Խայտառակություններ, որոնց պատճառով հայտնիները «ամոթից գետինն են մտել» (լուսանկարներ)

life.tert.am-ը գրում է.

Բոլորի կյանքում էլ ամոթալի դրվագներ եղել են։ Աստղերը ևս բացառություն չեն, սակայն, եթե մյուս մարդկանց դեպքում այդ պահերը ժամանակի ընթացքում մոռացվում են, ապա աստղերի դեպքում տարիներ շարունակ մնում են հիշողության մեջ։

Woman-ը գրում է, որ աստղերի ամեն քայլին հետևում են երկրպագուներն ու պապարացիները, որոնք կարող են ավելի ամոթալի ու խայտառակ դարձնել նրանց կյանքի անհաջող դրվագները։

Դիզայներ Վիկտորիա Բեքհեմը համարվում է ամենաոճային կանանցից մեկը, սակայն նրա կյանքն էլ զերծ չէ տհաճ իրավիճակներից։ 2015 թվականին դիզայները երեկույթ էր կազմակերպել Լոնդոնում խանութ բացելու առիթով։ Երեկույթին ներկա էին տասնյակ աստղեր, սակայն ամբողջ ուշադրությունը հենց Վիկտորիայի վրա էր։ Քիչ անց տեսախցիկները անմահացրել են այն պահը, երբ նա ամբողջ ուժով բռնվել էր ամուսնուց՝ Դևիդ Բեքհեմից ու վազելով փախչում էր երեկույթից։ Լուսանկարում կարելի էր տեսնել, որ նրա ինտիմ հատվածում տաբատը թաց էր։ Երկրպագուներից շատերը կարծել են, որ դա ինչ որ թշնամու ձեռքի գործն է, որը խմիչքը Վիկտորիայի վրա էր լցրել, սակայն ոմանք էլ մտածել են, որ դիզայները պարզապես չի կարողացել զսպել իրեն։

Բրիտանական թագավորական ընտանիքի անդամներից ամենաշատն արքայազն Հարին է ուշադրություն գրավում։ 2005 թվականին նա դիմակավորված երեկույթի է մասնակցել, որի ընթացքում ֆաշիստական նշան ունեցող հագուստ է հագել։ Երեկույթի լուսանկարները տարածվել են համացանցում և հայտնվել The Sun ամսագրի շապիկին։ Բուքինգհեմյան պալատի մամուլի բաժինը ստիպված է եղել ներողություն խնդրել արքայազն Հարիի անունից։

Մադոննան համարվում է շոուբիզնեսի ամենասկանդալային ու էպոտաժային դեմքերից մեկը։ 2016-ին Մադոննան արբած վիճակում այցելել է Լոնդոնի ցուցասրահներից մեկն ու հենց իր լուսանկարների տակ գետնին ընկել ու պրովոկացիոն կեցվածքներով լուսանկարվել։ Լուսանկարիչ Մերտ Ալասը նրա կողքին է նստել, որպեսզի մի փոքր մեղմի իրավիճակը։

2016-ին երգչուհի Քրիստինա Ագիլերան բավականին անհարմար իրավիճակի մեջ է հայտնվել։ Բլյուզ երգչուհի Էտտա Ջեյմսի թաղման ժամանակ ելույթ ունենալու ընթացքում երկրպագուները նկատել են, որ երգչուհու ոտքերի վրայով մուգ գույնի հեղուկ է հոսում։ Քիչ ուշ պարզվել է, որ երգչուհին լարվել է ու նրա արհեստական արևայրուքը ծորացել է։ Երկրպագուներն այս ամենը հակահիգիենիկ են համարել։

 

Դերասան Ջոնի Դեփը բազմաթիվ անհարմար իրավիճակներում է հայտնվել, այդ թվում նաև ոստիկանական բաժանմունքում։ Սակայն, Վանեսա Պարադիի հետ ծանոթանալուց ու ամուսնանալուց հետո նա, կարծես թե,լրջացել էր ու դադարել էր անմիտ կյանք վարել։ Սակայն, 2014-ին Hollywood Film Awards-ի ժամանակ բոլորը հասկացան, որ Դեփը հին կյանքին է վերադարձել։ Նա արբած վիճակով բեմ էր բարձրացել ու հայհոյում էր բոլորին։ Սկզբում նա դժգոհել էր բարձրախոսից, իսկ հետո իր ամբողջ ելույթն անցկացրել հայհոյանքներով։

 

 

Երգչուհի Բրիթնի Սփիրսի կյանքում ևս շատ են ամոթալի պահեր եղել։ 2016-ին Լոս Անջելեսի համերգի ժամանակ պայթել է նրա կրծկալը, իսկ 2015-ին արձակվել է կոմբինիզոնը։ 2017-ի համերգներից մեկի ժամանակ երգչուհին չի նկատել, թե ինչպես է կոմբինիզոնն արձակվել ու կուրծքը բացվել։ Երկրպագուները միանգամից լուսանկարել են նրան ու հրապարակել կադրերը։

 

 

Դերասան Ժերար Դեպարդյեն ամենահմայիչ դերասաններից մեկն է, սակայն նրա կյանքը ևս զուրկ չէ ամոթալի պատմություններից։ 2011-ին նա ինքնաթիռով թռչում էր Փարիզից Դուբայ։ Նա ցանկացել է զուգարան գնալ, սակայն բորտուղեկցորդուհին թույլ չի տվել՝ անվտանգության նկատառումներով։ Մի քանի րոպե հետո դերասանը պարզապես չի դիմացել ու իր կարիքները հենց ինքնաթիռում է հոգացել, ինչից հետո ինքնաթիռն ետ է վերադարձել օդանավակայան։ Դերասանի ներկայացուցիչները փաստել են, որ նա այդ ամենը շշի մեջ է արել, որը պարզապես լցվել է։ Այս ամենից հետո դերասանը լավ տարբերակ է գտել, որպեսզի խաղարկի այդ իրավիճակը՝ նա նկարահանել է «Աստերիքսն ու Օբելիքսը օդում» կոչվող հոլովակը, որտեղ նրանք թռչում են ինքնաթիռով և Օբելիքսը ցանկանում է ինչ ու բան ուտել։ Նրան թույլ չեն տալիս և նա վազելով գնում է դեպի ուտելիքը։

 

Երգչուհի Քեթի Փերին երբեք էլ ամաչկոտ չի եղել։ Հանգստի ժամանակ նրա լողազգեստի ներքևի հատվածն ընկել է ու նրա մարմինը հայտնվել է մարդկանց ուշադրության կենտրոնում։ Քեթին ծիծաղել ու պարզապես իրավիճակը կարգի է բերել։

Շարունակությունն՝ այստեղ