Սկոլկովոյում քննարկվում են ԵԱՏՄ-ի երկրների տնտեսության թվային վերափոխման հնարավորությունները

Փորձագետները բիզնեսի ներկայացուցիչների, Եվրասիական տնտեսական հանձնաժողովի եւ «Սկոլկովո» ինովացիոն կենտրոնի աշխատակիցների հետ համատեղ արդյունավետ գործիքներ են փնտրելու Եվրասիական տնտեսական միության երկրների տնտեսության թվային վերափոխման ծրագրերի իրագործման, ինչպես նաեւ այնպիսի նախագծերի պորտֆել ձեւավորելու համար, որոնք կարող են դառնալ տարբեր ճյուղերի թվայնացման դրայվերներ եւ ստեղծել շուկայի նոր սեգմենտներ: Այդ մասին, ինչպես տեղեկացնում Է «Արմենպրես»-ը, հ այտնել Է ԵԱՏՀ-ի մամուլի ծառայությունը:

Սեմինարի կազմակերպիչներ են դարձել ԵԱՏՄ-ի Գործարար խորհուրդը եւ Ինտեգրացիոն հետազոտությունների ու հաղորդակցությունների եվրասիական կենտրոնը՝ ԵԱՏՀ-ի աջակցությամբ: Սեմինարին մասնակցելու են հրավիրվել ԵԱՏՄ-ի երկրների բիզնեսի շուրջ հարյուր ներկայացուցիչներ: 

Բացելով սեմինարը՝ ԵԱՏՀ-ի կոլեգիայի նախագահ Տիգրան Սարգսյանը նշել Է, որ թվային վերափոխման հարցը սերտորեն կապված Է ԵԱՏՄ-ի երկրների առջեւ ծառացած բազմաթիվ գլոբալ մարտահրավերների հետ:

Մասնավորապես, Տիգրան Սարգսյանը ուշադրություն Է դարձրել այն բանի վրա, որ «աշխարհում համատարած տեղի Է ունենում տնտեսության թվայնացում, տնտեսական զարգացման նոր մոդելը փոխում Է համաշխարհային կացութաձեւը, հասարակության ինքնակազմակերպման ձեւը: Բազային գործընթաց Է դառնում գիտելիքների արտադրության գործընթացը, որի շուրջ ձեւավորվում Է նոր ենթակառուցվածք: Նախկին ենթակառուցվածքի հիման վրա ապրանքների արտադրությունը ինդուստրիալ հասարակության հին մոդելն Է, որն անցյալ Է դառնում»: ԵԱՏՀ-ի կոլեգիայի նախագահի կարծիքով՝ հավելյալ արժեքն այսօր ստեղծվում Է «նոր Էկոնոմիկայի» ճյուղերում, ինչպես նաեւ ավանդական բիզնեսի այն սեգմենտներում, որոնք թվայնացում են անցել: Դա «թույլ Է տալիս կտրուկ բարձրացնել աշխատանքի արտադրողականությունը՝ այդ ճյուղերը կապելով միջճյուղային թվային հարթակների հետ»: 

Խոսելով այն մասին, թե ԵԱՏՀ-ի նպատակներն ու խնդիրները ինչպես են հարաբերակցվում գլոբալ այդ մարտահրավերների հետ, Տիգրան Սարգսյանը հայտարարել Է, որ թվային տրանսֆորմացիայի պայմաններում ապրանքների, ծառայությունների, կապիտալի եւ աշխատուժի ազատ տեղաշարժն ապահովելու, բոլոր խոչընդոտները, սահմանափակումներն ու բացառումները վերացնելու խնդիրը աջակցման նոր կետեր Է ձեռք բերում եւ միաժամանակ բախվում Է ավելի վաղ հաշվի չառնված դժվարությունների: Մասնավորապես, միջազգային թվային հարթակների հայտնվելը ստիպում Է նորովի նայել քաղաքական ու տնտեսական ի նքնիշխանության խնդրին:

«Ի վիճակի ենք մենք արդյոք պատասխանել այս մարտահրավերին, ի վիճակի ենք արդյոք ստեղծել ԵԱՏՄ-ի մեր սեփական միջճյուղային թվային հարթակները»: Իր ելույթի ավարտին Տիգրան Սարգսյանն այս հարցով Է դիմել սեմինարի մասնակիցներին՝ նրանց մաղթեքով հաջող եւ կառուցողական աշխատանք: 

ԵԱՏՀ-ի ներքին շուկաների, ինֆորմատիզացիայի, տեղեկատվական-հաղորդակցական տեխնոլոգիաների գծով կոլեգիայի անդամ (նախարար) Կարինե Մինասյանը սեմինարի մասնակիցների ուշադրությունը դարձրել Է այն բանի վրա, որ, փորձագետների գնահատմամբ, 2025 թվականին առավել զարգացած երկրներում ՀՆԱ-ի 40-ից մինչեւ 50 տոկոսն ստեղծվելու Է թվային տնտեսության շրջանակներում: Դա նշանակում Է, որ բիզնես-գործընթացների մեծամասնությունն իրականացվելու Է թվային հարթակների օգնությամբ: 

Խոսելով նոր տեխնոլոգիական փուլի սկզբունքային տարբերությունների մասին՝ Կարինե Մինասյանը նշել Է, որ «թվային տնտեսությունը թափանցիկության եւ վստահության համատեղ տնտեսություն Է», եւ միայն պետությունների ու բիզնեսի համատեղ ջանքերով կարելի Է առավելագույն տնտեսական արդյունք ստանալ: 

Սեմինարի մասնակիցները երկու օրվա ընթացքում կմշակեն ԵԱՏՄ-ի երկրների տնտեսությունների թվայնացման ռազմավարությունները՝ ըստ յոթ ուղղությունների, ներառյալ, մասնավորպես, ընդհանուր ֆինանսական ու Էներգետիկական շուկաները, առեւտուրը, տրանսպորտային-լոգիստիկական ենթակառուցվածքը, կադրերի պատրաստումը: