Համեղ ձուկ ընտրելու և պատրաստելու գաղտնիքը

Ամանորյա տոներին, եթե ցանկանում եք ընտրել որակով սաղմոն ձուկ, ապա ուշադրություն դարձրեք գույնին: Ձկան մուգ կարմիր գույնը նշանակում է, որ այն ծեր է, իսկ վակումային փաթեթում ջրի առկայությունը՝ ոչ թարմ ձկան փաթեթավորման արդյունք է:

Ձուկը սառնարանում կարելի է պահել 5-7 օր: Սառնարան դնելուց առաջ ձուկը չի կարելի լվանալ:

Ձկան կտորները ավելի լավ կպահեն իրենց ձևը, եթե տապակելուց առաջ դրանք աղ անել և թողնել 10-15 րոպե:

Սառնարանում ձուկը չի կարելի դնել կաթի, կարագի, կաթնաշոռի կողքին, քանի որ դրանք ձեռք կբերեն  իրենց ոչ հատուկ հոտ:

Հում ձուկը չի կարելի պահել այնպիսի մթերքներիի մոտ, որոնք օգտագործվում են առանց ջերմային մշակման (երշիկեղեն, պանիր և այլն):

Ձուկն ավելի հեշտ է մաքրել  լողաթևերը մկրատով կտրելուց հետո:

Պակքսիմատով պատած ձուկը տապակած վիճակում ունի ավելի ախորժելի տեսք, քան ալյուրի մեջ թաթախածը, սակայն առաջինի դեպքում կարող է մեջը  հում մնալ:

Ստուգեք ձկան պատրաստված լինելը  պատառաքաղով. այն հեշտությամբ պետք է խրվի ձկան մեջ:

Որպեսզի ձուկը համեղ ստացվի, անհրաժեշտ է կտրատելուց հետո 2-3 ժամ  պահել նախօրոք պատրաստած թթվաջրի (գինուց, սոխից և սև բիբարից ) մեջ:

Ի տարբերություն տապակած մսի, տապակած ձուկը տաքացնելիս կորցնում է իր համը: Ծովային ձկներին հատուկ հոտը անցկացնելու համար հարկավոր է քսել կիսած կիտրոն:

Որպեսզի ձուկը տապակելուց չփշրվի, պետք է այն աղ անել և այդպես թողնել 10-15 րոպե սենյակային ջերմաստիճանում:

Ձուկը հեշտ կմաքրվի, եթե մաքրելուց առաջ մի քանի վայրկյան իջեցնել եռման ջրի մեջ:

 Ձուկը ձեռքի մեջ հեշտ պահելու համար հարկավոր է մատները թաթախել աղի մեջ:

Ձուկը կստացվի ավելի համեղ, եթե տապակելուց առաջ այն դրվի կաթի մեջ, հետո ալյուրով պատել  և տապակել բուսական յուղուվ:

Ձուկը մաքրելուց հետո ձեռքերը լվացեք քացախի թույլ լուծույթով