Yerevan, 22.November.2026,
00
:
00
BREAKING

Սոս Ջանիբեկյան. «Միշտ կանայք են հրաժարվել ինձանից, այս անգամ ես եմ հրաժարվում»

LIFE
Blognews.am-ը գրում է.
 
Դերասան Սոս Ջանիբեկյանի անձնական կյանքը միշտ եղել է հանրության ուշադրության կենտրոնում։ Ucom-ի բաժանորդները հնարավորություն ունեն հետևելու, թե ինչպես են զարգանում դերասանի հարաբերություններն իրական կյանքում։ Նոյեմբերի 4-ից «Արմենիա Պրեմիում» հեռուստաալիքի եթերում կմեկնարկի «Ցանկալի փեսացուն» ռեալիթի շոուն, որի շրջանակներում Սոսը 12 աղջիկներից կընտրի մեկին։ Նախագծի նկարահանումներն արդեն մեկնարկել են։ BlogNews-ը եղել է նկարահանման հրապարակում և զրուցել Սոսի հետ։

- Մի փոքր բարդ էր քեզ պատկերացնել որպես ռեալիթի շոուի աստղ։ Նախագծի պրոդյուսեր Հրաչ Քեշիշյանն էլ նշեց, որ բավականին դժվար ես համաձայնվել։ Ինչպե՞ս քեզ տրվեց այդ որոշումը։

- Ինձ համար շատ բարդ էր։ Իմ առաջին ռեալիթի շոուն եղել է «Սարերից այն կողմը», բայց ֆորմատով «Ցանկալի փեսացուն» առաջինն է։ Ինձ համար շատ-շատ-շատ դժվար էր որոշում կայացնելը, որովհետև ինձ հաճելի չէ, երբ անձնական կյանքս ու հարաբերություններս և, առհասարակ, կին-տղամարդ հարաբերությունները լինում են հանրային, սակայն սա շոու է։

Ինձ համար իսկապես հետաքրքիր էր Հայաստանում տեսնել այդ համարձակ աղջիկներին։ Քանի որ ճանաչում եմ գլխավոր պրոդյուսեր Հրաչ Քեշիշյանին, «Պան Արմենիան մեդիա հոլդինգի» ղեկավարներն էլ միշտ ամեն բան անում են որակյալ արտադրանք ունենալու համար, կարծում եմ՝ կլինի որակյալ պրոյեկտ։

Սա ինձ համար մի տարածություն է, որտեղ ես հեռուստադիտողներին կներկայանամ էնպիսին, ինչպիսին կյանքում եմ։ Աղջիկների հետ կշփվեմ այնպես, ինչպես իրականում։ Չեմ փորձում տպավորություն թողնել կամ խաղալ, այնպիսին եմ, ինչպիսին կլինեի, եթե, օրինակ, փողոցում երկրպագուհիներ մոտենային ինձ, և իրավիճակ ստեղծվեր, որ պիտի շփվենք։

Ուզում եմ վերլուծել ու փոխանցել իմ մտքերը կին-տղամարդ հարաբերությունների վերաբերյալ։ Ինձ համար Հայաստանում դա մի փոքր սխալ ստերիոտիպերով է կառուցվում։ Աղջիկը միշտ ավելի թույլ դիրքերում է, ավելի տուժված, քան տղամարդը։ Տղամարդիկ էլ մեծ մասամբ ընտրում են կանանց ընտանիքի, շրջապատի, մենթալիտետի ազդեցությամբ։

- Երբ հերթը հասնում է քո անձնականը հանրայնացնելուն, հաճախ նախընտրում ես փակ լինել։ Էս դեպքում բոլորը տեսնում են, հետևում։ Չի՞ գալիս մի պահ, երբ խաղում ես։

- Չէ։ Կան ինչ-որ բաներ, որ իրականում կանեի, նախագծում՝ ոչ, բայց այն, ինչ անում եմ, անում եմ անկեղծ։ Ինչ-որ հարցերում ինձ զսպում եմ, բայց կարծում եմ՝ դա խաղալ չէ։ Սա հարաբերությունների, զգացողությունների, ճանաչելիության ու դրությունների փորձ է։ Շատ կուզեմ, որ այս հաղորդմամբ կարողանամ ինչ-որ մի օգուտ տալ։

- Ի՞նչ ես կարծում, քո տեսլականը հասկացված կլինի՞ հանրության կողմից։

- Իհարկե։ Նա, ով ուշադիր կլինի և վերլուծող է, կհասկանա, իսկ ով արդեն կարծրացած է հարաբերությունների իր օրենքների մեջ, կհամարի, որ ես սխալ եմ։

- Ունե՞ս ֆավորիտներ։ Ի՞նչն ես առաջնային համարում հարաբերություններում։

- Ֆավորիտներ չունեմ։ Սկզբունքներն ինձ մոտ շատ կոնկրետ են, որովհետև ժամանակը շատ կարճ է։ Եթե հետևեք հաղորդաշարին, կտեսնեք, որ գտնում եմ ինձ համար իսկապես արդարացի պատճառներ ու իմ արժեքային համակարգի հետ չհամընկնող արարքները չեմ ընդունում։ Երբ տեսնում եմ աղջկան, առաջին հայացքից ինձ միշտ գրավում է գեղեցկությունը։ Ես ունեցել եմ փուլեր, երբ ինձ հետաքրքիր էր դիմացինիս խելքը, երբ հետաքրքիր էր անկեղծությունը, միայն անկողինը, ուղղակի հետաքրքիր մարդ լինելը, հիմա եկել եմ մի փուլի, երբ ինձ համար ամենակարևորը դարձել է մարդու բարությունը։

- Կարողացե՞լ ես նախագծում գտնել բարի աղջիկների։

- Շատ կարճ ժամանակում բոլորը բարի տպավորություն են թողել։ Առհասարակ, ես մարդու մեջ առաջինը տեսնում եմ իր լավ կողմերը։ Վատը նկատում եմ միայն այն ժամանակ, երբ հայտնվում ենք էնպիսի դրություններում, որ դիմացինս դրսևորում է իր չար կողմերը։

- Ըստ քեզ՝ այստեղ եկած աղջիկները սիրահարվա՞ծ են քեզ, թե՞ ուզում են հայտնի դառնալ։

- Թող կեղծ համեստություն չլինի, բայց ես չէի մտածում, որ ինչ-որ մեկը կգա, նույնիսկ եթե ստեղծել է էկրանային սիրելի կերպար և հավանում է ինձ: Կարծում էի, որ մեր մենթալիտետի ազդեցությամբ որևէ մեկն իրեն թույլ չի տա գալ։ Կասեն՝ դե լավ, էդ Սոսն ով է, որ իր համար գնացել ես (մենք ունենք մեծամտության բարդույթ), բայց արի ու տես, որ եկել են: Ես երախտապարտ եմ և գնահատում եմ իրենց մարդկային տեսակը, որովհետև ոչ միայն անցել են այդ ամենի վրայով, այլև նախագիծ գալիս են մի դիրքում, երբ ակամայից ես իրենցից բարձր եմ, ես եմ ընտրում ու հրաժարվում։ Բարդութավորված մարդու համար շատ ցավալի է, երբ իրենից հրաժարվում են։ Հայ աղջիկները նույնիսկ առաջին քայլ չեն անում։

Հնարավոր է՝ մարդիկ եկել են ինձ համար, հնարավոր է՝ հետաքրքրության,  էկրանին երևալու, ճանաչված լինելու համար։ Գուցե կան աղջիկներ, ովքեր եկել են ինձ համար։ Ես չեմ կարող կոնկրետ ասել՝ ով ինչու է եկել, բայց բոլորից շնորհակալ եմ, որ եկել են։

- Երբ աղջիկներից հրաժարվում ես, նեղացածություն մնո՞ւմ է, կադրից դուրս ի՞նչ արձագանքներ են լինում։

- Այս նախագծի շրջանակներում փորձում եմ սովորել մարդկանց նաև նեղացնել։ Մինչև հիմա այդպես չեմ արել, այսինքն՝ գիտակցված չեմ նեղացրել։ Հիմա պետք է կայացնեմ իմ որոշումը առանց մտածելու՝ նա նեղանում է, թե ոչ։ Չգիտեմ՝ իրենք նեղանում են, թե ոչ, բայց ես կոփվում եմ։ Հետագա կյանքիս համար դա երևի լավ կլինի։ Ես կյանքում շատ մեծ սխալներ ու զոհաբերություններ եմ արել հանուն դիմացինին չնեղացնելու։ Իմ հարաբերություններում միշտ կանայք են դրել վերջ, իրենք են ինձնից հրաժարվել ու հեռացել։ Միշտ մտածում էի՝ ինչու եմ միշտ հայտնվում էն իրավիճակում, երբ ինձնից են հրաժարվում, մի օր չեղավ ես հրաժարվեմ։ Հիմա եկել է այդ ժամանակը, և ես հասկացա, որ հրաժարվողի դիրքը նույնքան ցավոտ է, որքան մերժվածինը։

     

Զրույցը՝ Ամալյա Հովհաննիսյանի

Լուսանկարները՝ Կարեն Գալստյանի

Digital Solutions in the Foreign Exchange Market: IDBank and Rate.Trading at DigiTec 2026Digital Solutions in One Ecosystem: IDBank at DigiTec 2026Ucom and Impact Hub Yerevan Wrap Up the Third Edition of Their Green Entrepreneurship Program SoftConstruct and the French University in Armenia Sign A New Memorandum of UnderstandingIDBank to Present a Unified Ecosystem Concept at DigiTec 2026Ucom Supports Annual Mini Whoop Drone Racing Armenia 2026 Competition in YerevanIDBank Presents the Rate.Trading Digital Platform at Toon Expo.Invest 2026The Second Khachaturian International Youth Competition Concludes at China National Opera House Under the Artistic Direction of Sergey Smbatyan "The network this time for COP17 was the most one of exceptional network we have ever had." The service quality by Team was highly appreciated by UN representative Rate.Trading: Large Transactions with Digital Management of Exchange Rate RisksVIVA Foundation Named November Beneficiary of “The Power of One Dram”Special Mortgage Offers: IDBank at Toon Expo: Invest 2026Vahe and Vigen Badalyan File Lawsuit Against 1in.am Seeking Protection of Their Business ReputationIDBank at the UBA Regional Conference: From Travel Solutions to Business OpportunitiesJoint statement by the parties consolidatted around the national agenda35% Discount for the 35th Anniversary on Selected IDBank CardsConverse Bank Expands Its International Capabilities Through Cooperation with Citibank N.A.Business loan pre-approval in five minutes — what did Unibank showcase in Gyumri?Converse Bank Expands Its International Capabilities Through Cooperation with Citibank N.A.Bratislava forum to debate Armenia’s strategic future Ucom Service Center in Artashat Reopens at a New Address Ucom and Republican Union of Employers of Armenia Sign Cooperation MemorandumCreate your Visa Digital from Unibank for purchases and transfers Ucom – Main Sponsor of the 21st International Microelectronics Olympiad IDBank and Idram Hold Financial Literacy Session for Young Chess PlayersUcom Supports Silicon Mountains 2026, Driving Innovation and Technological Development IDBank has issued perpetual coupon bonds for the first timeIDBank Supports the Reconstruction of the Spandaryan Canal: Commemorative Plaque Dedicated to the Project SignedIDBank and Idram Presented Several Environmental Initiatives at COP17Ucom Shares Its Experience in Private Sector Engagement in Nature Conservation at COP17 Blue Zone«Here’s the screenshot, the money has been transferred»: IDBank warns of fake payment scamsFirst Steps in Your Career with IDBank: 16th Cycle of IDream LaunchedDigital Architecture for a Sustainable Future: IDBank's Article in Regional Post MagazineRate.Trading. New Digital Culture of Currency ExchangeDigital Future and Sustainable Development: IDBank's Chairman of the Management Board in an Interview with ForbesApplications Now Open: Armenian Virtuosos International Academy-Festival 2027Book Published with Ucom’s Support Presented at COP17: “The Secret Path of Hovazadzor”Ucom Highlights the Role of Technology in Nature Conservation at COP17“The people of Stepanavan will show through their votes that every attempt to deceive them with videos is doomed to fail”: “Strong Armenia” Party With Ucom’s Support, SunChild Brings Cinema and Environmental Conservation TogetherYoung Musicians of the “Armenian Virtuosos” Program Perform in the COP17 A Birthday in Italy with UnibankIdram and IDBank Participated in the Opening of My Forest Armenia’s Pavilion at COP17Unibank Receives B++ Sustainability Alignment Rating from Agents for Impact GmbH Ucom Supported Yerevan Conservation Symposium 2026 as Strategic PartnerIDBank to Showcase Environmental and Innovative Initiatives at COP17New AI-Powered Wildlife Monitoring Camera Installed in Paruyr Sevak with the Support of Ucom35 Years of Trust: IDBank Celebrates with Its CustomersBusiness and mining leader Mark Cutifani to deliver keynote speech at the 3rd Mining Armenia Forum“From Classroom to Orbit”: With Ucom’s Support, “Space 1.0” Is Being Introduced in 15 Schools Across Armenia