Ինչ կարո՞ղ է տալ ՄԱԿ-ի Գլխավոր ասամբլեայի 70-րդ նստաշրջանը Հայաստանին
BLOGԼևոն Մարգարյանը ֆեյսբուքյան իր էջում գրում է.
Ուղղակիորեն ոչինչ: Նույնիսկ միջնորդ կողմերի ներկայությամբ հնարավոր հանդիպումները ադրբեջանական կողմի հետ դժվար ինչ որ բեկումնային բան փոխեն վերջին դեպքերից հետո: Փորձը ցույց տվեց, որ Ադրբեջանին հետ հարաբերություններում այսուհետ հիմնական գործիքը լինելու է ուժայինը, մանավանդ էս փուլում, երբ «մեծերը» խառն էին առավել ընդգծվեց էն, որ էս կռվում մենք մեզանով ենք: Նույն մեծերի անտարբերությունը վերջին օրերին ՄԱԿ-ում և ոչ միայն ամրագրեց այդ պնդումը:
Անուղղակի կերպով շատ բաներ կապ ունեն Հայաստանի հետ: Արևմուտք-Ռուսաստան հարաբերություններում լարվածության թուլացումը բխում է մեր շահերից: Ասադի ռեժիմի հանդեպ Արևմուտքի կտրուկ դիրքորոշման փոփոխությունը բխում է մեր շահերից, առաջին հերթին Սիրիայում ապրող ու ապրած մեր հայրենակիցների, երկրորդ հերթին տարածաշրջանային կայունության առումով:
Ընդհանրապես գերտերությունների միջև առկա հակասություններով ոգևորվելը, Օբաման էր ուժեղ տղա, թե Պուտինը, ով ում բարևեց, ով ում խանդեց, ով ում կենացի ժամանակ մտավ ֆեյսբուք ոճի ազարտային խաղիկները ինչքան էլ գրավիչ լինեն բոցվելու համար, բայց մեր պես փոքրիկ երկրի համար չեն, թե որպես պետություն, թե որպես երկու կողմերում էլ սփյուռք ունեցող ու այդ սփյուռքից ֆինանսական հոսքեր ստացող հասարակություն: Ինչքան աշխարհը խաղաղվի, էտքան ավելի լավ մեր համար, էտքան մեր ձայնը լսելի կլինի: