«Երջանիկ եմ, երբ հարձակվում եմ անկեղծորեն և պաշտպանվում եմ անկեղծությամբ». Անահիտ Բախշյան

Exclusive

 

Past.am-ը որոշել է քաղաքական գործիչներին մի պահ կտրել քաղաքական թոհուբոհից: Մեր բլից հարցերին պատասխանում է Երևանի ավագանու անդամ Անահիտ Բախշյանը:

- Ձեր օրն սկսվում է...

- Մի բաժակ սուրճ՝ համակարգչի դիմաց:

- Ո՞վ կամ ի՞նչն է Ձեր ոգեշնչման աղբյուրը:

- Իմ ոգեշնչման աղբյուր կարող է լինել ցանկացած փոքրիկ կամ մեծ իրադարձություն, մարդ, ով իմ մեջ թռչելու զգացում է առաջացնում:

- Գեղեցիկը Ձեզ համար...

- Ներդաշնակությունն է:

- Ու՞մ եք դիմում, երբ հուսահատ եք:

- Իմ նախկին աշակերտներին, ովքեր հիմա իմ ընկերներն են:

- Կյանքում երբեք չեք ների...

- Դավաճանությունը:

- Ձեր ամենամեծ հիասթափությունը...

- Չգիտեմ՝ արդյոք արդեն ամենամեծը ապրել եմ, թե ոչ, բայց հիասթափվել եմ, երբ դիմացինը վաճառել է իմ զգացմունքները:

- Մի բան, որի համար շատ եք ափսոսել...

- Ափսոսում եմ կորցնել իմ շուրջը եղած թանկ մարդկանց:

 

- Ձեր կյանքի ամենառոմանտիկ հանդիպումը...

- Եղել է 50 տարի առաջ, երբ հանդիպել եմ իմ ամուսնուն:

- Երբ բարկացած եք...

- Ուզում եմ լեզուս կծել, ատամներս սեղմել:

- Ձեզ հասկանալու համար դիմացինը պետք է...

- Հոգին բաց լինի:

- Եթե լինեիք ամոնազոր...

- Հայաստան պետությունը կդարձնեի արժանապատիվ ապրելու վայր՝ բոլորի համար:

- Հայրենիքը Ձեզ համար...

- Ամեն ինչ է, բայց ոչ բառ:

- Ձեր կյանքի ամենամեծ ձեռքբերումը...

- Իմ սերը:

- Ամենաշատը երազում եք...

- Երազում եմ Հայաստան և Արցախ միությունը:

- Երբեք չեք փորձի...

- Լքել մարդուն, ով իմ կարիքն ունի:

 

- Աշխարհի լավագույն վայրը Ձեզ համար...

- Հայաստանն է:

- Միշտ վախեցել եք...

- Շողոքորթներից ու սողուններից:

- Մարդ, ով փոխել է Ձեզ...

- Յուրի Բախշյան:

- Տանել չեք կարողանում...

- Ստորաքարշ վարքագիծը:

- Մի բառով բնորոշեք ինքներդ Ձեզ:

- Մի բառով չեմ կարող:

- Տարվա ո՞ր եղանակի հետ եք Ձեզ ասոցացնում:

- Ես չորս եղանակն էլ ունեմ իմ մեջ:

- Իր, որ միշտ Ձեզ հետ է...

- Մայրիկիս նվիրած խաչը:

- Երջանկության՝ Ձեր բանաձևը...

- Երջանիկ եմ, երբ հարձակվում եմ անկեղծորեն և պաշտպանվում եմ անկեղծությամբ:

 

- Վերջին անգամ ե՞րբ եք արտասվել:

- Ես շատ լացկան եմ: Ամեն պահի կարող եմ արտասվել, երբ ինչ-որ զգայացունց բան եմ կարդում կամ դիմացինս ինչ-որ բան է պատմում:

- Այս պահին կուզենայիք...

- Ընտրությունները վերջացած լինեին:

- Ձեր գերագույն նպատակն այս կյանքում...

- Ապրել սիրով և մարդավարի:

- Ուրիշ ի՞նչ հարցի կցանկանայիք պատասխանել, որը չհնչեց:

- Ինչ հարցրեցիք, հերիք է:

- Եվ վերջում...

- Ափեափ սեր եմ մաղթում բոլորին: Թող ամեն մարդ իր մեջ գտնի սիրո տակառը, կարողանա դրա բերանը բացել, և սերը հորդի իր միջից: Այդ դեպքում մենք ավելի երջանիկ կապրենք:

 

Մարիամ Նալբանդյան