ՀՀ-Իրան առևտրատնտեսական «ալյանսի» նոր ֆրոնտը
BLOGՄանե Զաքարյանը ֆեյսբուքյան իր էջում գրում է.
Իրանի հետ Հայաստանի առևտրատնտեսական համագործակցության մակարդակը չի համապատասխանում առկա հնարավորություններին: Երկու երկրների միջև առևտրաշրջանառությունը ընդամենը սիմվոլիկ թիվ է կազմում՝ հաշվի առնելով ստեղծված պայմանները և նախադրյալները առևտրաշրջանառության ծավալը հասցնելու մինչև 1 մլրդ դոլարի:
ՀՀ-Իրան առևտրատնտեսական համագործակցությունը խորացնելու նպատակով կողմերը նոր նախաձեռնություններով են հանդես գալիս: Օրինակ՝ Հայաստանն Իրանին առաջարկել է ստեղծել հայ-իրանական համատեղ ներմուծող-արտահանող ընկերություն, որը կօգնի ինչպես ՀՀ ապրանքներն արտահանել հարևան երկիր, այնպես էլ կազմակերպել՝ իրանական տեսականու մուտքը Հայաստանի հետ արտոնյալ ռեժիմ ունեցող ռուսական և եվրամիության շուկաներ:
Առաջարկը պաշտոնական Թեհրանին են փոխանցել տնտեսական զարգացման-ներդրումների նախարարությունից: Խորհրդակցությանը քննարկվել են և՛ փաստաթղթի տեքստը, և՛ այն ապրանքների ցանկը, որոնց համար կողմերն առաջարկում են մաքսային սակագների արտոնություն տալ: