Հազարավոր կոլումբիացիներ ակցիա են անցկացրել հաջակցություն FARC-ի հետ պայմանագրի իրագործման

ՄԻՋԱԶԳԱՅԻՆ 13 Հոկտեմբեր, 2016 13:53

Կոլումբիայի քաղաքներում ցույցի են ելել հազարավոր մարդիկ՝ պահանջելով իրագործել FARC ձախ արմատական ապստամբական խմբավորման հետ երկրի իշխանությունների հաշտության պայմանագիրը, տեղեկացնում Է «Արմենպրես»-ը՝ հղում անելով BBC-ին:

Երկրի մայրաքաղաք Բոգոտայում ապստամբների զոհերի հարազատներին տալիս Էին ճերմակ ծաղիկներ, որոնք խորհրդանշում են խաղաղությունը:

Կոնգրեսի շենքի առջեւ հավաքվել Է ուսանողների, ֆերմերների եւ երկրի տեղաբնիկ ժողովուրդների ղեկավարների բազմությունը, որոնք պաշտպանում են արմատականների հետ հաշտության համաձայնագիրը:

Կոլումբիայի իշխանությունները FARC-ի հետ խաղաղ պայմանավորվածությունների են հասել մի քանի տարվա լարված բանակցություններից հետո, սակայն հաշտության պայմանագրի ստորագրումը մերժվել Է համազգային հանրաքվեի արդյունքում, որի մասնակիցների մեծամասնությունը չպաշտպանեց հրադադարի պայմանները:

Ավելի վաղ FARC-ի առաջնորդ Տիմոլեոն Խիմենեսը (հայտնի Է նաեւ որպես Տիմոշենկո) հայտարարել Է, թե, այնուամենայնիվ, վստահ Է զինադադարի մոտալուտ կնքմանը:

«Այդ հակամարտությունը շարունակվում Էր երկար տարիներ եւ խորը վերքեր Է թողել: Մենք պետք Է միավորվենք եւ միասին բալասան դնենք դրանց վրա»,-ասել Է նա Caracol ռադիոկայանին տված հարցազրույցում:

Անցած շաբաթ Կոլումբիայի նախագահ Խուան Մանուել Սանտոսը Խաղաղության Նոբելյան մրցանակ Է ստացել ձախ արմատական խմբավորման հետ բազմամյա հակամարտությանը դերջ դնելու համար:

Նա հայտարարել Է, որ մտադիր Է դրամական պարգեւը տրամադրել հակամարտությունից տուժածներին օգնելուն: Նախագահը հավելել Է, որ այսուհետեւ Էլ ձգտելու Է վերջնական զինադադար հաստատել FARC-ի հետ: