Yerevan, 20.November.2026,
00
:
00
BREAKING

Լիա Զախարյան. «Անտանելի է, երբ աղջիկներն օգտագործում են «ախչի», «հորս արև» և «ազիզ» բառերը»

PHOTO

Blognews.am-ը գրում է,

Ի՞նչ հետաքրքրություններ ունի ժամանակակից հայ երիտասարդությունը, ի՞նչ են հասկանում հայ աղջիկները նորաձև լուք ասելով, ինչպե՞ս փոքր քաղաքից գալ մեծ քաղաք ու դառնալ դերասանուհի․ այս և այլ հետաքրքիր թեմաների շուրջ BlogNews.am-ը հարցազրույց է ունեցել մեր էկրանների ամենախոստումնալից երիտասարդ դերասանուհիներից մեկի՝ Լիա Զախարյանի հետ։

 

- Լիա, ինչո՞վ ես հիմա զբաղված։

- Քանի որ սովորում եմ Թատրոնի և կինոյի պետական ինստիտուտում, ներկա պահին քննաշրջանի մեջ եմ, բացի դրանից՝ նոր բեմադրության ենք պատրաստվում, իսկ մոտ ապագայում նաև կնկարահանվեմ նոր սիթքոմում, որը եթերում կլինի մեկ շաբաթից:

 

- Դու այն դերասանուհիներից ես, ում հետևում են հատկապես դեռահասները: Երևի դա նրանից է, որ դերերդ հիմնականում թիթիզ, fashion-աղջկա կերպարներ են: Իսկ իրականում ի՞նչ ես հասկանում՝ նորաձևություն ասելով:

- Նորաձև ասելով՝ հասկանում եմ ներկայանալի տեսք ունենալ: Երևի fashion-աղջկա իմ կերպարը նաև ձևավորվել է նրա համար, որ շատ հաճախ եմ իմ անձնական սոցէջեր տարբեր լուքերով լուսանկարներ ներբեռնում: Իսկ իրականում դա ոչ թե թիթիզանալու նպատակով եմ անում, այլ համագործակցում եմ ֆեշն-դիզայներ Ալիսա Հարությունյանի հետ և նրա համար արված ֆոտոշութերից լավագույն կադրերով նաև իմ էջերում եմ կիսվում:

- Նորաձև ու ոճային լինելու համար ինչն է առաջնային՝ ճաշա՞կը, թե՞ գումարը։

- Գումարը բացարձակ կապ չունի: Եթե դու ունես ճաշակ, գիտակցում ես՝ ինչ է քեզ պետք, ինչ լուք ես ուզում վերջնական արդյունքում ստանալ, կարող ես մտնել ամենամատչելի գներով ցանկացած խանութ, գնել այնտեղից քեզ անհրաժեշտ մի քանի բան, հետո համադրել դրանք քո ունեցածի հետ ու ստանալ շատ թարմ ու նորաձև տեսք: Ինքս շատ հազվադեպ եմ թանկարժեք խանութներից հագուստ գնում ու երբեք չեմ կարևորում՝ բրենդային է հագուստը, թե ոչ:

 

- Ժամանակակից տղաներն ու աղջիկները ի՞նչ առավելություններ ու թերություններ ունեն: 

- Ժամանակակից երիտասարդության միակ առավելությունն այն է, որ նա լավ ինֆորմացված է: Հիմա զարգանալու, ինքնակրթվելու համար հնարավորություններ շատ կան՝ համացանց, գերզարգացած հեռուստատեսություն, գրականություն: Նաև արտասահմանի հետ շփումն է հիմա շատ: Իսկ բացասականից կասեմ, որ տղա-աղջիկ փոխհարաբերություններն են մի տեսակ անվստահելի դարձել: Տղաներն աղջիկներին չեն վստահում, աղջիկներն էլ՝ փոխադարձաբար:

- 10 տարի առաջ 25 տարեկանը բոլորած աղջկա միակ մտահոգության թեման ամուսնանալն էր: Հիմա աղջիկներն այդ մասին, կարծես, սկսում են մտածել 30-ից հետո: Այդպե՞ս է:

- Այդպես է: Ժամանակակից աղջիկների համար հիմա կարևոր մի բան կա՝ ամուսնությունից առաջ կայանալ: Սա նաև նրանով է պայմանավորված, որ հիմա հնարավորություններն են շատացել: Տղաների ընտրության հարցում էլ ժամանակակից աղջիկները շատ բծախնդիր են ու երկար են փնտրում իրենց միակին, ում հետ կյանք կկապեն: Ահա այս ամենի արդյունքում էլ ամուսնության տարիքը հասնում է մոտ 30-ին:  

Ցանկացած աղջիկ էլ գիտակցում է, որ ամուսնությունից հետո իր կյանքը փոխվելու է՝ նոր կարգավիճակ, նոր պարտականություններ, նոր ընտանիք, որտեղի դրվածքին հարմարվել է պետք: Կարծում եմ՝ շատ աղջիկներ էլ հենց այս ամենը հետաձգելու համար են ուշացնում իրենց ամուսնության հարցը:

- Լավ լուսանկար ներբեռնել համացանց ու վերջ, օրը կայացել է. այսպես է մտածում  համացանցում «ապրող» աղջիկների մի ստված հատվածը: Ծանոթներիդ մեջ այսպիսիները շա՞տ են:

- Շատ են: Ամեն անգամ Ինստագրամ մուտք գործելով՝ միանգամից «որոնում» դաշտն եմ նայում, ու անկեղծ՝ զարմանում եմ, երբ տեսնում եմ՝ ինչ նկարներ են ներբեռնում շատ աղջիկներ: Ուտելիք, հագուստ, սելֆի-բելֆիներ... Չեմ հասկանում այդ ամենի իմաստը, նպատակը: Անկեղծ եմ ասում՝ տհաճ է: Այլ բան է, եթե լուսանկարներով փորձես ներկայացնել քո առօրյան, նորաձև տեսքը կամ ինչ-որ միջոցառում, բայց երբ հայ աղջիկը բելֆի է ներբեռնում համացանց, սա արդեն իրոք չափազանց է: Տղաները երբեք լուրջ չեն վերաբերվի նման աղջիկներին: Դա տղային գրավելու ձև չէ:

- Ծնվել, մեծացել ես Գորիսում: Բա՞րդ էր քեզ համար Երևան բերող ճանապարհը:

- Անգլերենս բարձր մակարդակի հասցնելու համար մայրս դեռ ութերորդ դասարանից ինձ ամիսը մեկ անգամ Երևան էր բերում: Մեծ քաղաքն ինձ միանգամից էր գրավել: Հետո ընդունվեցի Բրյուսով ու մամայիս հետ եկա Երևան: Մամաս միշտ հետս է եղել, երևի դրա համար էլ դժվարություններ այդքան էլ չեմ ունեցել:

- Բառեր, որոնք երբեք չես օգտագործում քո խոսակցականի մեջ:

- Անտանելի է, երբ աղջիկներն օգտագործում են «ախչի», «հորս արև» և «ազիզ» բառերը: Իրոք գռեհիկ է: Կանացիությունը պակասում է ժամանակակից աղջիկների մեջ, և խոսքը բոլորովին էլ արտաքինի մասին չէ: Չգիտեմ ինչ է դա՝  դաստիարակության պակաս, թե համացանցի ազդեցություն․ որտեղ էմոցիաներ պետք չեն, դու ուղղակի գրում ես բառեր: Իսկ կինը առաջին հերթին պետք է առանձնանա իր կանացիությամբ, հեզությամբ, հայացքով՝ վերջապես:

 

- Մեծացել ես ավանդական հայկական, գորիսեցու ընտանիքում: Հայրդ ինչպե՞ս վերաբերվում քո մասնագիտությանը:

- Սկզբում ոչ մի կերպ չէր հարմարվում, իսկ հիմա արդեն հարմարվել է, մեկ-մեկ էլ հացրնում է, հետաքրքրվում է գործերիցս: Ասում են, որ էկրանին ինձ տեսնելիս էլ գոհ ժպտում է, բայց բան չի ասում)): 

- Եթե ընտրության առաջ լինես՝ ընտանիք կամ մասնագիտություն, ո՞րը կընտրես։

- Կար մի շրջան, երբ ես ընկեր ունեի: Սիրահարված էի այնքան, որ եթե նա պահանջեր, որ չնկարահանվեմ, ես այդպես էլ կանեի: Բայց նման բան չկար: Հակառակը, նրան դուր էր գալիս այն, ինչով ես զբաղվում եմ: Կարծում եմ՝ հետագայում էլ նման խնդիրներ չեն լինի իմ կյանքում: Իսկ եթե լինի, հավանաբար ընտանիքը կընտրեմ: Ես շատ եմ ուզում ունենալ գեղեցիկ, հայկական ընտանիք, իսկ ամուսինս անպայման հայ պետք է լինի:

 

- Խոսքերիցդ հասկացա, որ քո սիրո պատմությունը անցյալում է: Այդպե՞ս է: 

- Այդպես է: Պարզապես իրար չհասկացանք, չստացվեց, բայց իմ մասնագիտությունը բոլորովին կապ չուներ այստեղ:

