Yerevan, 20.November.2026,
00
:
00
BREAKING

«Արժեքավոր որևէ երգ չի ստեղծվում». Աննա Խաչատրյանը շոու բիզնեսի միատարրության և եկամուտի աղբյուրի մասին

PHOTO

Tert.am Life–ը գրում է.

Երգչուհի Աննա Խաչատրյանը պարբերաբար ակտիվանում է և նոր գործեր ներկայացնում իր լսարանին։ Հետո կրկին պասիվանում է ու անհետանում հանդիսատեսի տեսադաշտից։ Ըստ նրա՝ այդ դադարները ստեղծագործական են։ Tert.am Life–ն Աննայի հետ զրուցել է ստեղծագործական գործունեության, հիասթափության, շոու բիզնեսի միատարրության և անձնական կյանքի մասին։

–Աննա, փուլ առ փուլ ակտիվանում և պասիվանում եք։ Ինչո՞վ է դա պայմանավորված։ Որպես երգչուհի՝ չի՞ խանգարում Ձեզ։

–Կարծում եմ՝ բոլոր մարդկանց կյանքում էլ լինում են ակտիվության ու պասիվության փուլեր։ Ես շարունակում եմ աշխատել իմ բնականոն հունով ։ Հնարավոր է, որ կորում եմ հանդիսատեսի աչքի առաջից, սակայն իմ ստեղծագործական պրոցեսը շարունակվում է։ Ես բավականին նոր երգեր ունեմ և դեռ պիտի ձայնագրեմ։ Կարծում եմ՝ տարվա ընթացքում տեսահոլովակ էլ կլինի։ Ես չեմ հանձնվում։

–Ինչո՞վ եք զբաղվում հիմա, որտե՞ղ եք երգում։

–Դեռ չեմ աշխատում, բայց շուտով կաշխատեմ։

–Ձեր սերնդի երգիչների մեծ մասը դադարել է ակտիվ գործունեություն ծավալել։ Նրանք ասում են, որ լճացում կա, հիասթափված են։ Իսկ Դուք հիասթափվա՞ծ եք։

–Ես, երևի, բացառություն չեմ։ Այդ հարցի վերաբերյալ իմ կարծիքը կտրուկ չի տարբերվում մյուսներից։ Լճացում կա, կա նաև շատ անորակ  առաջարկ, երևի թե, պահանջարկից ելնելով, սակայն ես չեմ կարծում, որ եթե պահանջարկն անորակ է, պիտի առաջարկն էլ այդ աստիճանի անորակ լինի։ Ես դեռ պայքարում եմ այդ ամենի դեմ։ Չգիտեմ՝ ինչքանով է ստացվում կամ ոչ։

Իրականում շատ տխուր վիճակ է երգարվեստում։ Արժեքավոր որևէ երգ չի ստեղծվում։ Ժամանակավոր հիթեր լինում են, բայց դրանք թիթեռնիկի կյանք ունեցող երգեր են։ Օրինակ՝ երբ ես առաջին քայլերս էի անում երգարվեստում, ինչքան լավ, ճիշտ, արժեքավոր ու գրագետ երգեր կային, որ հիմա չկան։ Միգուցե պատճառն այն է, որ պահանջարկն է դարձել շատ ցածրորակ, միգուցե կոմպոզիտորների ստեղծագործական միտքն է սպառվել կամ մտածում են թեթև ինչ–որ բաներ անեն՝ ուղղակի փող աշխատելու համար։ Չգիտեմ՝ որն է պատճառը։

–Այսինքն՝ շոու բիզնեսի այն երգիչները, որոնք շարունակում են ակտիվ գործունեություն ծավալել, նրանք, ովքեր մեծ պահանջարկ ունեն, անորակ երգե՞ր են առաջարկում։

–Ինչ–որ մարդիկ կան, որոնք իներցիայի ուժով են շարունակում պահանջված լինել՝ անկախ նրանից, թե ինչ են առաջարկում, բայց կան նաև անորակ երգեր ներկայացնող մարդիկ։ Չեմ ուզում անձնավորել, քանի որ ինձ համար կարող է անորակ ու ցածրորակ լինել մի երգը, դիմացինի համար՝ ուրիշը։

Ինչ–որ մակարդակ կա, որից ցածր չպետք է իջնել։ Կարծում եմ՝ իմ կոլեգաներից շատ–շատերը գնում են այդ կոմպրոմիսին։ Ես դեռ պայքարում եմ և չեմ ուզում գնալ այդ կոմպրոմիսին։ Դա է պատճառը, որ այդքան ակտիվ չեմ և այդքան չեմ երևում։

–Ինչո՞վ է պայմանավորված «իներցիայի» ուժը և ինչո՞ւ չի գործում Ձեր դեպքում։

–Այդ ուժը հարաբերական է։ Ես չեմ կարող ասել, որ իմ մասին չեն հիշում, ինձ մոռացել են։ Ես փողոցում եմ լինում և մարդիկ մոտենում են ինձ, կարծիքներ են հայտնում։ Ես շատ շոյվում եմ, որովհետև ճնշող մեծամասնությունը դրական է արտահայտվում իմ երգարվեստի մասին։ Ինչ վերաբերում է լայն մասսաների համար իներցիայի ուժով գնալուն՝ երևի, նրանց դեպքում ժայթքումն ավելի ուժեղ է եղել, մինչև հիմա շարունակվում է։ Իմ դեպքում լայն մասսաների համար, միգուցե, ալիքի ուժը մի քիչ ավելի թույլ է եղել, բայց նորից եմ կրկնում, դա շատ հարաբերական է։ Ինձ առ այսօր հիշում են, ճանաչում և ջերմ վերաբերում։

–Շոու բիզնեսից շատերը սկսել են կողմնակի աշխատանքով էլ զբաղվել, որովհետև այն եկամուտը, որ  ապահովում է երգարվեստը, չի բավարարում։ Ձեր դեպքում ինչպե՞ս է։

–Անկեղծ ասած, ինձ էլ չեն բավարարում այն եկամուտները, որոնք ստանում եմ երգարվեստի միջոցով, բայց պիտի նաև խոստովանում, որ ես չունեմ կողմնակի եկամուտի աղբյուր։

–Իսկ ինչպե՞ս եք կարողանում հոգալ ծախսերը։ Հատկապես, որ կոմերցիոն երգեր քիչ ունեք, կորպորատիվ միջոցառումների հրավերները պետք է քիչ լինեն։

–Իմ երգացանկում շատ–շատ են 6/8 ձևաչափի երգերը։ Հնարավոր է՝ ոչ այնքան կոմպրոմիսային կոմերցիոն, բայց ես երբևէ չեմ ունեցել խնդիր՝ կապված կորպորատիվների հրավերների հետ։ Ես միշտ էլ ունեցել եմ կորպորատիվների հրավերներ և եթե ինձ ակումբներից, ռեստորաններից հրավիրում են աշխատելու, նշանակում է՝ կարողանում եմ ապահովել այդ «տաշի–տուշին»։

–Կորպորատիվները Ձեզ բավարարո՞ւմ են։

–Չեն բավարարում, իհարկե։ Շատ ավելի լավ կլիներ, եթե  դրանք շատ ավելի շատ լինեին, սակայն ես չեմ սիրում բողոքել։ Փորձում եմ այնպես անել, որ բողոքելու առիթ ու պատճառ չլինի։ Ես երգում եմ ոչ միայն 6/8 ձևաչափի պարային, այլև ակումբային երգեր։ Համաշխարհային գրեթե բոլոր երգերը ներկայացնում եմ cover տարբերակով։  Շատ անգամ, ինձ դրանց համար էլ են հրավիրում։

–Դուք նշեցիք, որ փորձում եք չգնալ կոմպրոմիսի։ Արդյոք դեպի այդ պարային՝ «տաշի–տուշի» ռիթմերը գնալն այդ կոմպրոմիսը չէ։ Ի վերջո, Ձեր երգացանկը հարմարեցնում եք ռեստորանային երգացանկին։

–Ինչ խոսք, ինչ–որ չափով հարմարեցնում եմ, բայց դա չի նշանակում, որ այն միայն ռեստորանային է։ Դա ռեստորանային չէ, որովհետև ռեստորանայինի մակարդակն ու իմ երգածի մակարդակը մի քիչ տարբեր են։ Մի քիչ չէ, ահագին։

–Դա Ձեզ չի՞ խանգարում։

–Բնականաբար, չէ, որովհետև երբ հնչում է Աննա Խաչատրյան անունը, մարդիկ գիտեն, որ թեկուզ նույն 6/8 չափի մեջ, թեկուզ նույն պարային երգն այլ տեսակի մեջ պետք է լինի։

–Ձեր հաջորդ աշխատանքը 6/8 ձևաչափո՞ւմ է լինելու։

–Չեմ ուզում շատ մանրամասնել, բայց կարող եմ ասել, որ սպասվում է աշխատանք նաև 6/8–ի մեջ։

–Ձեր նախորդ տեսահոլովակը շատ գունեղ էր։ Անսպասելի էր այդպիսի աշխատանք տեսնել Ձեր կողմից։ Հաջորդ նորությունը և՞ս անակնկալի կբերի լսարանին։

–Ես մտածում եմ,  թե ինչպես ներկայացնեմ, որ անակնկալ լինի։ Տեսնենք՝ կստացվի՞։

–Ըստ Ձեզ՝ շոու բիզնեսում բազմազանություն կա՞։ Դժվա՞ր է նոր բան ներկայացնել, թե՞ այսօր նույնաոճ աշխատանքներ են ներկայացնում՝ ընդառաջ գնալով պահանջարկին։

–Շոու բիզնեսը հիմա դարձել է շատ  միատարր, բայց այդ միատարրությունից շատ պոկվել էլ չես կարող, որովհետև դա չի աշխատի։ Պետք է գտնել այն ոսկե  միջինը, որպեսզի մի քիչ առանձնանաս, բայց «Մարսից եկած» չլինես։

–Դուք գտե՞լ եք ոսկե միջինը Ձեզ համար, թե՞ դեռ փնտրում եք։

–Փնտրում եմ։

– Բարդ չէ՞, երբ դաշտում այնպիսի իրավիճակ է, որ կայացած երգչուհին ընկնում է փնտրտուքի մեջ և միատարրության մեջ ոսկե միջին գտնում։

–Փնտրտուքի մեջ պարտադիր է լինել, բոլոր մարդկանց համար, ովքեր զբաղվում են արվեստով։ Արվեստն ինքնին փնտրտուք է։  Ոսկե միջինը հարում է այն թեմային, որ չազդի որակի, ճաշակի և իմ պլանկայի վրա։

–Հայտնի մարդու կյանքը ունի ինչպես հաճելի, այնպես էլ կողմեր։ Տարիներ շարունակ ուշադրության կենտրոնում ապրելն ի՞նչ է տվել, ի՞նչ է խլել Ձեզանից։

– Խլել է ազատությունս, տվել է շատ զգուշավորություն։ Սկզբում շատ էի նեղվում այդ ամենից, հիմա շատ թեթև եմ նայում, որովհետև եթե մարդիկ քեզ քննարկում ու քննադատում են, նշանակում է՝ քեզանից ինչ–որ բան ես ներկայացնում ու հետաքրքր ես իրենց։

–Հանրությունը Ձեզ տարբեր փուլերում վերագրել է անձնական հարաբերություններ, դա ինչքնո՞վ է Ձեզ խանգարել։

–Ընդհանրապես չի  խանգարել։ Եթե ինչ–որ մեկն ասում է, որ ես շաշ եմ, ես դրանից շաշ չեմ դառնում։ Ես անիմաստ եմ համարում ներվայնանալ այն թեմայով, որ իմ անունը կապել են ինչ–որ մարդկանց հետ։ Դա նյարդայնացնում է, երբ մարդը թաքցնելու բան է ունենում, անհանգիստ է լինում ինչ–որ թեմայից։ Ես հումորով եմ  նայում այդ թեմային, որովհետև թաքցնելու ոչինչ չունեմ։ Չգիտեմ՝ լավ է, վատ է, դա է։

–Կողակից ունե՞ք։

–Չունեմ այնպիսի կողակից, ում մասին կարող են բամբասանքներ տարածվել։ Բամբասանքներ առաջացնող որևէ մեկը երբևէ չի կարող հայտնվել իմ կողքին։

Հարցազրույցը՝ Ամալյա Հովհաննիսյանի

Ucom and Impact Hub Yerevan Wrap Up the Third Edition of Their Green Entrepreneurship Program SoftConstruct and the French University in Armenia Sign A New Memorandum of UnderstandingIDBank to Present a Unified Ecosystem Concept at DigiTec 2026Ucom Supports Annual Mini Whoop Drone Racing Armenia 2026 Competition in YerevanIDBank Presents the Rate.Trading Digital Platform at Toon Expo.Invest 2026The Second Khachaturian International Youth Competition Concludes at China National Opera House Under the Artistic Direction of Sergey Smbatyan "The network this time for COP17 was the most one of exceptional network we have ever had." The service quality by Team was highly appreciated by UN representative Rate.Trading: Large Transactions with Digital Management of Exchange Rate RisksVIVA Foundation Named November Beneficiary of “The Power of One Dram”Special Mortgage Offers: IDBank at Toon Expo: Invest 2026Vahe and Vigen Badalyan File Lawsuit Against 1in.am Seeking Protection of Their Business ReputationIDBank at the UBA Regional Conference: From Travel Solutions to Business OpportunitiesJoint statement by the parties consolidatted around the national agenda35% Discount for the 35th Anniversary on Selected IDBank CardsConverse Bank Expands Its International Capabilities Through Cooperation with Citibank N.A.Business loan pre-approval in five minutes — what did Unibank showcase in Gyumri?Converse Bank Expands Its International Capabilities Through Cooperation with Citibank N.A.Bratislava forum to debate Armenia’s strategic future Ucom Service Center in Artashat Reopens at a New Address Ucom and Republican Union of Employers of Armenia Sign Cooperation MemorandumCreate your Visa Digital from Unibank for purchases and transfers Ucom – Main Sponsor of the 21st International Microelectronics Olympiad IDBank and Idram Hold Financial Literacy Session for Young Chess PlayersUcom Supports Silicon Mountains 2026, Driving Innovation and Technological Development IDBank has issued perpetual coupon bonds for the first timeIDBank Supports the Reconstruction of the Spandaryan Canal: Commemorative Plaque Dedicated to the Project SignedIDBank and Idram Presented Several Environmental Initiatives at COP17Ucom Shares Its Experience in Private Sector Engagement in Nature Conservation at COP17 Blue Zone«Here’s the screenshot, the money has been transferred»: IDBank warns of fake payment scamsFirst Steps in Your Career with IDBank: 16th Cycle of IDream LaunchedDigital Architecture for a Sustainable Future: IDBank's Article in Regional Post MagazineRate.Trading. New Digital Culture of Currency ExchangeDigital Future and Sustainable Development: IDBank's Chairman of the Management Board in an Interview with ForbesApplications Now Open: Armenian Virtuosos International Academy-Festival 2027Book Published with Ucom’s Support Presented at COP17: “The Secret Path of Hovazadzor”Ucom Highlights the Role of Technology in Nature Conservation at COP17“The people of Stepanavan will show through their votes that every attempt to deceive them with videos is doomed to fail”: “Strong Armenia” Party With Ucom’s Support, SunChild Brings Cinema and Environmental Conservation TogetherYoung Musicians of the “Armenian Virtuosos” Program Perform in the COP17 A Birthday in Italy with UnibankIdram and IDBank Participated in the Opening of My Forest Armenia’s Pavilion at COP17Unibank Receives B++ Sustainability Alignment Rating from Agents for Impact GmbH Ucom Supported Yerevan Conservation Symposium 2026 as Strategic PartnerIDBank to Showcase Environmental and Innovative Initiatives at COP17New AI-Powered Wildlife Monitoring Camera Installed in Paruyr Sevak with the Support of Ucom35 Years of Trust: IDBank Celebrates with Its CustomersBusiness and mining leader Mark Cutifani to deliver keynote speech at the 3rd Mining Armenia Forum“From Classroom to Orbit”: With Ucom’s Support, “Space 1.0” Is Being Introduced in 15 Schools Across ArmeniaAfeyan Initiatives for Armenia Awards Grant to the Armenia Education Initiative to Expand the Teach For Armenia’s Seroond School Turnaround Program Ucom to Participate in COP17 Together with FPWC, Showcasing Their Environmental Partnership