Եթե անսպասելիորեն խաղարկությամբ գումար եք շահել ու հարստացել և չգիտեք՝ ինչպես ծախսել ձեր փողերը, առաջարկում ենք գնել ինքնաթիռի՝ աշխարհի ամենաթանկ տոմսերն ու վայելել օդային ճանապարհորդությունն իր ողջ ճոխությամբ։

 10  Նյու Յորք – Սինգապուր՝ $14,000 (Սինգապուրյան ավիաուղիներ)

Նյու Յորքի Ջոն Քենեդի միջազգային օդանավակայանից Սինգապուր գերհարմարավետ ուղևորություն վայելելու համար կարող եք օգտվել Սինգապուրյան ավիաընկերության առաջին դասի տեղերից, որի համար պետք է 14,000 դոլար վճարեք։ Մոռացեք տեղաշարժվող մեջքով հին նստարանները, որովհետև այստեղ առաջարկվող աթոռները ցույց կտան, թե որն է իրական հարմարավետությունը։ Ինքնաթիռի անհատական խցիկների բացվող-փակվող դռներն ուղևորներին հնարավորություն են տալիս փակվել իրենց սեփական սենյակում, որը հագեցած է առանձին մահճակալով, ընթրելու համար նախատեսված սեղանով ու 58 սմ անկյունագծով LCD ժամանցային համակարգով։ Բնականաբար, այստեղ մատուցում են սննդի սպասարկման բարձրորակ ծառայություն, ինչպես նաև առաջարկում գինիների ընտրության լայն հնարավորություն։

 9  Լոս Անջելես – Մելբուրն՝ $14,974 (Qantas)

Առաջին դասի տեղերը գնելուց հետո դուք Մելբուրն ուղևորության ճոխությունը կզգաք արդեն իսկ Լոս Անջելեսի միջազգային օդանավակայանից, որտեղ ավիաընկերության նոր «Միջազգային բիզնես սպասասրահն» առաջարկում է կաշվե ճոխ բազմոցներ ու բաց բուխարի։ Իսկ օդանավում կարող եք վայելել  1,8 սմ երկարություն ունեցող հարմարավետ մահճակալներն ու ճոխ բրդյա ներքնակները, հսկայական թաչսքրին տեղեկատվական-ժամանցային համակարգը, շամպայնի պղպջակներ ու ավստրալական կարմիր, սպիտակ գինիների ու խոհարար Նեյլ Փերիի ուտեստների ընտրանին։

 8  Լոս Անջելես – Տոկիո՝ $16,078  (Ճապոնական ավիաուղիներ)

Ընդամենը 16,000 դոլարով ուղևորներն այժմ կարող են օգտվել Ճապոնական ավիաուղիների առաջին կարգի բոլորովին նոր նստարաններից, փափուկ կաշվից, տեղաշարժվող ներքնակներով մահճակալներից և 58 սմ անկյունագծով հարթ հեռուստացույցներից։ Այստեղ ձեզ կմատուցեն արևմտյան ճաշատեսակներ ու ճապոնական սուշի, ինչպես նաև կարմիր, սպիտակ գինների ու շամպայնի լայն ընտրանի՝ սակե բրնձի գինիներից մինչև այնպիսի հայտնի ապրանքանիշերի արտադրանքներ, ինչպիսիք են «Kamoshibito Kuheiji» և «Moriizou»-ն։

 7  Նյու Յորք – Սինգապուր՝ $21,000 (Virgin Atlantic)

Վիրջին Ատլանտիկի այսպես կոչված «բաձրակարգ դասի» նստարաններն իսկապես որ արժեն այսպես կոչվել՝ թույլ լուսավորությամբ, ոճային, տպավորիչ սրահները հագեցած են նստարան-մահճակալներով ու անհատական ժամանցային էկրաններով, որոնցից հաճախ օգտվելով՝ գործարարներն առցանց հանդիպումների են մասնակցում։ Թերևս, ամենաթանկարժեք ուղևորությունը «Virgin Atlantic»-ի հետ Ջոն Քենեդու միջազգային օդանավակայանից Սինգապուր ուղևորությունն է։   

 6  Նյու Յորք – Սինգապուր՝ $22,265 (Շվեյցարական ավիաուղիներ)

Ավիաուղիներն առաջին դասի իրենց նստարանները նկարագրում են՝ «քո տունն ամպերից վերև»։ Ուղևորներին առաջարկվում են բարձրակարգ ծառայություններ, նրբահամ ուտեստներ, հարմարավետ ամբողջական չափերի մահճակալներ։

 5  Հոնգ Կոնգ – Նյու Յորք՝ $26,572 (Cathay Pacific)

Հոնգ Կոնգից Նյու Յորքի Ջոն Քենեդի միջազգային օդանավակայան 14-ժամյա ուղևորության ընթացքում «Cathay Pacific» ավիաընկերության Բոինգ 777-300ER ինքնաթիռում ուղևորներին առաջին կարգի բարձրակարգ ծառայություններ են մատուցվում։ Ուղևորներն իրենց խցիկներում կարող են վայելել ընդարձակ մահճակալները և հարթ հեռուստացույցները։ Այստեղ մատուցվում են հոնգկոնգյան յուրահատուկ ուտեստներ, միջազգային գինիներ և խավիարով նախաճաշ։ Եվ այս ամենն ընդամենը 26,572 դոլարով։

 4  Նյու Յորք – Պեկին՝ $27,000 (Կորեական ավիաուղիներ)

Մեկ կոճակի հպումով 100 տոկոս շարժական համակարգով գերհարմարավետ նստատեղերով առաջին կարգն իսկական ճոխ անկլավ է երկնքում։ Այստեղ մատուցում են արևմտյան խոհանոցի նրբահամ ճաշատեսակներ ու աշխարհի ամենահայտնի գինիների լայն ընտրանի։

 3  Սան Ֆրանցիսկո – Աբու Դաբի՝ $28,090 (Etihad Airways)

Նավթով հարուստ Միացյալ Արաբական Էմիրությունների մայրաքաղաք Աբու Դաբի ուղևորվողները պետք է նախապատրաստվեն քաղաքի հայտնի ճոխ ու փառահեղ հյուրանոցներին։ Իսկ դա անելու լավագույն տարբերակը, թերևս, «Etihad Airways» ավիաընկերության ինքնաթիռի առաջին կարգի տոմսեր գնելն է։ Ինքնաթիռում ուղևորներին առաջարկվում են 58 սմ անկյունագծով հեռուստացույցներ, անձնական մինի բարեր, արևելյան ուտեստներ և կաշվեպատ հարմարավետ կահավորանք։

 2  Լոս Անջելես – Աբու Դաբի՝ $30,000 (Emirates)

Թերևս զարմանալի չէ, որ Լոս Անջելեսի միջազգային օդանավակայանից Դուբայ 16-ժամյա ուղիղ թռիչքը տեղ է գտել ինքնաթիռի՝ աշխարհի ամենաթանկ տոմսերի տասնյակում։ Այս թռիչքից կանոնավոր օգտվում են հարուստ բիզնեսմենները, այնպես որ կասկած չկա, որ «Emirates»-ի առաջին կարգը բարձրակարգ ծառայություններ է առաջարկում։ Այստեղ առաջարկվում են անձնական խցիկներ, անհատական մինի բարեր, հարմարավետ ներքնակներ, սեղաններ և նույնիսկ սպա միջոցներ։

 1  Նյու Յորք – Հոնգ Կոնգ՝ $43,535  (Lufthansa)

Գերմանական ավիաընկերությունը ձեզ Նյու Յորքից Հոնգ Կոնգ կհասցնի՝ առաջարկելով անձնական օգնականի ծառայություններ, մահճակալներով անձնական խցիկներ, նրբահամ ուտեստների ու բարձրորակ գինիների լայն ընտրանի։ Ինչևէ, այս ճոխությունը փորձելու և ծառայությունների մակարդակը գնահատելու համար պետք է 43,535 դոլար վճարել։

Աղբյուրը` Blognews.am