- Եվ ամենավերջում, ինչպե՞ս ես քեզ պատկերացնում 20 տարի անց։

- Երազում եմ այդ պահի դրությամբ լինել երկրագնդի ¼-ը շրջած, ռուսական շոուբիզնեսում հաստատված և այնքան հարուստ, որ կարողանամ լուրջ բարեգործությամբ զբաղվել: Նորից եմ կրկնում՝ երազում եմ... Իսկ երազանքները մեզ ստիպում են շատ աշխատել՝ դրանք իրականություն դարձնելու համար:

Ucom and Impact Hub Yerevan Wrap Up the Third Edition of Their Green Entrepreneurship Program SoftConstruct and the French University in Armenia Sign A New Memorandum of UnderstandingIDBank to Present a Unified Ecosystem Concept at DigiTec 2026Ucom Supports Annual Mini Whoop Drone Racing Armenia 2026 Competition in YerevanIDBank Presents the Rate.Trading Digital Platform at Toon Expo.Invest 2026The Second Khachaturian International Youth Competition Concludes at China National Opera House Under the Artistic Direction of Sergey Smbatyan "The network this time for COP17 was the most one of exceptional network we have ever had." The service quality by Team was highly appreciated by UN representative Rate.Trading: Large Transactions with Digital Management of Exchange Rate RisksVIVA Foundation Named November Beneficiary of “The Power of One Dram”Special Mortgage Offers: IDBank at Toon Expo: Invest 2026Vahe and Vigen Badalyan File Lawsuit Against 1in.am Seeking Protection of Their Business ReputationIDBank at the UBA Regional Conference: From Travel Solutions to Business OpportunitiesJoint statement by the parties consolidatted around the national agenda35% Discount for the 35th Anniversary on Selected IDBank CardsConverse Bank Expands Its International Capabilities Through Cooperation with Citibank N.A.Business loan pre-approval in five minutes — what did Unibank showcase in Gyumri?Converse Bank Expands Its International Capabilities Through Cooperation with Citibank N.A.Bratislava forum to debate Armenia’s strategic future Ucom Service Center in Artashat Reopens at a New Address Ucom and Republican Union of Employers of Armenia Sign Cooperation MemorandumCreate your Visa Digital from Unibank for purchases and transfers Ucom – Main Sponsor of the 21st International Microelectronics Olympiad IDBank and Idram Hold Financial Literacy Session for Young Chess PlayersUcom Supports Silicon Mountains 2026, Driving Innovation and Technological Development IDBank has issued perpetual coupon bonds for the first timeIDBank Supports the Reconstruction of the Spandaryan Canal: Commemorative Plaque Dedicated to the Project SignedIDBank and Idram Presented Several Environmental Initiatives at COP17Ucom Shares Its Experience in Private Sector Engagement in Nature Conservation at COP17 Blue Zone«Here’s the screenshot, the money has been transferred»: IDBank warns of fake payment scamsFirst Steps in Your Career with IDBank: 16th Cycle of IDream LaunchedDigital Architecture for a Sustainable Future: IDBank's Article in Regional Post MagazineRate.Trading. New Digital Culture of Currency ExchangeDigital Future and Sustainable Development: IDBank's Chairman of the Management Board in an Interview with ForbesApplications Now Open: Armenian Virtuosos International Academy-Festival 2027Book Published with Ucom’s Support Presented at COP17: “The Secret Path of Hovazadzor”Ucom Highlights the Role of Technology in Nature Conservation at COP17“The people of Stepanavan will show through their votes that every attempt to deceive them with videos is doomed to fail”: “Strong Armenia” Party With Ucom’s Support, SunChild Brings Cinema and Environmental Conservation TogetherYoung Musicians of the “Armenian Virtuosos” Program Perform in the COP17 A Birthday in Italy with UnibankIdram and IDBank Participated in the Opening of My Forest Armenia’s Pavilion at COP17Unibank Receives B++ Sustainability Alignment Rating from Agents for Impact GmbH Ucom Supported Yerevan Conservation Symposium 2026 as Strategic PartnerIDBank to Showcase Environmental and Innovative Initiatives at COP17New AI-Powered Wildlife Monitoring Camera Installed in Paruyr Sevak with the Support of Ucom35 Years of Trust: IDBank Celebrates with Its CustomersBusiness and mining leader Mark Cutifani to deliver keynote speech at the 3rd Mining Armenia Forum“From Classroom to Orbit”: With Ucom’s Support, “Space 1.0” Is Being Introduced in 15 Schools Across ArmeniaAfeyan Initiatives for Armenia Awards Grant to the Armenia Education Initiative to Expand the Teach For Armenia’s Seroond School Turnaround Program Ucom to Participate in COP17 Together with FPWC, Showcasing Their Environmental Partnership