենք խոսում ենք այն մասին, որ պետք է թմրանյութերի ապօրինի շրջանառության դեմ պայքարել, սակայն երկրներ են բերվում հազարավոր տոննաներո վ պրեկուրսորներ, որոնց միջոցով երկրներոմ պատրաստվում են  ծանր թմրանյութեր: Մենք ականատես ենք լինում մի շարք հակասությունների, երբ օրինակ, որևէ պետություն հանդես է գալիս ահաբեկչության դեմ պայքարի դիրքերից, բայց զինամթերք է մատակարարում ահաբեկչական խմբերի»,-«Արմենպրես»-ի հաղորդմամբ՝ նշեց  ՀԱՊԿ գլխավոր քարտուղարը:

Հոկտեմբերի 14-ին Երևանում կկայանա Հավաքական անվտանգության պայմանագրի կազմակերպության (ՀԱՊԿ)Հավաքական անվտանգության խորհրդի նստաշրջանը, որը կվարի Կազմակերպության Հավաքական անվտանգությանխորհրդում 2015-2016թթ. նստաշրջանների միջև ընկած ժամանակահատվածում նախագահությունն ստանձնածՀայաստանի Հանրապետության Նախագահ Սերժ Սարգսյանը:

Նստաշրջանում կքննարկվեն ՀԱՊԿ նախորդ տարվա գագաթնաժողովների որոշումների իրականացման ընթացքը,ինչպես նաև Կազմակերպությունում նախագահության ընթացքում Հայաստանի Հանրապետության կողմիցառաջադրված առաջնահերթությունները: Նիստի օրակարգում ընդգրկված երկու տասնյակ հարցերի շրջանակում կքննարկվեն միջազգային իրավիճակը և հավաքական անվտանգության ապահովմանարդիական հարցեր, կդիտարկվեն մինչև 2025թ. ժամանակահատվածի համար ՀԱՊԿ հավաքական անվտանգության ռազմավարության և ՀԱՊԿ ճգնաժամային արձագանքման կենտրոնի ստեղծմանվերաբերյալ որոշումների նախագծերը, ՀԱՊԿ գործունեության կատարելագործման, ինչպես նաև միջազգային ահաբեկչությանը հակազդեցության վերաբերյալ որոշումների իրականացումը: