Առողջապահության նախարարությանը մտահոգում է երեխաների շրջանում թունավորումների աճը

ՀՀ առողջապահության նախարարությանը և բժշկական հանրությանը մտահոգում է երեխաների շրջանում կենցաղային սուր թունավորումների աճի միտումը:

Ինչպես տեղեկացրին ՀՀ ԱՆ լրատվական ծառայությունից, միայն  Երևանի Մ.Հերացու անվան պետական բժշկական համալսարանի մանկական թունաբանական կենտրոն ում  2014 թ. Գրանցվել է թունավորման 588 դեպք` նախորդ տարվա 470-ի փոխարեն։  Ընթացիկ տարում երեխաների շրջանում արդեն իսկ սուր թունավորումների 415 դեպք է արձանագրվել:

«Ցավալին այն է, որ փոքրիկները հիմնականում թունավորվում են ծնողների, մեծահասակների անուշադրության, անփութության հետևանքով: Իսկ թունավորումների պատճառ են դառնում կենցաղում օգտագործվող քիմիականնյութերը, ինչպես նաև զանազան դեղամիջոցները։  Առավել վտանգավոր է, երբ քիմիականնյութըպահվում էկերակրիկամըմպելիքիհամարնախատեսված տարաներում, շշերում:

Երեխաների շրջանում թունավորումները հիմնականումզարգանում են շատարագ, ունենում ծանր ընթացք ևպահանջում ոչ միայն անհապաղ բժշկական օգնություն, այլև երկարատև բուժում»,- ասված է հայտարարության մեջ: 

ՀՀ առողջապահության նախարարությունը կոչ է անում ծնողներին` կենցաղային վտանգավոր քիմիական նյութերը, ինչպես նաև դեղորայքը պահել փակվող պահարաններում կամ երեխաներին անհասանելի այլ վայրերում, չափազանց ուշադիր լինել վտանգավոր քիմիական նյութերն օգտագործելիս, քանի որ հենց այդ ընթացքում դրանք կարող են երեխաներին հասանելի դառնալ, թունավոր նյութերը պահել գործարանային սրվակների և տուփերի մեջ` պահպանելով նախազգուշացնող պիտակները` շփոթությունից խուսափելու համար:

2014թ. տվյալներով ընդհանուր թունավորումներից  դեղորայքային թունավորում  է եղել  220-ը (36%), այրող-քայքայողնյութերից՝ 109-ը (36%), կալիումիպերմանագնատից  26-ը (5%), ալկոհոլից  34-ը (6%),  շմոլգազից`34-ը (6%),   թունաքիմիկատներից` 22-ը (4%)։

«Եթե ընտանիքի անդամների տեսադաշտից երեխաները դուրս չմնան, ապա մենք կարող ենք խուսափել նման տխուր դեպքերից»,- լրագրողների հետ հենց կլինիկայում կազմակերպվածհանդիպման ժամանակ ասել է ՀՀ ԱՆ մոր և մանկան առողջության պահպանման վարչության պետ Կարինե Սարիբեկյանը` հավելելով, որ մանկական մահացության կառուցվածքում դրանք հինգ պատճառներից մեկն են։ Մինչև 1 տարեկան երեխաների մահացության պատճառներից դժբախտ պատահարները 0.8 տոկոս են կազմում։ Սակայն 1-5 տարեկան երեխաների շրջանում այդ նույն ցուցանիշը մեծանում է մինչև 20 անգամ։

«Մինչև մեկ տարեկան երեխան մայրիկի, ընտանիքի մյուս անդամների գրկում  է մեծանում։ Խնդիրներն առաջանում են, երբ նա սկսում է ակտիվ տեղաշարժվել,»,- հավելել է մանկաբույժը։ Նրա խոսքով` կարևորելով խնդիրը, նախարարությունը Երեխայի առողջության անձնագրում հատուկ էջ է հատկացրել, որտեղ խորհուրդներ են տրվում երեխայի անվտանգության, այդ թվում` թունավորումներից խուսափելու վերաբերյալ։

Ցավոք սրտի, թունավորումների դեպքերն ավելանում են։ Երևանի Մ.Հերացու անվան պետական բժշկական համալսարանի «Մուրացան» հիվանդանոցային համալիրի մանկականթունաբանության և մանկականվերակենդանացմանկլինիկայի ղեկավար Մարինե Գրիգորյանը ներկայացրել է, որ տանը պահվող քիմիական նյութերից հատկապես վտանգավոր են քայքայող քիմիական նյութերը, օրինակ՝ ամոնիակը, կաուստիկսոդան (հիմք), թթուները (քացախաթթվային էսենցիան), կրային նստվածք քայքայող որոշ նյութերը, մաքրող, լվացող որոշ հեղուկները, որոնք պարունակում են հիմքեր և թթուներ և կարող են շատ ծանր վն ասվածքներ առաջացնել:Այլ վտանգավոր նյութերից նշվել են լուծիչներն ու նավթամթերքները, օրինակ՝ լաքերը, նավթալամպերի վառելիքը, բենզինը, կերոսինը:

Կարող են չափազանց վտանգավոր լինել նաև դեղորայքային թունավորումները: Խիստ վտանգավոր են սրտային և ճնշում կարգավորող դեղերը, քնաբերները,  հակադեպրեսանտները, հոգեմետդեղերը,  ցավազրկողները, հակադիաբետիկ դեղերը, կոլխիցինը և այլն: Երեխաները հիմնականում հակված են ուտելու քաղցրացված դրաժեները կամ օշարակները և դրանք կարող են ընդունել մեծ քանակներով, որը չափազանց վտանգավոր է:

Մասնագետները խորհուրդ տվեցին երեխաների նման թունավորումների դեպքում 82-82 հեռախոսահամարովարագ դիմել մասնագիտացված  միակ կլինիկա, որտեղ կարող են ախտորոշել թունավորումը, գնահատել վտանգի աստիճանը և բուժում անհրաժեշտ իրականացնել:

ՀՀ առողջապահության նախարարության պետական նպատակային ծրագրի շրջանակում գործում է նաև երեխաներիանհետաձգելի արտագնա բուժօգնություն, որի շրջանակում Երևանի Մ.Հերացու անվան պետական բժշկական համալսարանի «Մուրացան» հիվանդանոցային համալիրի մանկականթունաբանության և մանկականվերակենդանացմանկլինիկան իրականացնում է անհրաժեշտ ծառայություն։ Կլինիկան այդ նպատակների համար  ունի նաև ռեանիմոբիլ։

Հիշենք, որ բարեհաջող ելքը մեծապես պայմանավորված է ժամանակին դիմելով և մասնագիտական օգնություն ցուցաբերելով։