5 պատճառ, թե ինչու չափից շատ սիրելը սպանում սերը

Մեկին սիրել նշանակում է նրա համար լավագույնը ցանկանալ, նույնիսկ եթե դա նշանակում է, որ չեք ստանա այն, ինչի ցանկությունն ունեք: Ահա 5 պատճառ, թե ինչու բուռն  կերպով սերը մեկի նկատմամբ արտահայտելը Ձեր նոր սերը կվանի:

1 Ոչ ոք չի ցանկանում կորցնել ազատությունը Թևերը կտրելը թռչունի թռիչքի համար պատասխանատու փետուրները կտրելու գործողությունն է, որի արդյունքում այն այլևս ի վիճակի չի լինի թռչել: Այսպես մի՛ վարվեք այն մարդու հետ, որին սիրում եք: Երբ զրկում եք նրանց իրենց թևերից, նրանց ստիպում եք Ձեզ կապված լինել: Նրանց նկատմամբ սերը բուռն կերպով արտահայտելով՝ նրանցից խլում եք ազատությունը: Սա նշանակում է, որ նրանք չեն կարող որոշումներ կայացնել առանց Ձեզ: Ձեր պահվածքով Դուք միանգամայն արհամարհում եք նրանց ցանկությունը: Պետք է Ձեր սիրելիին ազատ լինելու հնարավորություն տաք, նույնիսկ ամուսնանալուց հետո: Սա չի նշանակում աչք փակել արտաամուսնական կապին: Սիրելիին ոսկեզօծ վանդակում մի՛ պահեք, քանի որ կապ չունի, թե որքան հրաշալի պայմաններ կլինեն, այն բանտ է, որում ոչ ոք չպետք է ապրի:  Թողեք որ վայելեն իրենց ազատությունը, և եթե իսկապես Ձեզ վիճակված է, միասին կլինեք անկախ ամեն ինչից:

2 Հարաբերության զարգացման կանխում Սա ճշմարիտ է, երբ նոր մարդու եք ժամադրում, և հատկապես երբ երկուսդ էլ երիտասարդ եք: Ձեզ և Ձեր զուգըկներոջը պետք է հնարավորություն տաք լինելու երկու առանձին անհատներ: Պետք է նրան նաև տաք բավարար ժամանակ և տարածք՝ Ձեզ իր կյանք ընդունելու համար՝ անկախ այն բանից, թե որքան եք սիրում մեկդ մյուսին: Ինչ-որ մեկին սիրել նշանակում է հարգել նրանց կարիքները և ցանկությունները, և ոչ թե՝ Ձեր կենսակերպը նրանց պարտադրել: Եթե Ձեր նոր սիրուն պարուրեք այն ամենով, ինչի պահանջը նա չունի, Դուք կարիքավորի և ագահի տպավորություն կթողնեք, և կարող եք համոզված լինել, որ կրկին միայնակ կլինեք: Կատարյալ հարաբերություն ստեղծելը ժամանակ է պահանջում, և եթե արագացնեք հարաբերությունները և փորձեք վերահսկել զուգընկերոջը, երբեք չեք ունենա ցանկալի հարաբերությունը, քանի որ այն հավիտյան կխզվի:

3 Զրկել նրան անկախությունից Դուք Ձեզ համար կարևոր էակին չեք տա կարևոր հնարավորությունը լինելու այնպիսին, ինչպիսին որ կա, եթե չափից դուրս սիրով պարուրեք: Որոշումներ կայացնելիս պետք է ներկա լինեք՝ անկախ նրա ցանկությունից: Սկսած  ցնցուղ ընդունելու պահը որոշելը, ճաշելիս ինչ ուտելու որոշում կայացնելը, մինչև մեկ այլ երկիր գործուղվելու որոշում կայացնելը, այս ամենի արդյունքում նա զրկվում է անկախ լինելու հնարավորությունից: Վերջին բանը, որ ցանկանում եք անել, սիրելիին ճնշելն է: Եթե փորձեք սահմանափակել Ձեր նոր սիրելիի՝ ընտրություններ կայացնելու ունակությունը, ապա միայն ժամանակի հարց է, մինչև նա կսկսի հասկանալ, որ իր ամբողջ կյանքը բանտ է, և ամեն բան կանի, որ ազատվի: Սխալ չէ ժամանակը մեկ ուրիշի հետ անցկացնելը կամ կյանքը փոխող որոշումներ կայացնելիս մասնակից լինելը: Ինչևիցե, տարբերություն կա, արդյոք Ձեր ցանկությունը ստիպողաբար է կատարվում, թե նրան հնարավորություն է տրվում Ձեզ իր կյանք հրավիրել: Մի՛ զրկեք Ձեր նոր սիրուն անկախությունից, քանի որ փախուստի կդիմի:

4 Մտերմությունն արհամարհանք է ծնում Մտերմությունն արհամարհանք է ծնում, և ինչպես որ շատ զույգեր կասեն, այն նաև ձանձրույթ է առաջացնում: Բոլորն իրենց անձնական տարածքի կարիքն ունեն: Նույնիսկ ամուսնացած տարեց զույգերը գնահատում են մեկը մյուսից որոշ ժամանակ հեռու լինելը: Բացակայությունը ստիպում է կողակցին կարոտել: Մեծամասամբ մարդիկ հակված են գնահատել այն, ինչից հեռու են, և հարաբերությունները բացառություն չեն: Սա չի նշանակում, որ երկարատև սիրավեպերը ձանձրալի են: Պարզապես նշանակում է, որ երկու կողմերը հասկացել են, թե ինչպես հավասարակշռեն ազատությունը և սերը՝ առանց մեկը մյուսի նկատմամբ սերը բուռն կերպով արտահայտելը: Ձեր նոր սիրուն ազատություն և ժամանակ տվեք, թողեք որ տղան երեկոն իր ընկերների հետ անցկացնի, աղջիկն էլ՝ իր ընկերուհիների հետ՝ առանց քննադատելու միմյանց: Հիշեք, որ մտերմության արդյունքում արհամարհանք է առաջանում, այսպիսով, մեկդ մյուսին միշտ ժամանակ տվեք ընկերների և սիրելի զբաղմունքի համար:

5 Հուսահատությունն է ցուցադրում Երբ նոր սիրուն Ձեր սիրով հանգիստ չտաք, անկասկած, Ձեզ անհույսի տեղ կդնեն, եթե նույնիսկ այդպես չէ: Միշտ հիշեք, որ ոչ ոք չի ցանկանում հարաբերություն մի մարդու հետ, որը իր երկու ոտքերի վրա ինքնուրույն չի կարողանում կանգնել: Պետք է ինքներդ էլ անկախ լինեք և ապացուցեք Ձեր սիրելիից բացի նաև ինքներդ Ձեզ, որ կարող եք համակերպվել չափահաս մարդուն բնորոշ հարաբերություն ունենալու պատասխանատվության հետ: Սերը վստահություն է պահանջում, և եթե չեք կարող ազատ թողնել զուգընկերոջը՝ առանց նրան 20 հարց տալու, Դուք անվստահության նշաններ եք ցույց տալիս: Դրանից բացի Ձեր նոր սերը կմտածի, որ չեք կարող գլուխ հանել միայնակ լինելուց և վախենում եք նրան կորցնելուց: Ոչ ոք չի ցանկանում խենթի կամ կարիքի մեջ գտնվողի հետ լինել, այդ իսկ պատճառով ուշադիր եղեք, որ կրքոտ կերպով Ձեր սերը չարտահայտեք Ձեր սիրելիի նկատմամբ, քանի որ դա հուսահատության կնմանվի, ինչը զուգընկերոջ մեջ միանգամայն վանող հատկանիշ է համարվում: