«Միշտ վախեցել եմ հարազատների կորստից». Ավո Խալաթյան

Exclusive

 

Past.am-ի բլից հարցերին պատասխանում սիրված դերասան, հաղորդավար Ավո Խալաթյանը:

 

 

- Ձեր օրն սկսվում է...

- Ընտանիքիս հետ, ինչպես նաև՝ «Բարի լույս»-ով՝ Արմենիա TV-ի եթերով:

- Ո՞վ կամ ի՞նչն է Ձեր ոգեշնչման աղբյուրը:

- Իմ զավակները, իմ սիրած գործը:

- Գեղեցիկը Ձեզ համար...

- Իմ կյանքը, բնությունը:

- Ու՞մ եք դիմում, երբ հուսահատ եք:

- Ընկերներիս, հարազատներիս, կնոջս:

- Կյանքում երբեք չեք ների...

- Սուտը և դավաճանությունը:

- Ձեր ամենամեծ հիասթափությունը...

- Մարդկանց անպատասխանատվությունը:

- Մի բան, որի համար շատ եք ափսոսել...

- Երևի որ վերջին տարիներին հորս հետ քիչ եմ շփվել:

- Ձեր կյանքի ամենառոմանտիկ հանդիպումը...

- Եղել է Փարիզում՝ անձրևի տակ, իմ այժմյան կնոջ հետ:

- Երբ բարկացած եք...

- Օ՜, ավելի լավ է հեռու մնան ինձանից:

- Ձեզ հասկանալու համար դիմացինը պետք է...

- Փորձի հասկանալ:

- Ընտանի կենդանի ունե՞ք:

- Շուն եմ ունեցել ու սիրում եմ բոլոր կենդանիներին:

- Եթե լինեիք ամենազոր...

- Միշտ կլինեի թույլի կողմը ամեն դեպքում:

- Հայրենիքը Ձեզ համար...

- Ամեն-ամեն ինչ է:

- Ձեր կյանքի ամենամեծ ձեռքբերումը...

- Ընտանիքս, զավակներս:

- Ամենաշատը երազում եք...

- Ես միշտ եմ երազում, երազելը ձրի է՝ ինչպես ֆրանսիացին է ասում: Երազում եմ, որ խաղաղ լինի երկիրը, միշտ իմ սիրած գործով զբաղվեմ:

- Երբեք չեք փորձի...

- Մանրանալ:

- Աշխարհի լավագույն վայրը Ձեզ համար...

- Երևանը, Հայաստանը:

- Միշտ վախեցել եք...

- Հարազատների կորստից:

- Մարդ, ով փոխել է Ձեզ...

- Ես չեմ փոխվել երբեք:

- Տանել չեք կարողանում, երբ...

- Մարդիկ երկու երես են հագնում:

- Մի բառով բնորոշեք ինքներդ Ձեզ:

- Ազնիվ:

- Տարվա ո՞ր եղանակի հետ եք Ձեզ ասոցացնում:

- Աշնան, որովհետև աշնան եմ ծնվել:

- Իր, որ միշտ Ձեզ հետ է...

- Փոքրիկ վզնոցս, որի վրա զավակներիս խորհրդանշող սիմվոլներ են:

- Երջանկության՝ Ձեր բանաձևը...

- Չունեմ բանաձև, փորձում եմ ամեն վայրկյան որսալ երջանկության պահերը:

- Առանց ինչի՞ չեք կարող ապրել:

- Թատրոնի:

- Ամենակարևորը՝ կյանքում…

- Հավատը:

- Վերջին անգամ ե՞րբ եք արտասվել:

- Ինձ շատ հեշտ է լացացնելը, թեկուզ լավ ֆիլմ լինի, ես կարտասվեմ:

- Ձեր գերագույն նպատակն այս կյանքում...

- Մարդ մնալն է:

- Ուրիշ ի՞նչ հարցի կցանկանայիք պատասխանել, որը չհնչեց:

- Չկա, շատ գեղեցիկ կոմպլեքս էիք արել: ))

- Եվ վերջում...

- Կցանկանայի, որ բարությունը, խաղաղությունը և ազնվությունը գերիշխեն մեր կյանքում, խաղաղ լինի մեր հայրենիքը, պատերազմ չլինի: Իսկ մեր ժողովրդին ու մեզ բոլորիս միայն լավն եմ մաղթում:

 

Մարիամ Նալբանդյան