Yerevan, 20.November.2026,
00
:
00
BREAKING

Մերի Շահինյան. «Ես կրեատիվ մայրիկ եմ

LIFE

Blognews.am-ը գրում է.

Հաղորդավարուհի Մերի Շահինյանը մոտ մեկ ու կես տարի առաջ ամուսնացավ: Այսօր արդեն նա մայրիկ է, ուշադիր, հոգատար, մի քիչ անհանգիստ մայրիկ: Փոքրիկ Միքայելը գրեթե 4 ամսական է: Մայրանալուց հետո բացառիկ հարցազրույցը և որդու առաջին լուսանկարները Մերին վստահել է BlogNews-ին:)

IMG_5216 copy

-Մերի, որդիդ՝ Միքայելը գրեթե 4 ամսական է: Ի՞նչ է փոխվել նրա ծննդից հետո:

-Մինչ երեխայի ծնունդը անհնար է պատկերացնել այդ մեծ երջանկությունը, որը համեմված է շատ մեծ պատասխանատվությամբ և պարտականություններով: Փոքրիկի ծնունդը գլխիվայր ամեն ինչ շրջեց: Մինչ ծնող դառնալը բոլորն էլ որոշակի ծրագրեր են կազմում, սակայն պլանավորումը հեշտ է, իրագործելն է դժվար։ Օրինակ՝ ես ծրագրում էի նույն տեմպով աշխատել, և ճիշտ պլանավորման դեպքում, վստահ էի, որ մեծ փոփոխություններ չեն լինի: Բայց իրականությունն այլ է։ Փոքրիկը պահանջում է, որ ամբողջ ժամանակդ իրեն տրամադրես և, բնականաբար, ոչինչ համարժեք չէ նրան: Ու եթե կա ընտրություն՝ ինչ-որ տեղ գնալ կամ մնալ փոքրիկի հետ, դեռևս չեմ կարող ընտրություն կատարել հօգուտ ինձ: Ամուսինս՝ ևս:

-Ամուսնությունից մոտ 1 ,5 տարի հետո արդեն ունեք Միքայելին: Շատ զույգեր նախընտրում են միասին վայելել կյանքը, հետո երեխա ունենալ:

-Մենք նման խնդիր չենք ունեցել: Ես և ամուսինս շատ եք ճանապարհորդել, հիմա էլ նույնը երեքով ենք պատրաստվում անել: Փոքրիկին երբևէ չենք նայել որպես ազատության խոչընդոտ:

15127580_1312082115501116_229495538_o copy

- Մերի, ո՞ր փուլում սկսեցիր լիովին գիտակցել, որ մայրիկ ես:

-Ամբողջ հղիության ընթացքում ես շատ զգույշ էի, այդ փուլում երջանկությունը և անհանգստությունը միախառնվում են: Երբ փոքրիկս ծնվեց, մի քանի օր մի փոքր դժվար էր: Մի խոսք կա, երբ երեխան լացում է կամ ինչ-որ բանի կարիք ունի, նրան հանգստացնում ես՝ ասելով, թե մայրիկը շուտով կգա ու բոլոր խնդիրները կլուծի, մեկ էլ հասկանում ես, որ մայրիկը դու ես :)

-Ինչպիսի՞ մայրիկ ես:

-Ես ավելի շատ կրեատիվ մամա եմ: Փորձում եմ յուրաքանչյուր գործողություն երեխայի հետ անել: Մեր օրը շատ ուրախ է սկսվում, անընդհատ շփվում ենք միմյանց հետ: Կարծում եմ՝ շատերի խնդիրն այն է, որ իրենք չեն խոսում իրենց երեխաների հետ՝ մտածելով, թե երեխան փոքր է, չի հասկանա: Ես փորձում եմ խոսել ու լսել իմ երեխային:

IMG_4825 copy

- Երեխայի դաստիարակության հարցում ի՞նչ սկզբունքներով ես առաջնորդվում:

- Երեխայի բնավորությունը մինչև երեք տարեկան է կազմավորվում, իսկ դաստիարակվում է ամբողջ կյանքի ընթացքում: Ինձ նախապատրաստում եմ, որ որոշակի ժամանակ անց մեր ցանկությունները կարող են և չհամընկնել: Բացի այդ՝ ես տեսակով խիստ չեմ: Ես ուզում եմ երեխայիս համար հետաքրքրությունների լայն սպեկտոր ստեղծել, որպեսզի նա կարողանա ընտրություն կատարել: Մինչ Միքայելի ծնվելը, ինչպես յուրաքանչյուր ապագա մայրիկ, «պետք է»-ների ցուցակ ունեի, այժմ ավելի ինտուիտիվ եմ շարժվում: Յուրաքանչյուր մայր հասկանում է իր երեխային: Օրինակ՝ կա կարծիք, որ երեխան չպետք է փորիկի վրա քնի: Ես գիտեմ, որ տղաս այդպես է իրեն լավ զգում և հանգիստ քնում: Մենք նորմայի մեջ չենք մտնում կամ գուցե մտնում ենք, չգիտեմ, ամեն դեպքում ես չեմ փորձում փոխել դա: Սխալ է ինչ-որ բան ստիպելը:

- Անփորձությունը բարդություններ ստեղծե՞լ է փոքրիկի խնամքի հարցում, թե՞ մայրական բնազդն իր գործն անում է:

- Երբ երեխան ծնվում է, շատ ես վախենում: Մի քանի ժամ անց այդ ամենը վերանում է․ բնությունն է այդպես ստեղծել կանանց, ամեն բան ինքն իրեն ստացվում է։  

Ինձ առաջարկում էին դիմել դայակի օգնությանը: Ես երկար տատանվում էի, մինչև հիմա էլ դեռ չունեմ որոշում: Ամեն դեպքում երեխայի ծնվելուց առաջ վստահ էի, որ դայակի օգնությանը կդիմեմ: Այժմ պատրաստ չեմ ոչ ոքի վստահել իմ փոքրիկին:

- «Կտոր մը Հայաստանի» երկրորդ եթերաշրջանն արդեն սկսվել է: Ինչպե՞ս ես համատեղում, ո՞ւմ խնամքին ես թողնում փոքրիկին:

- Ես այժմ իմ ուժերի 20 տոկոսով եմ աշխատում: «Կտոր մը Հայաստանի» նկարահանումների մի մասն ամռանն էի արել, ընդհուպ մինչև 8,5 ամսական: Ամեն դեպքում, դա չի կարելի համեմատել Կենտրոնական բանկի իմ աշխատանքի կամ իմ ուղիղ եթերների նախկին տեմպի հետ:

Նկարահանումների գնալիս էլ որդուս թողնում եմ կա՛մ ամուսնուս, կա՛մ մայրիկիս խնամքին:

-Ամուսինդ շա՞տ է օգնում քեզ:

-Այո՛, իմ առօրյան հոգսաշատ չէ, որովհետև ես մենակ չեմ: Շատերը զարմանում են, որ երեխան ամուսնուս մոտ է, իսկ ես նկարահանման եմ գնում:

IMG_4878 copy

- Երբ ընտանիքում նոր անդամ է ավելանում, նաև դերերի վերաբաշխում է լինում: Միքայելի ծննդից հետո քո և ամուսնուդ հարաբերությունները փոխվե՞լ են:

- Միայն այն, որ երկուսս էլ ամբողջ սերն ու հոգատարությունը փոքրիկին ենք նվիրում: Մենք շատ լավ ընտանիք ունենք, նաև՝ շատ լավ ընկերներ ենք: Միշտ է այդպես եղել: Իսկ երեխան ընտանիքը լիարժեք է դարձնում: Մնացածը, կարծում եմ, ուղղակի կարծրատիպեր են: Դրա համար չեմ կարող ասել՝ երեխան ավելի է միավորել մեզ,  միշտ ենք այդպես եղել:

- Մերի, դու ցանկանում էիր դուստր ունենալ: Ինչպե՞ս արձագանքեցիր, երբ իմացար, որ որդի ես ունենալու:

- Ես վստահ էի, որ աղջիկ եմ ունենալու, նույնիսկ աղջկա անուն էի որոշել, հագուստ էի ընտրում: Զարմացել էի, երբ իմացա, որ որդի եմ ունենալու: Այժմ այնքան երջանիկ եմ, որ տղայի մայր եմ: Երեխաների մեջ սեռի տարբերություն չկա:

- Հիմա մտածո՞ւմ ես երկրորդ երեխայի մասին:

- Իհարկե, կցանկանամ, բայց դա Աստծո կամքով պետք է լինի: Կնոջ համար ամենակարեւոր ու հաճելի դերը կին և մայր լինելն է։

 

IMG_5186 copy

- Ամուսնությունից հետո շա՞տ ես փոխվել:

- Ավելի տնակյաց եմ դարձել: Միգուցե դրսում շատ ավելի մեծ իրադարձություններ կան, սակայն ինձ համար ավելի հետաքրքիր են իմ տան եղանակն ու մթնոլորտը: Բնականաբար, նաև ինչ-որ արժեքներ են փոխվում: Ընդհանրապես չեմ հավատում մարդկային մեծ փոփոխություններին, շտկումներին՝ այո, փոփոխություններին՝ ոչ:

- Դու և ամուսինդ հե՞շտ եք գնում զիջումների:

- Ամուսնությունը չպետք է հիմնված լինի զիջումների ու կոմպրոմիսների վրա: Ամեն զիջում նորն է բերում: Միևնույն ժամանակ, կա հակառակ կողմը` եթե դու ոչինչ չես զիջում, քեզ էլ չեն զիջում: Մենք որոշ հարցերում փորձում ենք գալ ընդհանուր հայտարարի: Երբ կա միմյանց հասկանալու ցանկություն, կարող ես պայմանավորվածություն ձեռք բերել ցանկացած հարցի վերաբերյալ:

-1,5 տարվա ամուսնական կյանքում զիջումների կարիք չի՞ եղել:

-Մեզ մոտ ամեն ինչ շատ սահուն է գնացել: Ամուսինս ցանկանում էր, որ ես տեղափոխվեմ Գերմանիա, բայց ես բացատրեցի, որ դա դեռևս դժվար որոշում է ինձ համար: Ամուսինս համաձայնեց ինքը գալ Երևան: Այժմ, կարծում եմ, տարվա մի մասը այստեղ, մյուս մասն այնտեղ կանցկացնենք: Միմյանց զիջեցինք, պարզվեց՝ այսպես ավելի լավ է:

2016-11-17 03.17.29 2 copy

- Շատերը փորձում են մեկնել արտերկիր, հնարավորության դեպքում այնպես անել, որ իրենց երեխան դրսում ծնվի: Դու ունեիր այդ հնարավորությունը, սակայն չընտրեցիր: Ի՞նչն է քեզ պահում Հայաստանում:

- Ես շատ էի ցանկանում, որպեսզի տղաս Հայաստանում ծնվի: Եթե ասեմ՝ շատ սիրում եմ իմ երկիրը, կարող է ամպագոռգոռ հնչել, բայց իմ ամբողջ կյանքն այստեղ է անցել, իմ ծնողներն ու հարազատներն այստեղ են: Ինձ համար դժվար է այդպիսի փոփոխությունը: Բացի դրանից՝ երբեք ինքդ քեզնից չես փախչի: Եթե էստեղ ոչինչ չես կարողանում անել, վստահ եմ, դրսում էլ չես կարողանա: Ինձ համար ամենահաջող տարբերական այն է, որ ես որոշ ժամանակ բնակվեմ Հայաստանում, որոշ ժամանակ՝ արտերկրում: Ամեն դեպքում, տղայիս առաջին Ամանորը արտերկրում կանցկացնենք:

- Ամուսինդ հե՞շտ ադապտացավ հայկական իրականությանը:

- Շատ արագ: Նա փայլուն խոսում է հայերեն: Ինձանից լավ գիտի՝ Երևանում ինչը որտեղ է: Երբեմն ինձ թվում է, որ նա է այստեղ մեծացել, ոչ թե ես:)

-Ամեն դեպքում վեճերը նորմալ երևույթ են յուրաքանչյուր ընտանիքում: Ինչի՞ վերաբերյալ կարող եք տարաձայնություններ ունենալ:

-Իսկապես, չենք ունենում վեճեր: Միգուցե կենցաղային մակարդակի փոքր մի բան լինի, սակայն հիմա նույնիսկ չեմ կարողանում հիշել:

2016-11-12 03.54.53 1

- Ինչպե՞ս եք կարողացել ստեղծել համերաշխ ընտանիքի մոդելը:

- Եթե ասեմ՝ դա մենք ենք ստեղծել, կստեմ: Կարծում եմ՝ դա իմ ամուսնու ծնողների, իմ ծնողների տված դաստիարակությունն է: Սակայն խելացի կինը գիտի՝ երբ է պետք լռել: Երևի թե բալանսը պահելու մեջ է: Չգիտեմ՝ որն է գրավականը, հարաբերություններն են թելադրում:

- Դուք ծնողներից առանձին եք ապրում: Նորաստեղծ ընտանիքի համար որքանո՞վ ես կարևորում առանձին ապրելը:

- Եթե նորաստեղծ ընտանիքը ունի հնարավորություն առանձին բնակվելու, այդպես պետք է անել:

- Մերի, ե՞րբ ես պատրաստվում վերադառնալ աշխատանքի նախկին տեմպով:

- Հեռուստատեսությունը երբևէ բաց չի թողնում ինձ: Ես շատ եմ սիրում իմ աշխատանքը: «Կտոր մը Հայաստանի» նոր եթերաշրջանն արդեն մեկնարկել է, առաջիկա կես տարվա ընթացքում միայն դա կլինի: Շատ եմ կարոտել լուրերի մեկնաբանի աշխատանքը, 11 տարվա ուղիղ եթերի փորձը հանգիստ չի տալիս ինձ: Այն միշտ քեզ զգոն է պահում, սակայն դեռ պատրաստ չեմ նույն տեմպին վերադառնալ: Ուղիղ եթերը որոշակի կանոններ է թելադրում:  Փոքրիկս մի փոքր մեծանա, նոր կմտածեմ այդ տեմպին վերադառնալու մասին: Հեռուստադիտողների հետ դեռևս կհանդիպեմ միայն «Կտոր մը Հայաստանի» ֆորմատով:

Հարցազրույցը՝ Ամալյա Հովհաննիսյանի

Լուսանկարները՝ Կարեն Հովհաննիսյանի

Արտ-տնօրեն՝ Կարեն Անտինյան

Զգեստները՝ Արփինե Կոշտոյանի

Դիմահարդարումը և վարսահարդարումը՝ «Սերգեյ Զվերև» վարսահարդարման սրահի

Ձեռագործ խաղալիքը՝ «Իլիկ» խանութ-սրճարանի

IDBank to Present a Unified Ecosystem Concept at DigiTec 2026Ucom Supports Annual Mini Whoop Drone Racing Armenia 2026 Competition in YerevanIDBank Presents the Rate.Trading Digital Platform at Toon Expo.Invest 2026The Second Khachaturian International Youth Competition Concludes at China National Opera House Under the Artistic Direction of Sergey Smbatyan "The network this time for COP17 was the most one of exceptional network we have ever had." The service quality by Team was highly appreciated by UN representative Rate.Trading: Large Transactions with Digital Management of Exchange Rate RisksVIVA Foundation Named November Beneficiary of “The Power of One Dram”Special Mortgage Offers: IDBank at Toon Expo: Invest 2026Vahe and Vigen Badalyan File Lawsuit Against 1in.am Seeking Protection of Their Business ReputationIDBank at the UBA Regional Conference: From Travel Solutions to Business OpportunitiesJoint statement by the parties consolidatted around the national agenda35% Discount for the 35th Anniversary on Selected IDBank CardsConverse Bank Expands Its International Capabilities Through Cooperation with Citibank N.A.Business loan pre-approval in five minutes — what did Unibank showcase in Gyumri?Converse Bank Expands Its International Capabilities Through Cooperation with Citibank N.A.Bratislava forum to debate Armenia’s strategic future Ucom Service Center in Artashat Reopens at a New Address Ucom and Republican Union of Employers of Armenia Sign Cooperation MemorandumCreate your Visa Digital from Unibank for purchases and transfers Ucom – Main Sponsor of the 21st International Microelectronics Olympiad IDBank and Idram Hold Financial Literacy Session for Young Chess PlayersUcom Supports Silicon Mountains 2026, Driving Innovation and Technological Development IDBank has issued perpetual coupon bonds for the first timeIDBank Supports the Reconstruction of the Spandaryan Canal: Commemorative Plaque Dedicated to the Project SignedIDBank and Idram Presented Several Environmental Initiatives at COP17Ucom Shares Its Experience in Private Sector Engagement in Nature Conservation at COP17 Blue Zone«Here’s the screenshot, the money has been transferred»: IDBank warns of fake payment scamsFirst Steps in Your Career with IDBank: 16th Cycle of IDream LaunchedDigital Architecture for a Sustainable Future: IDBank's Article in Regional Post MagazineRate.Trading. New Digital Culture of Currency ExchangeDigital Future and Sustainable Development: IDBank's Chairman of the Management Board in an Interview with ForbesApplications Now Open: Armenian Virtuosos International Academy-Festival 2027Book Published with Ucom’s Support Presented at COP17: “The Secret Path of Hovazadzor”Ucom Highlights the Role of Technology in Nature Conservation at COP17“The people of Stepanavan will show through their votes that every attempt to deceive them with videos is doomed to fail”: “Strong Armenia” Party With Ucom’s Support, SunChild Brings Cinema and Environmental Conservation TogetherYoung Musicians of the “Armenian Virtuosos” Program Perform in the COP17 A Birthday in Italy with UnibankIdram and IDBank Participated in the Opening of My Forest Armenia’s Pavilion at COP17Unibank Receives B++ Sustainability Alignment Rating from Agents for Impact GmbH Ucom Supported Yerevan Conservation Symposium 2026 as Strategic PartnerIDBank to Showcase Environmental and Innovative Initiatives at COP17New AI-Powered Wildlife Monitoring Camera Installed in Paruyr Sevak with the Support of Ucom35 Years of Trust: IDBank Celebrates with Its CustomersBusiness and mining leader Mark Cutifani to deliver keynote speech at the 3rd Mining Armenia Forum“From Classroom to Orbit”: With Ucom’s Support, “Space 1.0” Is Being Introduced in 15 Schools Across ArmeniaAfeyan Initiatives for Armenia Awards Grant to the Armenia Education Initiative to Expand the Teach For Armenia’s Seroond School Turnaround Program Ucom to Participate in COP17 Together with FPWC, Showcasing Their Environmental Partnership“The Golden Hour”: IDBank explains how to respond effectively to a scam attackNelli Kocharyan Presents Converse Bank’s Vision for Development of International Relations at the BACEE Conference