Վարելահողերը ավելացել են մի քանի անգամ
BLOGՄանե Զաքարյանը ֆեյսբուքյան իր էջում գրում է.
Գյուղատնտեսական ոլորտի զարգացման կարևորագույն գործընթացներից մեկը վերաբերում է ցանքատարածությունների ընդլայնմանը: Լրացուցիչ վարելահողերը հնարավորություն են տալիս ավելացնել ակնկալվող բերքի ծավալները:
Սպասվում է, որ Գեղարքունիք մարզի Ծովագյուղ համայնքում հաջորդ տարի կընդլայնվեն հնդկացորենի
ցանքատարածությունները՝ հասցվելով մինչև 400 հեկտարի:
Այս տարի Ծովագյուղում հնդկացորենի արտադրության համար հատկացված է եղել 100 հեկտար, որից ստացված 100 տոննա բերքի վերամշակումն էլ հնարավորություն է տվել հաջորդ տարվա գարնան համար ստանալ 25 տոննա սերմացու:
Ակնկալվում է, որ վերը նշված գործընթացից հետո սերմնացուի վերամշակումը կհասցվի 32 տոննայի, ինչը հնարավորություն կտա ապահովել մարզի այլ համայնքի տնտեսությունները սերմացույով:
Գլոբալ առումով այս մշակաբույսի արտադրությունը կարող է լուրջ եկամուտներ բերել: Այս պահին մարզի գործարանի հզորությունը թույլ է տալիս վերամշակել մինչև 3000 հեկտար տարածքի վրա աճեցված բերքը: Այս գործընթացը փաստում է այն մասին, որ դաշտավարությունը Գեղրքունիքում սկսում է զարգանալ: