Ռուսաստանի դեսպանի սպանության մեջ Թուրքիան մեղադրում է Գյուլենին
BLOGԳագիկ Համբարյանը ֆեյսբուքյան իր էջում գրում է.
Ինչպես և սպասվում էր, Թուրքիայի իշխանությունները քավության նոխազ են փնտրում, որ նրա վրա բարդեն երկուշաբթի Անկարայում տեղի ունեցած հարձակումը, որի ժամանակ սպանվեց Թուրքիայում ՌԴ դեսպան Անդրեյ Կառլովը: Անկարան նաև փորձում է այս ամենից իր օգուտը ստանալ: Anadolu-ի տեղեկություններով՝ երեքշաբթի Թուրքիայի արտգործնախարար Մևլյութ Չավուշօղլուի և ԱՄՆ պետքարտուղար Ջոն Քերիի միջև տեղի ունեցած հեռախոսազրույցի ժամանակ Չավուշօղլուն հայտնել է, որ Ռուսաստանի դեսպանին սպանելու հետևում կանգնած է ԱՄՆ-ում պատսպարված թուրք հայտնի կրոնական քարոզիչ Ֆեթուլլահ Գյուլենը:
Այս անգամ Էրդողանը հանգիստ թողեց քրդերին, քանի որ մարդասպանն ազգությամբ թուրք էր և ոստիկան: Ամենահարմար թեկնածում Էրդողանի ոխերիմ թշնամի Ֆ. Գյուլենն է, որին Անկարան արդեն մի քանի ամիս է՝ պահանջում է ԱՄՆ-ից արտաքսել, քանի որ հենց նրան է մեղադրում Թուրքիայի բռնապետը հուլիսյան չհաջողված պետական հեղաշրջումը կազմակերպելու մեջ: