«Ես շատ ամուր եմ կանգնած ոտքերիս վրա և ուղղակի օդի մեջ երազել չեմ սիրում». Նառա

Exclusive

 

Past.am-ի բլից հարցերի թիրախում այս անգամ սիրված երգչուհի Նառան է:

 

- Ձեր օրն սկսվում է...

- Մի գավաթ սուրճով:

- Ո՞վ կամ ի՞նչն է Ձեր ոգեշնչման աղբյուրը:

- Արթնանում ես՝ կյանքն արդեն ոգեշնչում է:

- Գեղեցիկը Ձեզ համար...

- Մարդու գեղեցիկ հոգին է:

- Ու՞մ եք դիմում, երբ հուսահատ եք:

- Փորձում եմ ինքս հաղթահարել, ինքս ինձ հետ եմ մնում:

- Կյանքում երբեք չեք ների...

- Երբեք բառն աշխատում եմ երբեք չօգտագործել:

- Ձեր ամենամեծ հիասթափությունը...

- Առանց հիասթափության պրոգրես չի լինի, դրա համար, թեկուզ շատ են լինում, բայց մեծ արժեք չեմ տալիս դրանց:

- Մի բան, որի համար շատ եք ափսոսել...

- Ես երբեք ոչնչի համար չեմ ափսոսում:

- Ձեր կյանքի ամենառոմանտիկ հանդիպումը...

- Եղել են իհարկե, բայց դրա մասին կլռեմ:

- Երբ բարկացած եք...

- Փորձում եմ ինձ հավաքել:

- Ձեզ հասկանալու համար դիմացինը պետք է...

- Ուղղակի հասկանա:

- Ընտանի կենդանի ունե՞ք:

- Այո, շնիկ:

- Եթե լինեիք ամենազոր...

- Երանի՜:

- Հայրենիքը Ձեզ համար...

- Իմ ծնողն է, երեխաս, իմ թևութիկունքը: Առանց դրա ես չեմ պատկերացնում կյանքս, որովհետև ես շատ եմ սիրում իմ հայրենիքը՝ երեխայի և մոր պես:

- Ձեր կյանքի ամենամեծ ձեռքբերումը...

- Երեխաներս, ընտանիքս, շրջապատս, ընկերներս... Գումարային ձեռքբերումները ձեռքի կեղտ են, կարող են գալ ու գնալ, իսկ մարդկային հարաբերություններն ավելի մնայուն են:

- Ամենաշատը երազում եք...

- Ես շատ ամուր եմ կանգնած ոտքերիս վրա և ուղղակի օդի մեջ երազել չեմ սիրում:

- Երբեք չեք փորձի...

- Մարդուն անմեղ տեղը և, ընդհանրապես, նեղացնել:

- Աշխարհի լավագույն վայրը Ձեզ համար...

- Ես սիրում ու հարգում եմ աշխարհի բոլոր երկրների մշակույթները, բայց ամենալավն ինձ համար էլի իմ հայրենիքն է:

- Միշտ վախեցել եք...

- Չարությունից:

- Մարդ, ով փոխել է Ձեզ...

- Չկա ինչ-որ մարդ, ով կարող է ինչ-որ մեկին փոխել՝ ծնված օրվանից: Կյանքը կարող է ինչ-ինչ փոփոխությունների ենթարկել, բայց գլոբալ առումով ոչ ոք չի փոխվում:

- Տանել չեք կարողանում, երբ...

- Սուտ են խոսում:

- Մի բառով բնորոշեք ինքներդ Ձեզ:

- Մարդ:

- Տարվա ո՞ր եղանակի հետ եք Ձեզ ասոցացնում:

- Գարուն:

- Իր, որ միշտ Ձեզ հետ է...

- Հոգիս:

- Երջանկության՝ Ձեր բանաձևը...

- Երջանկության բանաձև՞: Այդպիսի բանաձև է՞լ ունենք: ))

- Առանց ինչի՞ չեք կարող ապրել:

- Կյանքի:

- Ամենակարևորը՝ կյանքում…

- Լինել առողջ, շրջապատված սիրելի և սիրված մարդկանցով:

- Վերջին անգամ ե՞րբ եք արտասվել:

- Այս հարցին չեմ պատասխանի: ))

- Այս պահին կուզենայիք...

- Այս պահին և միշտ կուզենայի, որ բոլորը լինեն ուրախ, առողջ, հաջողակ և լինի խաղաղություն:

- Ձեր գերագույն նպատակն այս կյանքում...

- Կյանքս անպիտան չլինի:

- Ուրիշ ի՞նչ հարցի կցանկանայիք պատասխանել, որը չհնչեց:

- Ես չէի ուզում հարցերի պատասխանել, դուք հարցրեցիք: ))

- Եվ վերջում...

- Խաղաղություն բոլորիս, հաջողություն, ու միշտ փորձենք լինել ուրախ, պոզիտիվը թող երբեք չբացակայի, ինչքան էլ դժվար լինի:

 

Մարիամ Նալբանդյան