Շատ հետաքրքիր եթերաշրջան է սպասվում. Անի Լուպեն՝ «Ազիզյաններ» սիթքոմի մասին
LIFELife.panorama.am-ը գրում է
Կարճատեւ դադարից հետո «Ազիզյաններ» սիթքոմը սկսել է իր երկրորդ եթերաշրջանի նկարահանումները: Առջեւում հեռուստադիտողին սպասվում են նոր զարգացումներ, հետաքրքիր ու ծիծաղաշարջ իրավիճակներ, որոնցում կհայտնվեն սիրված հերոսները:
Life.panorama.am-ը սիթքոմի նոր զարգացումների մասին խոսել է դերասանուհի Անի Լուպեի հետ, ով, ինչպես հայտնի է, Ազիզյանների ընտանիքի մայրիկի կերպարն է մարմնավորում:
«Մենք արդեն սկսել ենք մեր սիրելի աշխատանքը, հեռուստադիտողին շատ հետաքրքիր եթերաշրջան է սպասվում, որի մանրամասների մասին, բնականաբար, չեմ հայտնի որպեսզի էլ ավելի հետաքրքիր լինի հեռուստադիտողին»,- նշեց դերասանուհին ու ավելացրեց.
«Հաջող փորձը էլ ավելի պարտավորեցնող է, սակայն ինքս երկու եթերաշրջանների դեպքում էլ առանձնակի ուշադրություն եմ դարձնում իմ կերպարին, որպեսզի այն ընդունվի ու սիրվի»:
Ինչպես հայտնի է, Անի Լուպեն նաեւ երգում է, պարզվում է, որ նա նպատակ ունի տեսահոլովակով հանդես գալ.
«Իհարկե, ցանկություն ունեմ տեսահոլովակ նկարահանել, կարծում եմ, դա շատ չի ուշանա, ուղղակի այս պահին մի քանի անավարտ գործեր ունեմ, որոնք վերջացնելուց հետո կպլանավորեմ այն»,- տեղեկացրեց երգչուհի դերասանուհին:
Հետեւելով Անի Լուպեի սոցիալական էջերի հրապարակումներին, անմիջապես հասկանալի է դառնում, որ նա սիրում է կյանքն ու վայելում է ամեն վայրկյանը: Անին վստահեցնում է.
«Լավատես լինելն ինձ համար ստացվելիք չէ, այլ կենսակերպ: Ես հատուկ բաներ չեմ անում դրա համար»:
Մեր նկատառմանը, թե տպավորություն է, որ Անի Լուպեն ընդհանրապես չի տխրում ու բարկանում, եւ հարցին, թե իրականում ի՞նչը կարող է նրան հունից հանել, պատասխանեց.
«Շատ բաներ կան, որ ինձ կարող են բարկացնել: Օրվա ընթացքում կարող են լինել մի շարք անկանխատեսելի երեւույթներ, որոնք չեմ կարող թվել: Միակ բանը, որ ինձ բարկացնում է ամեն օր, իմ խիղճն է, որը հաճախ ինձ խանգարում է»:
Հեղինակ՝ Անուշիկ Մելքոնյան
1
IDBank Presents the Rate.Trading Digital Platform at Toon Expo.Invest 2026
2
IDBank to Present a Unified Ecosystem Concept at DigiTec 2026
3
Ucom Supports Annual Mini Whoop Drone Racing Armenia 2026 Competition in Yerevan
4
SoftConstruct and the French University in Armenia Sign A New Memorandum of Understanding
5
Ucom and Impact Hub Yerevan Wrap Up the Third Edition of Their Green Entrepreneurship Program



