Ինչով էին զբաղվում ղեկավարները

1  Բարաք Օբամա, ԱՄՆ նախագահ

1983 թ.-ին Կոլումբիայի համալսարանի քաղաքագիտության ֆակուլտետն ավարտելուց հետո Օբաման տեղափոխվեց Չիկագո, որտեղ օգնեց Սաութ Սայդի (թարգմանաբար հարավային մաս) ցածր եկամուտ ունեցող համայնքներին ոտքի կանգնել: Այդ համայնքները մեծապես տուժել էին տեղի պողպատի գործարանների փակման պատճառով: Նախքան 1988 թ.-ին Հարվարդի իրավագիտական համալսարան ընդունվելը Օբաման միացավ Սուրբ Երրորդության եկեղեցուն, ապա այցելեց Քենիայի իր հարազատներին:

Ուշագրավ փաստ: Դեռահասության տարիներին Օբաման օգտագործել է ալկոհոլ և թմրանյութեր, մասնավորապես`մարիխուաննա և կոկային:

 2  Վլադիմիր Պուտին, Ռուսաստանի նախագահ

Պուտինը նախքան համալսարանն ավարտելը ձգտում էր աշխատել հետախուզական ծառայությունում: Լենինգրադի ազգային համալսարանի իրավագիտության ֆակուլտետն ավարտելուց հետո նա աշխատանքի անցավ ազգային անվտանգության գործակալությունում: Նա նախ աշխատեց քարտուղարությունում, ապա` հակահետախուզական բաժնում: Հակահետախուզական բաժնում աշխատելու տարիներին արտասահմանցի հետախույզները սկսեցին նկատել նրան: Պուտինը մոտ տասը տարի աշխատեց իբրև հետախուզական ծառայության աշխատակից: Միջազգային քաղաքականության «Չակ Նորրիսն» այսպես անցկացրեց իր երիտասարդության զգալի մասը:

Ուշագրավ փաստ: Պուտինի կյանքի վաղ շրջանի որոշ փաստեր գաղտնի են պահվում: Այնուամենայնիվ, հայտնի է, որ ուսանողական տարիներին նա զբաղվել է ձյուդոյով:

 3  Անգելա Մերկել, Գերմանիայի առաջին կին կանցլերը  

Մերկելն իր առաջին ամուսնուն հանդիպեց Լայպցիգի համալսարանում 1974 թ.-ին, երբ նա դեռ 20 տարեկան էր: Նրանք ամուսնացան 1977 թ.-ին:  Ուսանելու տարիներին Մերկելն աշխատում էր որպես մատուցողուհի: Նա իր ամուսնու հետ միասին ապրում էր նեղլիկ կոմունալ բնակարանում:

Ուշագրավ փաստ: Մերկելի առաջին ամուսնությունն ավարտվեց ամուսնալուծությամբ 1982 թ.-ին: 1998 թ.-ին Մերկելը երկրորդ անգամ ամուսնացավ Խոակին Սոյերի հետ, ով բեռլինցի քիմիայի դասախոս էր: Համալսարանի խնջույքների ժամանակ նա նախընտրում էր խմել բալի հյութ և օղի:

 4  Բաշար ալ—Ասադ, Սիրիայի նախագահ

 Ասադը երիտասարդության տարիներին բժշկություն էր ուսումնասիրում Դամասկոսի համալսարանում: 1988 թ.-ին նա ավարտեց համալսարանը: Նա կլինիկական օրդինատուրա անցավ ակնաբուժության գծով Թիշրին զինվորական հիվանդանոցում: Այդ շրջանում Ասադը չէր ծրագրում քաղաքականությամբ զբաղվել: Նրա ավագ եղբայրը` Բասելը, պետք է ժառանգեր գահը իրենց հորից` նախագահ Հաֆեզ ալ Ասադից, սակայն Բասելը մահացավ ավտովթարից, ուստի միակ գահաժառանգը Բաշարն էր:

Ուշագրավ փաստ: Ասադն աշխատում էր զինվորական բժիշկ Դամասկոսում, հետագայում տեղափոխվեց Լոնդոն: Այդ ժամանակ նա անմիջապես Սիրիա տեղափոխվելու մտադրություն չուներ և ոչ էլ քաղաքական դաշտ մտնելու ցանկություն ուներ:

 5  Բենյամին Նեթանյահու, Իսրայելի վարչապետ

 Նեթանյահուն իսրայելական բանակ զորակոչվեց, երբ դեռ 20 տարեկան էլ չկար: Նա ծառայում էր Իսրայելական զինված ուժերի էլիտար զորագնդում: Նա մասնակցեց մի քանի կարևոր օպերացիաների, այդ թվում «Իզոտոպ» օպերացիային, որի ընթացքում փրկվեցին  առևանգված ռեակտիվ ինքնաթիռի ուղևորները: Նեթանյահուն իր երիտասարդության մնացած մասն անցկացրել է ԱՄՆ-ում` Մասաչուսեթսի տեխնոլոգիական ինստիտուտում` ուսանելով ճարտարագիտություն և բիզնեսի կառավարում:

Ուշագրավ փաստ: Մինչև 30 տարեկանը Բիբին արդեն ավարտել էր ծառայությունը Իսրայելի հատուկ նշանակության զորքերում և մասնակցել էր մի շարք օպերացիաների:

 6  Դևիդ Քեմերոն, Միացյալ Թագավորության վարչապետ  

Օքսֆորդի Բրեյսնոս քոլեջը գերազանց ավարտելուց հետո Քեմերոնը հետագա հինգ տարիներին  աշխատեց Հանրապետական կուսակցության հետազոտությունների բաժնում: Թեպետ Քեմերոնը համարվում էր Հանրապետական կուսակցության  կենտրոնական շտաբի ջանասեր և տաղանդավոր հետազոտոող, նա ուսանողական տարիներին Բալիգդոն ակումբի անդամն էր, իսկ այդ ակումբն արատավոր համբավ ունի:

Ուշագրավ փաստ: Բալինգդոն ակումբը հայտնի է իբրև հարբեցողության և անպատշաճ պահվածքի տեր անձանց կենտրոն: Թերևս հենց այդ պատճառով էլ պրն Քեմերոնը միշտ հրաժարվել է խոսել այդ մասին: Ակումբի անդամները տխրահռչակ համբավ են ձեռք բերել ճաշարաններն ավերելու և ուսանողների սենյակներն ապականելու համար:

 

 

 7  Կիմ Ջոնգ Ուն, Հյուսիսային Կորեայի գերագույն առաջնորդ

Ջոնգ Ունի կյանքի վաղ շրջանի շատ փաստեր մինչ օրս էլ գաղտնիք են մնում: Անգամ նրա ծննդյան ստույգ տարեթիվը հայտնի չէ, թեպետ պաշտոնապես համարվում է, որ նա ծնվել է 1982 թ.-ին: Նա հաճախել է Կիմ Իր Սենի ռազմական համալսարանը: Երբ նրա հոր առողջությունը վատթարացավ, Կիմ Ջոնգ Ունը ստացավ գեներալի կոչում, բարձր պաշտոն Աշխատավորների կուսակցության Կենտրոնական զինվորական հանձնաժողովում, ինչպես նաև դարձավ Կենտրոնական Կոմիտեի անդամ: Այս ամենը կատարվեց ընդամենը մի քանի ժամվա ընթացքում` 2010 թ.-ի Աշխատավորների կուսակցության ժողովի ընթացքում:

Ուշագրավ փաստ: Կիմը «Չիկագոյի Բուլզ»-ի մոլի երկրպագու էր: Նա հավանում էր Դենիս Ռոդմենին, ում հանդիպեց 2012 թ.-ին, երբ բասկետբոլի աստղը 2012 թ.-ին այցելեց Հյուսիսային Կորեա:

 8  Հասան Ռոհանի, Իրանի նախագահ

Թեհրանի համալսարանի իրավագիտության ֆակուլտետն ավարտելուց հետո Հասան Ռոհանին ճանապարհորդեց Իրանով` ելույթ ունենալով շահի դեմ և քարոզչություն իրականացնելով Այաթոլլա Խոմեինեի օգտին: Զարմանալի չէ, որ այս գործունեությունից հետո նա ստիպված եղավ փախչել իր երկրից և միանալ արտաքսված Խամենեին, ով գտնվում էր Փարիզում: Ռուհանին հոգևորական էր, սակայն երբ դեռ նրա 30 տարին էլ չէր լրացել, նրան բազմիցս ձերբակալել են Խոմենեին աջակցելու համար:

Ուշագրավ փաստ: Ռոհանին սովորել է Շոտլանդիայում: Ասում են, որ նա վարժ տիրապետում է պարսկերենին, անգլերենին և արաբերենին, որոշ չափով գիտի նաև ֆրանսերեն,  գերմաներեն և ռուսերեն:

 9  Սի Ցզինպին, Չինաստանի Կոմունիստական կուսակցության գլխավոր քարտուղար

Լինելով կոմունիստ-վետերան Սի Չժունխունի որդին` Սի Ցզինպին իր երիտասարդությունն անցկացրել է Չինաստանի հեռավոր գյուղերից մեկում աշխատելով: Այս ժամանակահատվածում նա բնակվել է քարանձավում և յուրացրել է գեղջկական աշխատանքի նրբությունները: Սա պայմանավորված է այն հանգամանքով, որ նրա հայրը հակասություններ ուներ Մաո Ցզե Դունի հետ և զրկվել էր նրա բարեհաճ վերաբերմունքից: Հետագայում Սին գնաց ուսանելու Պեկինի Ցինխուայի համալսարանում, ինչից հետո շարունակեց կրթությունը մարքսիստական տեսության և գաղափարաբանական կրթության գծով: