Մոլիբդենի խտանյութի արտադրությունը կազմում է 8 885 տոննա
BLOGՄանե Զաքարյանը ֆեյսբուքյան իր էջում գրում է.
Վերջին ամիսներին տնտեսական մի քանի ոլորտներում նկատվում էր աճի դանդաղ տեմպեր: Սա բնականաբար պայմանավորված էր թե՛ սուբյեկտիվ, և թե՛ օբյեկտիվ գործոններով: Ազգային վիճակագրական ծառայության փոխանցած տվյալներն աչքի անցկացնելով կարելի է նկատել, որ այնուամենայնիվ մի քանի ճյուղերում գրանցվել է աճ:
Օրինակ կարելի է առանձնացնել պղնձի խտանյութի արտադրության ոլորտը: Այստեղ 2016 թվականի հունվարից հոկտեմբեր ընկած ժամանակահատվածում ծավալները կազմել են 326.2 հազար տոննա: Նախորդ տարվա նույն ժամանակահատվածի նկատմամբ այս ցուցանիշն ավելացել է 30 տոկոսով: Բացի դա, 12.5 տոկոսով ավելացել են կոնվերտորային պղնձի արտադրությունը` կազմելով 10 հազար 361 տոննա: Միևնույն ժամանակ պետք է նկատենք, որ 3.7 տոկոսով նվազել է ալյումինե փայլաթիթեղի արտադրությունը` կազմելով 23 հազար 845 տոննա:
ԱՎԾ փոխանցած տվյալների համաձայն աճել են նաև մոլիբդենի խտանյութի և ֆերոմոլիբդենի արտադրության ծավալները: Մոլիբդենի խտանյութի արտադրությունը կազմել է 8 հազար 885 տոննա` աճելով 1.1 տոկոսով:
Ֆերոմոլիբդենի արտադրությունն աճել է 11.4 տոկոսով`2016 թվականի հունվարհոկտեմբերին կազմելով 5 հազար 262
տոննա:
Այս ոլորտում առկա է զարգացման մեծ պոտենցիալ: Աճի նման տեմպերը պահպանվելու դեպքում կարելի մտածել նաև արտադրանքի արտահանման ծավալներն ավելացնելու մասին: