Վերջին դեպքերը խոսում են բանակում կարգապահության սովի մասին
ԲԼՈԳԱրմինե Վարդևանյանը ֆեյսբուքյան իր էջում գրում է.
Հայկական բանակում օրեցօր աճում է կարգապահության պակասը։ Գրեթե օր չկա, որ սահմանին թշնամու կրակոցից զինվորների զոհվելուն զուգահեռ, ներքին անկարգապահության հետևանքով զինվոր չսպանվի։
Ծանոթանալով հատկապես վերջին ամիսներին հաճախաի բնույթ կրող սպանություններին, ակնհայտ է , որ այստեղ մեծ է ոչ միայն շարքային զինվորների, այլ նաև միջին սպայական անձնակազմի ներգրավվածությունը, հաճախ նաև անմիջական մասնակցությունը հանցագործությանը։
Պարզվում է հատկապես զինվորների նկատմամբ ծառայակիցների կողմից բռնաճշումներից այս ստորին և միջին սպայական անձնակազմը տեղյակ է, լուռ հետևում է առանց միջամտելու, հաճախ նաև խրախոիսելով կատարվող արատավոր երևությները։
Այո, այս սպաները ներքաշված են հանցավոր գործունեության մեջ բանակում, իսկ մի թե բանակի բարձր սպայական ղեկաբարությունը տեղյակ չէ ինչ է կատարվում իր ստորին օղակներում։ Չեմ կարծում, որ տեղյակ չէ։ Ստացվում է, որ ապրիլյան պատերազմը մարտունակ բանակի միֆը կոտրեց, իսկ վերջին շրջանում վառ դրսևորվող փողոցային բարքերը կոտրեցին նաև կարգապահ և առողջ մթնոլորտ ունեցող բանակի միֆը։ Կարծում եմ, նոր նախարարը շատ անելիք ունի իսկապես կարգապահ բանակ ունենալու համար։