Կես թեյնիկ ջուր եռացրեք, սիրտս լապշա ուզեց. Այս հոդվածը կարդալուց առաջ, խորհուրդ կտամ լինել կուշտ, հագեցած, երջանիկ և բավարարված՝ որովհետև կոշտ է լինելու

SOCIETY 8 February, 2017 10:32

Մենք ինքնասիրություն չունենք: ՈՒ չասեք,որ այդպեք չէ: Ինչո՞ւ,ասեմ. ԼՂՀ այցելած բլոգեր Ալեքսանդր Լապշինին Մինսկից տեղափոխել են Բաքու: Լապշինը ձերբակալվել էր 2016-ի դեկտեմբերի 16-ին Բելառուսում՝ ադրբեջանի պահանջով, որտեղ բլոգերի նկատմամբ քրեական գործ է հարուցվել: Ադրբեջանը լրագրողին ներառել էր երկրի «սև ցուցակում» 2011-ին և 2012-ին Արցախ այցելելու համար: Ինչ է ստացվում հերդական առ ու ծախը,բելառուսի նախագահի հերդական հակահայկական որոշումը,թե ապտակը ավագ եղբորը՝Ռուսաստանին: Հիշեցնենք,որ Լապշինը նաև Ռուսաստանի քաղաքացի է:

Ու ի՞նչ. փաստորեն յուրաքանչյուր ոք,ով այցելի Արցախ,կարող է ադրբեջանական հարցման արդյունքում ձերբակալվել ու տեղափոխվել բա քու: Բա քու հերն եմ անիծել: Հետո ... Լապշինը մշտապես արտահայտվել է ի նպաստ Հայաստանի և Արցախի,ինֆորմացիոն այս անհավասար պայքարում,մշտապես հայանպաստ գրառումներով է հանդես եկել: Ո՞ւ ... Քանի հոգի դուրս եկավ փողոց, քանի հոգի բողոքի ցույց կազմակերպեց, քանի հոգի իր ոչ ֆեյսբուքյան աջակցությունը հայտնեց Լապշինին ... Ոչ ոք, Լապշինը խոսքի մարդ է, իսկ մեր ականջներին լապշա կախեցին: Չեմ համակերպվում ես անարդարության հետ, չեմ համակերպվում հայկականության,հայության դեպ այս մարտահրավերներին, իսկ ավելի շատ չեմ դիմանում այս համատարած անտարբերությանը: Լսեք հիմա համայն հայությունը պիտի փողոց դուրդ գար, պիտի սաղս գրոհեինք բելառուսիայի դեսպանատունը,որպես աջակցություն և բողոքի նոտա Հայաստանի Հանրապետությունը պիտի բելառուսից ետ կանչեր արտակարգ և լիազոր դեսպանին: Չեմ հասկանում մենք պետություն ենք,թե գաղութ,մենք երկիր ենք թե տարածք,մենք հայրենիք ենք թե կալվածք:

Հասկանում եմ, որ թուրքիայից բերած լոլիկը ձմեռվա կեսին թանկ է, բայց խանութից տեղական ձու կարող էիք չէ առնել ու ձվահարել բելառուսական դեսպանատունը: Թե չէ հիմա մեզ են ձվահարում:Իմ ժողովուրդ, էս երբ դու դարձար այսքան անտարբեր,այս երբ կորցրեցիր միտքդ ու խիղճդ,ինչ պատահեց քեզ ... Միգուցե տարիքիցա,ընկճախտի մեջ ես... Ոնց կարելի է դուրս գալ փողոց պահանջել Գագիկ Ծառուկյանի վերադարձը,բայց դուրս չգալ ու չպաշտպանել Ալեքսանդր Լապշինին: Ոնց կարելի է գնալ ընդիմադդմիկների հանրահավաքներին,բայց Լապշինին չսատարել: Լավ գոնե ձևի համար,որ ադրբեջանցի շները տեսնեն,որ գոնե մի 16-17 մարդ դուրսա եկել մի բան անումա: Համահայկական խայտառակությունա սա: Հիմա ծիծաղում են մեր վրա: Իսկ ծիծաղը երկարացնումա կյանքը: Իսկ մենք մենակ լացելուց ենք լավ: Հային մենակ լացելու առիթ տաս:Մի առիթ տու,ընենց լացի,քո լացնել գա: Բայց ծիծախալ երբեք:-Արա ում քամակնա բաց,որ ծիծաղում ես.... Այ սենց ժողովուրդ ենք մենք: Իրար ձեռք կառնենք, կխափենք, կքցենք,տակ կփորենք,իրար վրա կլացենք,բայց երբեք չենք ծիծաղա մեկս մյուսի վրա: Սպասեք մտածեմ.... Ա՜՜՜ Մենակ չասեք ԲԱՐՈՅԱԿԱՆ ՀԱՂԹԱՆԱԿ: Ետ Բարոյական Հաղթանակ արտահայտությունից լեղապարկիս քարը շարժվում է,իսկ հանած գլաններս բորբոքվում են: Հաղթանակը կամ լինում է,կամ չի լինում,ու հաղթանակի մեջ չկա բարոյականություն: Կամ հաղթանակ է կամ պարտություն: Հաղթանակը 100 հայր ունի, իսկ պատմությունը որբ է, հիշեք: Ցավոք մենք հերթական անգամ կրեցինք պարտությունը,այն էլ գոտկատեղից ցածր հարվածով: Ետ գոտկատեղից ցածր հարվածներին մենք մի տեսակ սովորել ենք, ու կարծես օրգանիզմը իմունիտետ է ձևավորում: Լապշինը տղա է, ով չվախեցավ խոսքից,ով ասում էր արտահայտվում, գրում և հրապարակում այն ինչ տեսնում էր, իսկ մեզանից շատերը ֆեյբուքամոլ են,ովքեր ժամերով վեր են ընկնում էկրանի առաջ ու մկնիկը վեր ու վար անելով սրա նրա սիրուհիների տատու արած ունքերն են ուսումնասիրում: Իսկ Լապշինը տղա է,ով մեզնից շատերի փոխարեն բազմից գնացել էր Արցախ,սիրահարվել, գերվել գեղեցկությամբ ու Արցախ աշխարհով,ով ադրբեջանական մեքենայից չէր վախեցել, ով մասնագիտական պարտքն էր կատարում ու նժարների վրա չէր դնում ճշմարտությունը: Ալեքսանդր Լապշինը մերօրյա հերոսներից էր, ով հիմա բաքվում է,հային ու Հայաստանը պաշտպանելու հետևանքով,իսկ մեզնից շատերը քամակները տաքուկ բազմոցից չեն պոկում,որ դուրս գան փողոց ու բղավեն - ԱԶԱՏՈՒԹՅՈՒՆ Լապշինին:

Ջուրս եռաց, գնամ Լապշայի վրա լցնեմ, որ ուտեք:

Ռաֆայել Մնացականյանի անձնական օրագրից