Yerevan, 21.November.2026,
00
:
00
BREAKING

«Դու իմ ձեռքով ես գնալու… Անիծված լինի էն մայրը, որ քեզ է ծնել». Էքստրասենս Անի Մաջնունյանի մայրը՝ դստեր սպանության մեջ մեղադրվողին

LIFE

1in.am-ը գրում է.

Աջափնյակ և Դավթաշեն վարչական շրջանների ընդհանուր իրավասության դատարանում Վարդան Աբրահամյանի նախագահությամբ շարունակվեց էքստրասենս Անի Մաջնունյանի սպանության գործի դատական քննությունը:

Ավազակությամբ զուգորդված դիտավորյալ սպանության համար՝ ՀՀ քրեական օրենսգրքի 104 հոդվածի 2-րդ մասի 8-րդ կետով մեղադրվում է Մուշեղ Մխիթարյանը:

«Վեցերորդ զգայարան» հեռուստաշոուից հայտնի էքստրասենս Անի Մաջնունյանը սպանվել էր իր բնակարանում՝ դանակի բազմաթիվ՝ մոտ 50, այդ թվում՝ պարանոցին հասցված հարվածներով: Նրա դիակը հայտնաբերվել է 2015 թվականի օգոստոսի 5-ին: Նախորդ օրը՝ օգոստոսի 4-ին, ժամը 23-ի սահմաններում Անի Մաջնունյանին, ըստ գործի տվյալների, այցելել է սպանության համար մեղադրվող Մուշեղ Մխիթարյանը՝ «Յանուս» թատրոնի երիտասարդ ղեկավարը:

Դատարանում ցուցմունք տվեց ամբաստանյալ Մուշեղ Մխիթարյանը: Նա ասաց, որ առաջադրված մեղադրանքում իրեն մեղավոր չի ճանաչում:

Ըստ ամբաստանյալի՝ Անի Մաջնունյանին ճանաչել է մի քանի ամիս: Սկզբում զանգահարել ու հեռախոսազրույց է ունեցել նրա հետ: «Անին առանց ինձ տեսնելու նորմալ նկարագրեց իմ արտաքինը… Հետո հանդիպեցինք… Նա ինձ ասում էր՝ Միք…»:

Դեպքի օրվա իրադարձությունները ամբաստանյալը նկարագրեց ըստ իր «սցենարի»՝ ամենայն մանրամասնությամբ նկարագրելով իր տեղաշարժերը, միջանկյալ մեկնաբանություններ կատարելով, որոնք կապ չունեին սպանության հետ:
Ըստ ամբաստանյալի ներկայացրածի՝ դեպքի օրվա ուշ երեկոյան ինքն ու իր ընկերուհի Աննա Մ.-ն, ճիշտ է, եղել են Անի Մաջնունյանի բնակարանում, բայց երբ հեռացել են, Անին ողջ է եղել…
Ամբաստանյալի ցուցմունքի համաձայն՝ 2015 թվականի օգոստոսի 4-ին իր ընկերուհի Աննա Մ.-ն՝ այս գործով կարևորագույն վկա, ում ցուցմունքի համաձայն՝ Անիի տուն գնալիս Մուշեղն ասել է, որ գնում են Անիին սպանելու, ահա այդ Աննան, ըստ Մուշեղի՛ ցուցմունքի, իմանալով, որ ինքը գնում է էքստրասենս Անիի տուն, խնդրել-աղաչել է, որ միասին գնան: Աննան ցանկացել է, որ Անին իր համար բախտագուշակություն անի: Աննան ցանկացել է հենց Մուշեղի հետ գնալ, քանի որ բախտագուշակության համար Անին գումար էր ուզում, իսկ Աննան փող չուներ, մտածում էր՝ Մուշեղի հետ գնալու դեպքում Անին անվճար գուշակություն կանի՝ որպես Մուշեղի մտերմուհի:

Ըստ Մուշեղի՝ Աննան Անիի հետ ծանոթացել էր Բաղրամյան պողոտայում: Այդ օրերին ցույցեր էին այնտեղ, Անին ասել է, թե ուզում է մոտիկից տեսնել ցուցարարներին, Մուշեղի հետ գնացել է Բաղրամյան պողոտա, որտեղ նրանց է մոտեցել ու Մուշեղի միջոցով Անիի հետ ծանոթացել է Աննան:

Օգոստոսի 4-ին Մուշեղը սկզբում չի ցանկացել Աննային իր հետ տանել Անիի տուն: Բայց քանի որ Աննան շատ է խնդրել, Մուշեղը զանգել է Անիին ու ասել է, թե հետը մի աղջկա է տանելու, ով ուզում է լսել Անիի գուշակությունը:

Անին սկզբում ասել է, թե ուշ է, ինքը «էկրանային տեսք չունի», բայց ի վերջո չի մերժել Մուշեղի խնդրանքը:

Երբ Մուշեղն ու Աննան մտել են Անիի շքամուտք, Աննան Մուշեղի հետ բնակարան չի բարձրացել, նա մնացել է շքամուտքում, որ ծխի: «Էդ էր պակաս՝ ես կանգնեի պադեզդում, մինչև ինչ-որ աղջիկ ծխեր»,- ասաց Մուշեղը:

Նա միայնակ մտել է Անիի տուն, տեսել է, որ Անիի տանը մի աղջիկ կա, հասկացել է, որ հաճախորդ է:

Մի քանի րոպե անց եկել է Աննան, դուռը բացել է Անին. «Իրար կեղծ ժպտացին, Աննան ներս եկավ»:

Զրուցել են դեսից-դենից, պաղպաղակ են կերել, անծանոթ աղջիկը գնացել է: Երբ Անին պետք է գուշակեր Աննայի համար, Մուշեղը, Անիի խնդրանքով, մտել է ննջարան, որ չխանգարի:
Հետո Անին ձայն է տվել՝ «Մխիթար»՝ այդ անունով կանչելով Մուշեղին: Անին կիթառը հանել, երգել է, Աննան էլ հուզվել և նույնպես երգել է: Ընթացքում, ըստ Մուշեղի, Աննան մի քանի անգամ սենյակից դուրս է եկել՝ իբր հեռախոսով խոսելու: Մուշեղի կարծիքով՝ նա գնում էր ծխելու:

Ի վերջո, Անին ասել է, թե հաջորդ օրը շուտ պիտի արթնանա: Մուշեղը խնդրել է, որ արթնանալուն պես իրեն էլ արթնացնի: Եվ Աննայի հետ դուրս է եկել Անիի տանից:

Տաքսի են նստել, գնացել են Մուշեղի շենքի մոտ: Աննան ցանկացել է այդ գիշեր մնալ Մուշեղի բնակարանում: Շենքին մոտենալիս Մուշեղը նկատել է, որ երկու երիտասարդ հետևում են իրենց: Նրանք մոտեցել են Մուշեղին, ասել են, որ նա ինչ-որ բան սխալ է արել: Այդ երիտասարդների մոտենալը Մուշեղը սկզբում «հարձակում» անվանեց, բայց երբ հիշեցրին, որ նա մարմնական վնասվածք չի ստացել, իրավապահներին հաղորդում չի ներկայացրել, ասաց, թե «հարձակում» ասելով՝ նկատի ունի, որ այդ երիտասարդները իրեն հետևել ու սպառանալով խոսել էին: Բացի այդ, ավելի վաղ «խակերները» հարձակվել ու «կոտրել էին» իր կայքէջը…

Այնուհետև Մուշեղը Աննայի հետ գնացել է իր բնակարան, բայց գիշերվա այդ ուշ ժամին՝ ժամը երեքի-չորսի սահմաններում, նա թակել է հարևան Էդգարի դուռը, արթնացրել է նրան, ասել է, թե իրեն վատ է զգում, խնդրել է, որ Էդգարը բարձրանա իր բնակարան:

Էդգարը եկել, նստել է Աննայի կողքին: Մուշեղը գնացել է քնելու, իսկ Էդգարն ու Աննան «դուռակ» են խաղացել, աղմկել են, ինչի պատճառով Մուշեղը նրանց դիտողություն է արել…

Հաջորդ օրը Աննան մնացել է Մուշեղի կողքին: Միասին գնացել են խանութ, Մուշեղը իր համար մայկա է գնել՝ տեսնելով, որ վերնաշապիկի օձիքը կեղտոտ է: Ապա գնացել են Հանրապետության հրապարակի սրճարաններից մեկը, որտեղ Մուշեղը հանդիպում ուներ իր ընկերուհի Լիլիթի հետ:

Աննան նստել է մեկ այլ սեղանի մոտ, հաճախ վեր է կացել, հեռացել, հետո վերադարձել, մինչ Մուշեղը խոսել է Լիլիթի հետ:

Լիլիթին ճանապարհելով՝ Մուշեղը ևս մի հանդիպման է գնացել՝ իր թատրոնում աշխատած Արամի հետ, ով երբեմն նրա պիեսները նաև խմբագրում էր: Ահա հիմա էլ Արամի հետ պիտի հանդիպեր, որ սպանության վերաբերյալ մի պիեսում փոփոխություններ կատարեին: Այդ պատճառով է Արամի հետ խոսել սպանության ու դրանից հետո հետքերը վերացնելու մասին: Արամը հարցրել է՝ ո՞ւմ է սպանում հերոսը, Աննան էլ վրա է բերել՝ ասենք ՝ սիրուհուն…

Արամի հետ հանդիպումից հետո Աննան խնդրել է, որ ինչ-որ գերեզմանատուն գնան: Նա Անիի խորհրդով պետք է ինչ-որ ծես կատարեր՝ այրեր իր հանգուցյալ հայրիկի շորերից: Հայրիկի շորերն էլ նա տնից վերցրել էր այն ընթացքում, երբ Մուշեղը Լիլիթի հետ նստած էր սրճարանում:

Մուշեղը, քանի որ գերեզմանների «մասնագետ» չէ, Աննային տարել է իր իմացած գերեզմանատունը՝ Նորագավիթի մոտակայքում, որտեղ թաղված է իր մայրը: Թե Աննան այնտեղ ինչ շորեր ու առարկաներ է այրել, ըստ Մուշեղի՝ ինքը չի տեսել, ինքը գնացել է մայրիկի շիրիմին այցի:

Գերեզմանատնային «ծեսից» հետո, երբ Մուշեղը պատրաստվել է տուն գնալ, նրան զանգահարել է ծանոթուհի Անի Զ.-ն ու հայտնել է, որ Անի Մաջնունյանին սպանել են: «Ես ծիծաղեցի, հումորով վերաբերվեցի, քանի որ դրանից առաջ գրել էին, թե ես եմ մահացել սրտի կաթվածից: Մտածեցի՝ Անիի մասին էլ են սուտ գրել…»:

Մուշեղը նշեց, թե կային մարդիկ, ում հետ Անին խնդիրներ ուներ: Իր վրա կատարված «հարձակումը», իր կայքը «կոտրելը» ու Անիի սպանությունը Մուշեղը մի ընդհանուր գործի շրջանակներում էր տեսնում…

Անի Զ.-ին Մուշեղն ասել է, թե Անիի սպանությունից հետո հաջորդը իրեն են սպանելու: Ապա ասել է՝ քանի որ ինքը սպանության օրը վերջինն է տեսել Անիին, իրեն, երևի, կասկածեն…

Մուշեղը կողմերի հարցերին պատասխանելով՝ ասաց, թե ինքը սեռական կապ է ունեցել Աննա Մ.-ի հետ, բայց նրան չի սպառնացել, թե այդ մասին կհայտնի նրա մայրիկին ու նախկին ընկերոջը, ու Աննային չի ստիպել իր հետ գնալ Անի Մաջնունյանին սպանելու: Այնուամենայնիվ, հեռախոսով խոսելով Աննայի հետ, Մուշեղը նրան կարգադրել է տանից հետը դանակ վերցնել, ու Աննան վերցրել է…

Աննա Մ.-ն հայտնել է, թե հասնելով Անի Մաջնունյանի շենքի բակ, ինքը վերջին պահին վախեցել է գնալ բնակարան, նստել է բակի զրուցարանում, սպասել է, ապա մի պահի վեր է կացել, բարձրացել է Անիի բնակարան ու տեսել է Անիի արնաշաղախ մարմինը…

Մուշեղը Աննայի ցուցմունքները սուտ անվանեց, ենթադրեց, թե նա միգուցե, ցանկացել է «ինչ-որ մարդկանց կոծկել…»: Անիի բնակարանում եղել է Աննայի ծխախոտի քնթուկը: Աննան ճանաչել է Անիի հեռախոսը, ասել է, թե նրա տանը տեսած կլինի, բայց ինչպե՞ս տեսավ, եթե Անիի տուն չի բարձրացել…

Տուժողի իրավահաջորդը՝ Անի Մաջնունյանի մայրը, ամբաստանյալին քաղհայցի պահանջ է ներկայացնում՝ 5 միլիոն դրամի չափով: Ըստ նրա՝ այդքան գումար անհետացել է Անիի տանից՝ չհաշված ոսկեղենը, որ ենթադրյալ մարդասպանը կապել է թաշկինակի մեջ ու հափշտակել է, ապա նվիրել է Աննային, վերջինս ոսկե զարդեր է ներկայացրել նախաքննական մարմնին՝ ասելով, թե Մուշեղի կողմից են նվիրված…

Անի Մաջնունյանի մայրը պոռթկաց ու ամբաստանյալին ասաց. «Ո՞վ ա էղել քեզ հետ, հանցակիցներիդ անուններն ասա, մի՛ ստիր, ո՞ւմ պատվերն ես կատարել, ասա՛, ես չեմ մեռնելու, դու իմ ձեռքով ես գնալու… Անիծված լինի էն մայրը, որ քեզ է ծնել…»:

Մուշեղ Մխիթարյանը հակադարձեց. «Դուք եք հանցագործը, որ ինձնից հինգ միլիոն եք պահանջում…»:

Դատական նիստի ավարտին ամբաստանյալը հանդես եկավ հայտարարությամբ. «Պաշտպանական հարցերով այսուհետև զբաղվելու եմ ինքնուրույն»: Նա հրաժարվեց իր շահերի պաշտպան, հանրային պաշտպանի գրասենյակի փաստաբան Մարինե Ֆարմանյանի ծառայություններից:

Նախագահողը հիշեցրեց, որ կարևոր փուլում է դատաքննությունը՝ հաջորդ նիստին ապացույցները պետք է հետազոտվեն:

Ամբաստանյալը մնաց անդրդվելի ու հրաժարվեց պաշտպանից՝ ավելացնելով, որ գոհ է իր պաշտպանի աշխատանքից, բայց սրանից հետո ուզում է ինքն իրեն պաշտպանել:

Ամբաստանյալը հայտարարեց նաև, թե լսել է՝ հաղորդում է նկարահանվում Անի Մաջնունյանի սպանության մասին. «Ո՛չ դատավճիռ կա, ո՛չ բան, ի՞նչ հաղորդում»,- դժգոհեց նա:

Մուշեղ Մխիթարյանը դատարանի դահլիճ էր ներկայացել ձեռնափայտով, ցուցմունքներ տալու ամբողջ ընթացքում նա թատերական կեցվածքով հենված էր ձեռնափայտին և վերջում էլ ասաց, թե ոտքերը հոգնել են…

Ucom and Impact Hub Yerevan Wrap Up the Third Edition of Their Green Entrepreneurship Program SoftConstruct and the French University in Armenia Sign A New Memorandum of UnderstandingIDBank to Present a Unified Ecosystem Concept at DigiTec 2026Ucom Supports Annual Mini Whoop Drone Racing Armenia 2026 Competition in YerevanIDBank Presents the Rate.Trading Digital Platform at Toon Expo.Invest 2026The Second Khachaturian International Youth Competition Concludes at China National Opera House Under the Artistic Direction of Sergey Smbatyan "The network this time for COP17 was the most one of exceptional network we have ever had." The service quality by Team was highly appreciated by UN representative Rate.Trading: Large Transactions with Digital Management of Exchange Rate RisksVIVA Foundation Named November Beneficiary of “The Power of One Dram”Special Mortgage Offers: IDBank at Toon Expo: Invest 2026Vahe and Vigen Badalyan File Lawsuit Against 1in.am Seeking Protection of Their Business ReputationIDBank at the UBA Regional Conference: From Travel Solutions to Business OpportunitiesJoint statement by the parties consolidatted around the national agenda35% Discount for the 35th Anniversary on Selected IDBank CardsConverse Bank Expands Its International Capabilities Through Cooperation with Citibank N.A.Business loan pre-approval in five minutes — what did Unibank showcase in Gyumri?Converse Bank Expands Its International Capabilities Through Cooperation with Citibank N.A.Bratislava forum to debate Armenia’s strategic future Ucom Service Center in Artashat Reopens at a New Address Ucom and Republican Union of Employers of Armenia Sign Cooperation MemorandumCreate your Visa Digital from Unibank for purchases and transfers Ucom – Main Sponsor of the 21st International Microelectronics Olympiad IDBank and Idram Hold Financial Literacy Session for Young Chess PlayersUcom Supports Silicon Mountains 2026, Driving Innovation and Technological Development IDBank has issued perpetual coupon bonds for the first timeIDBank Supports the Reconstruction of the Spandaryan Canal: Commemorative Plaque Dedicated to the Project SignedIDBank and Idram Presented Several Environmental Initiatives at COP17Ucom Shares Its Experience in Private Sector Engagement in Nature Conservation at COP17 Blue Zone«Here’s the screenshot, the money has been transferred»: IDBank warns of fake payment scamsFirst Steps in Your Career with IDBank: 16th Cycle of IDream LaunchedDigital Architecture for a Sustainable Future: IDBank's Article in Regional Post MagazineRate.Trading. New Digital Culture of Currency ExchangeDigital Future and Sustainable Development: IDBank's Chairman of the Management Board in an Interview with ForbesApplications Now Open: Armenian Virtuosos International Academy-Festival 2027Book Published with Ucom’s Support Presented at COP17: “The Secret Path of Hovazadzor”Ucom Highlights the Role of Technology in Nature Conservation at COP17“The people of Stepanavan will show through their votes that every attempt to deceive them with videos is doomed to fail”: “Strong Armenia” Party With Ucom’s Support, SunChild Brings Cinema and Environmental Conservation TogetherYoung Musicians of the “Armenian Virtuosos” Program Perform in the COP17 A Birthday in Italy with UnibankIdram and IDBank Participated in the Opening of My Forest Armenia’s Pavilion at COP17Unibank Receives B++ Sustainability Alignment Rating from Agents for Impact GmbH Ucom Supported Yerevan Conservation Symposium 2026 as Strategic PartnerIDBank to Showcase Environmental and Innovative Initiatives at COP17New AI-Powered Wildlife Monitoring Camera Installed in Paruyr Sevak with the Support of Ucom35 Years of Trust: IDBank Celebrates with Its CustomersBusiness and mining leader Mark Cutifani to deliver keynote speech at the 3rd Mining Armenia Forum“From Classroom to Orbit”: With Ucom’s Support, “Space 1.0” Is Being Introduced in 15 Schools Across ArmeniaAfeyan Initiatives for Armenia Awards Grant to the Armenia Education Initiative to Expand the Teach For Armenia’s Seroond School Turnaround Program Ucom to Participate in COP17 Together with FPWC, Showcasing Their Environmental Partnership