Քաղաքական հենարանով վարչապետն առավել վստահ կգործի

Հարցազրույց Գառնիկ Իսագուլյանի հետ.

– Պարոն Իսագուլյան, վարչապետ Կա­րեն Կարապետյանը դիմում է ներկայացրել Հայաստանի Հանրապետական կուսակցու­թյանն անդամակցելու համար: Դա ինչո՞վ էր պայմանավորված, կա՞ր դրա անհրաժեշ­տությունը:

– Որևէ քաղաքական կուսակցության ան­դամագրվելը, նոր կուսակցություն ստեղծելը Հայաստանի Հանրապետության ցանկացած քաղաքացու իրավունքն է, այդ թվում նաև` ՀՀ վարչապետ Կարեն Կարապետյանի: Եվ եթե նա որոշել է անդամակցել այդ կուսակցու­ թյանը, ապա որևէ մեկը դրան առարկելու իրավունք չունի: Որևէ արտառոց և տարօրի­ նակ բան ես չեմ տեսնում:

– Այն խնդիրների առավել արդյունավետ կատարման համար, որոնք վարչապետը դրել էր իր առջև, չկա՞ր դրա անհրաժեշտու­թյունը:

– Բնականաբար ցան­կացած կառավարու­թյուն պետք է ունենա քաղաքական հենարան: Սա ևս ճշմարտություն է: Նպատակահարմար է համարվել, որ այդ հենա­րանը լինի Հանրապե­տական կուսակցությու­նը: Բացի այդ, հանրա­պետության նախագահ Սերժ Սարգսյանը, երբ անդրադառնում էր Հա­յաստանում սպասվելիք փոփոխություններին, ակնարկ էր արել, որ լուրջ փոփոխությունների կարիք ունի նաև հենց հանրապետական կու­սակցությունը: Եվ կարծում եմ, որ այս թեմայով քննարկումը եղել է նաև Կարեն Կարապետյա­նի հետ նրան վարչապետ նշանակելու նախա­շեմին: Եվ չի բացառվում, որ այդ փոփոխու­թյունների սկիզբը պայմանավորված է նաև նրանով, որ Հանրապետական կուսակցությու­նը կարիք ունի նոր, թարմ ներարկումների` նոր մտածողության մարդկանց տեսքով:

– Իսկ ինչ–որ բան կփոխվի՞ վարչապետի գործունեության մեջ. այժմ ի՞նչ կարող է անել, որ նախկինում չէր կարող: Նկատի ունեմ կկարողանա՞ առավել արդյունավետ պայքարել մենաշնորհների դեմ, օլիգար­խիկ համակարգի դեմ …

– Ես չգիտեմ, թե ծրագրային ինչպիսի հստակ խնդիրներ պետք է իրականացնի Կարեն Կարապետյանը Ձեր նշած առումներով: Բայց նրա անդամագ­րումը հանրապետա­կան կուսակցությանը, որն այսօր իշխող քա­ղաքական ուժն է, որը մեծամասնություն ունի խորհրդարանում, որի ներկայացուցիչն է նաև հանրապետության նախագահը, կնշանակի, որ վարչապետը ուղղակի նաև կարող է մաս­նակցել հանրապետական կուսակցության խորհրդի նիստերին և այս կուսակցության ներսում տեղի ունեցող այլ միջոցառումներին ու հստակ ասել իր տեսակետը, դրանք կյան­քի կոչել նաև հենց կուսակցության շնորհիվ: Այդ առումով, բնականաբար, նրա գործունե­ության դաշտը լայնանում է:

– Իսկ դիմադրության չի՞ հանդիպի կու­սակցության որոշ անդամների կողմից, երբ արդեն դիմի կտրուկ քայլերի:

– Ելնելով կանխավարկածից` ես կարծում եմ, որ այս կարգի հարցերը նրա հետ քննարկ­վել են ՀՀ նախագահի հետ: Եվ չի բացառվում, որ հենց ՀՀ նախագահի ցանկությունն է նաև թարմություն մտցնել կուսակցության մեջ և այնտեղ ընթացող քննարկումները և այլ կարգի շատ խնդիրներ որակական առումով փոխել: Համենայն դեպս, ես կարծում եմ, որ հանրապետության նախագահի կողմից դի­ մադրություն չի լինի, իսկ նա բավականին մեծ ազդեցություն ունի կուսակցության ներսում: Այնպես որ, եթե ամեն ինչ համաձայնեցվում է հանրապետության նախագահի հետ, ապա որևէ խոչընդոտ չի կարող լինել:

– Մի խոսքով` կարծում եք, որ կառավա­րության գործունեությունն ավելի արդյու­նավետ կլինի:

– Այո: Այն առումով, որ ստեղծվում է քաղա­քական հենարան, ստեղծվում է մի դաշտ, որտեղ վարչապետը կարող է հանդես գալ և իր թեզերն առաջարկել: Իսկ կուսակցության ան­դամներն արդեն կառավարության ձեռնարկ­ները կդիտեն որպես կուսակցության խնդիր ու ամեն կերպ կաջակցեն դրանց իրակա­նացմանը:

– Այսինքն` լավ կլինի բոլորիս համար, նաև` երկրի համար:

– Ես համենայն դեպս նման լավատեսա­կան տրամադրություն ունեմ: Կարծում եմ, որ վարչապետի քայլը ոչ թե կվատացնի, այլ մի­ անշանակ շատ ավելի կլավացնի թե՛ կառա­ վարության գործունեությունը, թե՛ հենց Հան­րապետական կուսակցության ներսում եղող գործընթացները: Երկար ժամանակ, եթե նոր մարդիկ, ակտիվ ու ազդեցիկ մարդիկ չեն անդամակցում կուսակցություններին, վեր­ ջիններս կարծրանում են: Մի բան, որի բացասական հետևանքներն անվիճելի են:

ԳՈՀԱՐ ՍԱՐԴԱՐՅԱՆ